လါအီကူာ်(၁၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တနီသရံၣ်ကီၫ်ခီ,ပလီကီၫ်ဆၣ်ပူၤ တၫ်ဒုးတဖၣ်အဃိ ပှၤလီၫ်အိၣ်ကမှံဖိလၢဘၣ်ပာ်တ့ၫ်တၫ်အိၣ်ဆိးလီၫ်ကျဲဒီး ဃ့ၫ်ပူၤဖျဲး ၅,၀၀၀ဂၤဃၣ်ဃၣ် လိၣ်ဘၣ်ဂ့ၫ်ဂီၫ်အူတၫ်တၫ်အီၣ်တၫ်အီအဂ့ၫ် တၫ်သ့ၣ်ညါဘၣ်လၢပှၤမၤစၢၤပှၤလီၫ်အိၣ်ကမှံဖိ တဖၣ်အအိၣ်န့ၣ်လီၤ.
ပှၤလီၫ်အိၣ်ကမှံဖိတဖၣ်န့ၣ် ခံကပၤတၫ်ဒုးအဃိ ဘၣ်ဃ့ၫ်အိၣ်ကဒု အိၣ်လံအသီ(၂၀)ဘျဲၣ်အသိး မူခိၣ်စူၤဒီးဖံးတၫ်မၤတၫ်တန့ၫ်,တၫ်ဟဲနုာ်တအိၣ်တကးဘၣ် ပှၤဟဲမၤစၢၤတၫ်စ့ၫ်ကီးတအိၣ်အဃိ အီၣ်အီအဂီၫ်တၫ်ဂ့ၫ်ကီအိၣ်ထီၣ်၀ဲလီၤ.
လၢကတီၫ်အံၤ ပှၤလီၫ်အိၣ်ကမှံဖိတဖၣ်န့ၣ် တၫ်အီၣ်တနီၤလၢအိၣ်တ့ၫ်တဖၣ် ဟ့ၣ်နီၤအီၣ်လိာ်သးကဒဲကဒဲန့ၫ်၀ဲဘၣ်ဆၣ် လၢစှၤသီအတီၫ်ပူၤ ကကွၫ်ဆၢၣ်မဲာ်ဘၣ် တၫ်အီၣ်တၫ်အီတလၢတလီၫ်န့ၣ်လီၤ.
အပူၤကွံာ် လါယူၤလံ(၂၄)သီနံၤ တၫ်ဒုးတဖၣ်အဃိ ၀့ၫ်ပလီအဖီခိၣ် ပှၤလီၫ်က၀ီၤဖိတဖၣ်ဒီးစၣ်ဒံၣ်,တပိၣ်သ၀ီ, စယး ဆ့းသ၀ီ,ဘဲပၠ့ၣ်သ၀ီ,မ့ပၠ့ၣ်သ၀ီ,တါရှ့သ၀ီ လီၫ်က၀ီၤဖိ ၅,၀၀၀ဂၤဃၣ်ဃၣ် ဘၣ်ဃ့ၫ်သုးန့ၣ်လီၤ.
တုၤ လါအီကူာ်(၁၃)သီနံၤ ၀့ၫ်ပလီကပၤ သုးခီၣ်မံးရှၢၣ်အသုးဒီးတၫ်ပၢၫ်ဆၢသုးတဖၣ်အဘၢၣ်စၢၤ ခံကပၤသုးဂ့ၫ်၀ီဖ့ၣ်ဆၢ၀ဲအသိး ပယီၤသုးတကပၤစ့ၫ်ကီး ဟဲဒုးခးလီၤတၫ်လၢကလံၤကျါန့ၣ်လီၤ.
ပလီတၫ်ဒုးအပူၤ ထံဖိကီၫ်ဖိကမျၢၫ် တစှၤန့ၫ်(၂၀)ဂၤ ဘၣ်ဒိဘၣ်ထံသံဒီးလီၫ်က၀ီၤကမျၢၫ်လၢအကထိ ဘၣ်ပာ်တ့ၫ်တၫ် အိၣ်ဆိးလီၫ်ကျဲဃ့ၫ်ပူၤဖျဲးသးန့ၣ်လီၤ.
Ref: TLT
