လါယူၤလံ(၂၃)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကီၢ်ကၠီၣ်တဲၣ်, မဲဆီးကီၢ်ဆၣ်အပူၤ “၀ံၣ်ဖၣ်” တၢ်ကိၢ်ကလံၤမုၢ်အစိး ဟဲနုၥ်လီၤသ့အဃိကၠီၣ်တဲၣ်ပှၤဘၣ်မူဘၣ်ဒါတဖၣ် ရဲၣ်ကျဲၤမၤတၢ်အိၣ်ဖှိၣ်တဖၣ် ဖဲမဲးဆီး၀့ၢ်ပူၤ က၀ီၤဒ့တဖၣ်အပူၤ၀ံၤတၢ်ကဒီသဒၢဆိပၥ်ကလံၤမုၢ်တၢ်လီၤဘၣ်ယိၣ်အဂီၢ် ဟ့ၣ်ပလီၢ်၀ဲအဂ့ၢ် တၢ်သ့ၣ်ညါဘၣ်လၢ ပှၤလၢလဲၤထီၣ်၀ဲတၢ်အိၣ်ဖှိၣ်တဖၣ်အအိၣ်န့ၣ်လီၤ.
၀ံၣ်ဖၣ်ကလံၤမုၢ်အစိး ဟဲနုၥ်လီၤသ့အဃိ ထံဖိကီၢ်ဖိကမျၢၢ်ဒီး ပှၤတ၀ၢတၢ်ကရၢကရိတဖၣ် ဒ်သိးကတီၤဆိပၥ်၀ဲကန့ၢ်အဂီၢ် ကိးဟ့ၣ်ပလီၢ်၀ဲအဂ့ၢ် စံး၀ဲန့ၣ်လီၤ.
“ကလံၤမုၢ် မ့ၢ်ဟဲနုၥ်လီၤန့ၣ် ဒ်သိးကဒီသဒၢဆိပၥ်သးကန့ၢ်အဂီၢ် ဟးဒုးသ့ၣ်ညါ၀ဲက၀ီၤဒ့တဘ့ၣ်စုၥ်စုၥ်လီၤ. ယၤတခီ ယလဲၤထီၣ်၀ဲတၢ်အိၣ်ဖှိၣ်ဖဲမဲၢ်ပးက၀ီၤဒ့အပူၤလီၤ.၀ံၣ်ဖၣ်ကလံၤမုၢ်အစိးဟဲနုၥ်လီၤ၀ဲသ့အဃိလီၢ်က၀ီၤအပူၤဟးဟ့ၣ်ပလီၢ်၀ဲလၢ ကဒီသဒၢဆိပၥ်သးအဂီၢ်”အဂ့ၢ် ကိၣ်စ့ၣ်မၠိလၢ လဲၤထီၣ်၀ဲတၢ်အိၣ်ဖှိၣ်တဂၤ စံး၀ဲန့ၣ်လီၤ.
မုၢ်နံၤမုၢ်သီလၢ ကဘၣ်အိၣ်ပလီၢ်သးလီၤဆီတဖၣ်လၢအမ့ၢ် လါယူၤလံ(၂၂)သီ, (၂၃)သီ, (၂၄)သီ၀ံၤ တၢ်ဒုးသ့ၣ်ညါဟ့ၣ်ပလီၢ်ဆိပၥ်၀ဲအဂ့ၢ် စံး၀ဲန့ၣ်လီၤ.
မဲဆီး၀့ၢ်အပူၤ ခီဖျိမူခိၣ်စူၤတပယူၥ်ဃီအဃိ ထံဒိၣ်ဒီးထံလူၤဘၢတၢ်တဖၣ် အိၣ်ထီၣ်၀ဲလၢလီၢ်က၀ီၤလၢဟီၣ်ခိၣ်လီၤဘံးတဖၣ်၀ံၤ ၀ံၣ်ဖၣ်တၢ်ကိၢ်ကလံၤမုၢ်အစိးစ့ၢ်ကီး ဟဲနုၥ်လီၤ၀ဲသ့အဃိ ကမျၢၢ်ဖိတဖၣ် ကဒီသဒၢဆိပၥ်သးအဂီၢ် ကၠီၣ်တဲၣ်ပှၤဘၣ်မူဘၣ်ဒါတဖၣ် ဟးဟ့ၣ်ပလီၢ်၀ဲန့ၣ်လီၤ.
Ref: DVB
