တၫ်စးထီၣ်ဟ့ၣ် ပိာ်မုၣ်သုးတၫ်မၤလိ နီၫ်ဂံၫ်(၁)၀ီတ၀ီ

လါအီကူာ်(၁၅),၂၀၂၅နံၣ်, အၣ်ထူခ့ၣ်တၢ်ကစီၣ်

သုးဟံးန့ၫ်ထံထံကီၫ်တၫ်စိတၫ်ကမီၤတဖုအံၤ ကမျၢၫ်တၫ်ဘၣ်ကဲသုးပိာ်မုၣ် နီၫ်ဂံၫ်(၁)၀ီတ၀ီန့ၣ် အိးထီၣ်၀ဲဖဲ ၀့ၫ်မီာ်ဘံၣ်, နီၫ်ဂံၫ်(၄) သုးခိၣ်ဃီၤဒီးသုးစကီၤတၫ်သိၣ်လိကၠိဒီးတၫ်ကစီၣ်သုတဟးထီၣ်အဂီၫ် မၤ၀ဲဃံးဃံးအဂ့ၫ် Myanmar Defense Security Institute- MDSIထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.

“ပိာ်မုာ်သုးတၫ်မၤလိနီၫ်ဂံၫ်(၁)၀ီတ၀ီန့ၣ် တၫ်အိးထီၣ်၀ဲအိၣ်(၂)လါလံအဂ့ၫ်”သုးပူၤဂ့ၫ်ခီၣ်ထံးတၫ်ကစီၣ်တဂၤတဲဃာ်၀ဲ အဂ့ၫ် MDSI တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.

နီၫ်ဂံၫ်(၄)သုးခိၣ်ယီၤဒီးသုးစကီၤတၫ်သိၣ်လိကၠိအံၤ မ့ၫ်စ့ၫ်ကီးသုးတၫ်သိၣ်လိကၠိတဖျၢၣ်လၢ ညီနုၫ်အိးထီၣ်ဂဲၤလိန့ၫ်၀ဲ သုးစကီၤ/စရီ(ပိာ်မုၣ်)တၫ်မၤလိဒီးဂ့ၫ်ခီၣ်ထံးသုးဖိသီ(ပိာ်မုၣ်)တၫ်မၤလိတဖၣ်န့ၣ်လီၤ.

သုးကရူၫ်အံၤန့ၣ် ပိာ်မုၣ်တၫ်ဘၣ်ကဲသုးအဂီၫ် လၢထံကီၫ်ဒီတဘ့ၣ်အပူၤပိာ်မုာ်ဖိတဖၣ် သမံသမိးဖီၣ်၀ဲတဖၣ်,၀့ၫ်,ဒူသ၀ီစုာ်စုာ် ဟံးန့ၫ်စရီ ကိး၀ဲအိၣ်အဂ့ၫ်MDSIတဲ၀ဲလီၤ.

ခီဖျိလၢသုးကီၣ်ကး က့ၤဖီၣ်ကိးတၫ်တဖၣ်အဃိ ၀့ၫ်တကူၣ်ဒီးလီၫ်က၀ီၤတနီၤအပူၤ ပိာ်မုၣ်တဖၣ် လီၤမၫ်၀ဲအဂ့ၫ်စ့ၫ်ကီး Myanmar Defense Security Institute- MDSI ထုးထီၣ်ဘိးဘၣ်ရၤလီၤတၫ်ကစီၣ်လီၤ.

တၫ်ဃုသ့ၣ်ညါ ပယီၤသုးဂ့ၫ်၀ီဒီးတၫ်ဘံၣ်တၫ်ဘၢကရၢ(MDSI)န့ၣ် မ့ၫ်စ့ၫ်ကီးသုးဒီးတၫ်ဘံၣ်တၫ်ဘၢဂ့ၫ်၀ီတၫ်ဃုသ့ၣ်ညါ ကရၢတခါလၢတၫ်ဒုးအိၣ်ထီၣ်အီၤခီဖျိ သုးဖိလၢထီဒါ၀ဲ ၂၀၂၁နံၣ်,သုးဟံးန့ၫ်ဆူၣ်ထံကီၫ်တၫ်စိတၫ်ကမီၤဒီးဟဲက့ၤဆူက မျၢၫ်အိၣ်တဖၣ်န့ၣ်လီၤ.