လါအီကူာ်(၇)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကၠီၣ်တဲၣ်-ခဲၣ်ဘီဒံယါကီၫ်ဆၢအပူၤ ဖဲအပူၤကွံာ် လါယူၤလံအလၢာ်န့ၣ် ကၠီၣ်တဲၣ်ဒီးခဲၣ်ဘီဒံယါသုးအဘၢၣ်စၢၤ ကီၫ်ဆၢတၫ်ဂ့ၫ်လိာ်ဘှီလိာ်တၫ်ဒုးအဃိ ပှၤလၢဘၣ်သံဒီးဘၣ်ဒိဘၣ်ထံးတဖၣ် တၫ်ကဟ့ၣ်တၫ်ဆီၣ်ထွဲမၤစၢၤအဂီၫ် ကၠီၣ်တဲၣ်ပဒိၣ်ကိတိာ်ကရၢ တၢၣ်ပီၣ်တဲသကိးဆၢတဲာ်၀ဲန့ၣ်လီၤ.
လါအီကူာ်(၅)သီနံၤ ပဒိၣ်ကရၢအတၫ်အိၣ်ဖှိၣ်တၫ်ဆၢတဲာ်အဖီခိၣ် ကီၫ်ဆၢတၫ်သဘံၣ်သဘုၣ်အပူၤ သုးဖိလၢဘၣ်သံတဖၣ်,ပၢၤကီၣ်တဖၣ် နီၫ်တဂၤစုာ်စုာ် အကကွဲၫ်(၁၀)ဘး,ပှၤလၢအနီၫ်ခိက့ၫ်ဂီၤဘၣ်ဟးဂီၤတဖၣ် နီၫ်တဂၤ(၁) ကကွဲၫ်ဘးစုာ်စုာ်,ပှၤလၢဘၣ်ဒိဘးထံးနးမးတဖၣ်တဂၤ(၅)ကလီၫ်စုာ်စုာ်,ပှၤလၢတၫ်ဘၣ်ဒိဘၣ်ထံး တဒိၣ်တဖၣ် နီၫ်တဂၤ(၅)ကလးဘးစုာ်စုာ် တၫ်ကဟ့ၣ်ဆီၣ်ထွဲမၤစၢၤ၀ဲအဂီၫ် အၢၣ်လီၤတူၫ်လိာ်၀ဲအဂ့ၫ် ကၠီၣ်တဲၣ်ကိတိာ်ခိၣ်ကျၢၫ်ပတြီာ် ဖိထါ၀့းခၠးယးခၠဲ တဲလီၤ၀ဲ ဖဲတၫ်တဲဖျါထီၣ်တၫ်ကစီၣ်တၫ်ရဲၣ်တၫ်ကျဲၤအပူၤန့ၣ် လီၤ.
ကမျၢၫ်ပှၤပတီၫ်မုၫ် လၢဘၣ်သံတဖၣ်အဂီၫ် နီၫ်တဂၤ(၈)ကကွဲၫ်,အနီၫ်ခိက့ၫ်ဂီၤမ့ၫ်ဟးဂီၤန့ၣ် (၈)ကလီၫ်,ဘၣ်ဒိမ့ၫ်နးန့ၣ် (၄)ကလီၫ်စုာ်စုာ်,တၫ်ဘၣ်ဒိဘၣ်ထံးမ့ၫ်တနးန့ၣ်(၅)ကလးဘးစုာ်စုာ် ကဟ့ၣ်ဆီၣ်ထွဲမၤစၢၤ၀ဲအဂ့ၫ် တဲ၀ဲန့ၣ်လီၤ.
