လါအီကူာ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ယပၣ်န့ၣ် လၢ(၃)နံၣ် တကတီၫ်ဃီ ကွၫ်ဆၢၣ်မဲာ်ဘၣ် လါယူၤလံလၢအကိၫ်ကတၢၫ်န့ၣ်လီၤ.
တၫ်ကိၫ်ဆူၣ်တကတီၫ်ဃီဒီး မူခိၣ်စူၤစှၤန့ၫ်ဒံးညီနုၫ်(၁၀)မျးကယၤအဃိ ဘၣ်ဒိဘၣ်ထံးတၫ်ထုးထီၣ်ဟုသးအဂ့ၫ် ယပၣ်မူခိၣ်ကလံၤသီၣ်ဂီၤ၀ဲၤကျိၤ ပာ်ဖျါ၀ဲလီၤ.
လါယူၤလံတၫ်ကိၫ်အသဟီၣ်န့ၣ် လၢထံကီၫ်ဒီတဘ့ၣ်အပတီၫ် အိၣ်၀ဲ(၂.၈၉)ဒံၣ်ကရံၣ်စဲစံယၢးညါန့ၣ်လီၤ.
တၫ်အံၤ စးထီၣ်လၢ၁၈၉၈နံၣ်လံၤလံၤ တၫ်မၤနီၣ်၀ဲတၫ်ကိၫ်အသဟီၣ်ဒီးမ့ၫ်တၫ်ကိၫ်အသဟီၣ်လၢအဆူၣ်၀ဲန့ၣ်လီၤ.
အပူၤကွံာ် ၂၀၂၄နံၣ်န့ၣ် အိၣ်၀ဲ ၂.၁၆၁ဒံၣ်ကရံၣ်စဲစံယၢးဒီးအခဲအံၤအလါယူၤလံန့ၣ် ကဲထီၣ်တၫ်ကိၫ်အဆူၣ်ကတၢၫ် အဂ့ၫ် ယပၣ်မူခိၣ်ကလံၤသီၣ်ဂီၤအ့ၣ်ကၠ့ၣ်စံၣ် JMA တဲ၀ဲလီၤ.
လၢတနံၣ်တၫ်ကိၫ်အသဟီၣ်န့ၣ် တမ့ၫ်ဒ်ညီနုာ်ဘၣ်ဒီးဆူၣ်ထီၣ်၀ဲအဂ့ၫ် မူခိၣ်ကလံၤသီၣ်ဂီၤ၀ဲၤကျိၤတဲဃာ်၀ဲ၀ံၤ ဖဲလါယူၤလံ(၃၀)သီအနံၤ တၫ်ကိၫ်တသဟီၣ်န့ၣ်အိၣ်၀ဲ(၄၁.၂)ဒံၣ်ကရံၣ်စဲစံးယၢးဒီး၀့ၫ်တၣ်ဘၣ်တၫ်ကိၫ်န့ၣ် ကဲထီၣ်၀ဲအဆူၣ်ကတၢၫ်န့ၣ်လီၤ.
တၫ်အံၤ မ့ၫ်ကီၫ်ယပၣ်အတၫ်ကိၫ်လၢအဆူၣ်ကတၢၫ်၀ံၤ လါယူၤလံ(၂၄)သီနံၤန့ၣ် ဟိၣ်ကဲဒိၣ်အတၫ်လီၫ်တနီၤအပူၤ စ့ၫ်ကီး တၫ်ကိၫ်အသဟီၣ် ဆူၣ်ထီၣ်၀ဲတုၤ(၄၀)ဒံၣ်ကရံၣ်စဲစံးယၢးန့ၣ်လီၤ.
တကးဘၣ် ကီၫ်ယပၣ်အတၫ်လီၫ် ၄၅၆၅ခါအပူၤ တၫ်ကိၫ်အသဟီၣ်အိၣ်တုၤလၢ ၃၅ဒံၣ်ကရံၣ်စဲစံးယၢးဒီး တၫ်မ့ၫ်ထိၣ် သတြီၤကွၫ်လၢ ၂၀၁၀နံၣ်လံၤလံၤ တၫ်မၤနီၣ်မၤဃါန့ၣ် မ့ၫ်အဆူၣ်ကတၢၫ်န့ၣ်လီၤ.
လါယူၤလံအပူၤ ကီၫ်ယပၣ်တၫ်လီၫ်အါတက့ၫ်အပူၤ တၫ်စူၤ၀ဲဘၣ်ဆၣ် စှၤန့ၫ်ဒံးကိးမုၫ် တၫ်စူၤတ၀ာ်ညါဒံးန့ၣ်လီၤ.
JMAမူခိၣ်ကလံၤသီၣ်ဂီၤအတၫ်တယာ်အဖီခိၣ် တၫ်ကိၫ်အသဟီၣ်န့ၣ် အံၣ်ကံၣ်နၣ်၀ၣ်ကလံၤထံးဟီၣ်က၀ီၤ တပာ်ဃုာ်ဘၣ် တုၤလါအီကူာ် လၢတၫ်လီၫ်အါတက့ၫ်အပူၤ တၫ်ကိၫ်ကဆူၣ်ထီၣ်၀ဲန့ၣ်လီၤ.
Ref: DVB
