လါအီကူာ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အ့ၣ်ယၣ်၀တံၣ်ကီၫ်ခီ,အ့ကပူၣ်ကီၫ်ဆၣ်,သ၀ီတနီၤအပူၤ သုးကီၣ်ကးအသုးအိၣ်ကတီၤဃာ်သုးဂ့ၫ်၀ီအဃိ ပှၤလီၫ်က၀ီ ဖိတဖၣ် ဘၣ်ယိၣ်ဘၣ်ဘှီတၫ်အဂ့ၫ် တၫ်သ့ၣ်ညါဘၣ်လီၤ.
သ၀ီတနီၤအပူၤ ဆီလီၤဃာ်ကျိဖးဒိၣ်တဖၣ်,သုးကဘီတဖၣ်အိၣ်ပတုာ်လၢကၢၫ်ကပၤဒီး သ၀ီကျဲနုာ်လီၤဟးထီၣ်တဖၣ် သမံသမိး၀ဲအဂ့ၫ်န့ၣ်လီၤ.
“လၢအ့ၣ်ယၣ်၀တံၣ်ထံကျိကၢၫ်နံၤန့ၣ် ဆီလီၤဃာ် ကျိဖးဒိၣ်(၂)ခိၣ်လီၤ.လီၫ်က၀ီၤဖိတဖၣ် ဘၣ်ယိၣ်ဘၣ်ဘှီတၫ်အဂ့ၫ် လီၫ်က၀ီၤဖိတဂၤတဲ၀ဲလီၤ.
သုးကီၣ်ကးအသုးကျိၤလၢဂံၫ်ဘါပာ်ဃုာ်(၇၀)ဂၤဃၣ်ဃၣ်အံၤ ဟဲထီၣ်သုးကျိၤလၢဒူသ၀ီတဖၣ် တပယူာ်ဃီအဂ့ၫ် တၫ်သ့ၣ်ညါဘၣ်လီၤ.
အပူၤကွံာ်လါမးရှးအပူၤ လၢအ့ကပူၣ်ကီၫ်ဆၣ်,စီၤစုၤယံာ်ဒီး၀့ၫ်ကွ့ကီး(၄)မဲၣ်ဃၣ်ဃၣ် ရၢၫ်ခၢၣ်သုးမုၫ်ဒိၣ်(AA)သုးပာ်ဖှိၣ်တဖၣ်ဒီးသုးကီၣ်ကးသုးအဘၢၣ်စၢၤ တၫ်ဒုးကဲထီၣ်တပယူာ်ဃီ၀ံၤအလီၫ်ခံ သုးကီၣ်ကးတကပၤ မၤပှဲၤအါထီၣ် သုးအဂံၫ်အဘါန့ၣ်လီၤ.
အ့ၣ်ကပူၤကီၫ်ဆၣ်ဒီးလ့မၠဲးနၣ်ကီၫ်ဆၣ်အဆၢဒူသ၀ီတဖၣ် သုးကီၣ်ကးတ့ၫ်လီၤမ့ၣ်ပိၫ်လၢကလံၤကျါတကးဘၣ် ခးလီၤစ့ၫ်ကီးကျိဖးဒိၣ်တလီၫ်လီၫ်အဂ့ၫ် တၫ်သ့ၣ်ညါဘၣ်လီၤ.
Ref: AT