ဘၣ်ထွဲဒီးကီၫ်ခဲဘီဒံယါကီၫ်ဆၢဂ့ၫ်၀ီန့ၣ် စးထီၣ်လၢလါဖ့ၤဘြူၤအါရံၤလံၤလံၤတၫ်မၤတၢထီၣ်တၢလီၤ ဒုးဃီၤတၫ်လၢ မံၣ်ဒံၣ်ယၣ်တဖၣ်န့ၣ် ကၠီၣ်တဲၣ်တကပၤ ၀ံသးစူၤတ့ၫ်၀ဲဖဲအသ့လီၤ.တၫ်ခးလိာ်သးသုတအိၣ်ထီၣ်တဂ့ၤအဂီၫ်ဒီး တၫ်ကဃုအဆၢလၢတၫ်တၢၣ်ပီၣ်တဲသကိးအဂီၫ် ကၠီၣ်တဲၣ်ကျဲးစၢးဂဲၤလိာ်၀ဲလီၤ.သနာ်က့ လၢတကပၤ လုၫ်သ့ၣ်ခီပတာ်ထံဂုၤ ကီၫ်ဂၤတၫ်ဘျၢဒီးဟဲမၤဘၣ်ဒိပထံကီၫ်တၫ်စိတၫ်ကမီၤလီၤ.ကမျၢၫ်ဟံၣ်ဃီတၫ်အိၣ်ယၢၤတဖၣ် ဘၣ်ဟးဂုၤဟးဂီၤ၀ဲအ ဃိ တအဲၣ်ဒိးတၫ်ဒုးကဲထီၣ်ဘၣ်ဆၣ် ဘၣ်ကဲထီၣ်၀ဲလီၤ.ကမျၢၫ်သးသမူဟံၣ်ဃီတဖၣ် ဘၣ်ဟးဂီၤ၀ဲဒီးပညိၣ်ခး၀ဲ တၫ်ဆါဟံၣ်,ကၠိတဖၣ်အဃိ ကလိာ်ဘၢလိာ်ကွီၫ် ခဲဘီဒံယါသုးလၢတၫ်မၤကမၣ်ကွီၫ်မ့ၣ်တၫ်ဘျၢတဖၣ် လီၤ.တၫ်ဟးဂုၤဟး ဂီၤအပှ့ၤကလံၤတဖၣ် ကဃ့ကဒါက့ၤ၀ဲလီၤ. ကမျၢၫ်စ့ၫ်ကီး အတၫ်ဟးဂုၤဟးဂီၤတဖၣ်အဖီခိၣ် ကီၫ်ခဲဘီယံဒါတကပၤ ကလိးက့ၤ၀ဲအဂီၫ် ဃ့ထီၣ်၀ဲသ့န့ၣ်လီၤ.ကၠီၣ်တဲၣ်ပဒိၣ်တကပၤ ကတၢၣ်ပီၣ်တဲသကိးတၫ်ဒီးထံကီၫ်တၫ်ဘံၣ်တၫ်ဘၢကီၣ်ကးအဂ့ၫ် ကီၫ်ကၠီၣ်တဲၣ်ကိတိာ်ခိၣ်ကျၢၫ်ပတြီာ် တဲ၀ဲလီၤ.
တၫ်ကတၢၣ်ပီၣ်တဲသကိးဒီးဃုတၫ်သဘံၣ်သဘုၣ်အဆၢအဂီၫ် ဖဲတနံၤအံၤလါအီကူာ်(၇)သီအနံၤန့ၣ် ကၠီၣ်တဲၣ်-ခဲၣ်ဘီဒံယါ ကီၫ်ဆၢကမံးတံာ်သဃဲၤ GBCတၫ်အိၣ်ဖှိၣ်အိၣ်၀ဲန့ၣ်လီၤ.ကၠီၣ်တဲၣ်-ခဲၣ်ဘီဒံယါ ခံကပၤတၫ်ဒီသဒၢကိတိာ်ကဟဲ ထီၣ်၀ဲလီၤ.တရူး,အမဲရကၤဒီးမလ့ရှါ ခၢၣ်စးတဖၣ်စ့ၫ်ကီး ကထီၣ်ဒိကနၣ်၀ဲတၫ်အိၣ်ဖှိၣ်အဂ့ၫ် တဲ၀ဲလီၤ.
ဖဲလါယူၤလံ(၂၄)သီ တုၤ (၂၈)သီအနံၤ တၫ်သဘံၣ်သဘုၣ်ကဲထီၣ်အပူၤ ကၠီၣ်တဲၣ်တကပၤ သုးဖိသံ(၁၅), ဘၣ်ဒိဘၣ် ထံး(၁၉၆)ဂၤ,ကမျၢၫ်သံ(၁၇)ဂၤဒီးဘၣ်ဒိ(၃၈)ဂၤန့ၣ်လီၤ.
Ref: DVB
