လါယူၤလံ(၁၆)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,ပသံၣ်ထံသုး သုးကီၣ်ကးအသုးကဘီ(၃)ခိၣ်န့ၣ် ဟဲတီၣ်ထီၣ်၀ဲ သိလ့ၣ်ဒုးသုးထးတဖၣ်၀ံၤ ဟဲထီၣ်ဃီၤ၀ဲလိၤလိၤ ဖဲင၀ၣ်ထံကျိအဂ့ၫ် တၫ်သ့ၣ်ညါဘၣ်လီၤ.
ဖဲလါယူၤ(၁၄)သီအနံၤန့ၣ် သုးကီၣ်ကးအသုးကဘီ(၃)ခိၣ်န့ၣ် ဟဲထီၣ်၀ဲ ဖဲင၀ၣ်ထံကျိလိၤလိၤ၀ံၤ ဟဲနုာ်လီၤသ့တုၤ ငသဲခၠီဒီးလ့မၠဲးနၣ်ကီၫ်ဆၣ်တဖၣ်အပူၤအဂ့ၫ် တၫ်သ့ၣ်ညါဘၣ်လီၤ.
“သုးကဘီတဖၣ်န့ၣ် တအိၣ်ပတုာ် ဖဲငသဲခၠီကဘီသန့ဘၣ်အမဲာ်ညါ တၫ်တယာ်၀ဲလၢကလဲၤထီၣ်ဃီၤ၀ဲတုၤဆူ လ့မၠဲးနၣ်တိၤအဂ့ၫ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
အပူၤကွံာ်လါယူၤလံ(၁၃)သီအနံၤစ့ၫ်ကီး အိၣ်လၢငသဲခၠီကီၫ်ဆၣ်တကပၤ၀ံၤ ဆှၢဃီၤသုးဂံၫ်ဘါဒီးသုးလိလ့ၣ်(၂)ခိၣ် ပှဲၤပှဲၤဆူလ့မၠဲးနၣ်တကပၤအဂ့ၫ် လီၫ်က၀ီၤဖိတဖၣ်တဲ၀ဲအဖီခိၣ် တၫ်သ့ၣ်ညါဘၣ်လီၤ.
အလဲၣ်ကၠိယွၣ်အကပၤ ဖဲသီခါဖၠၣ်န့ၣ် သုးကီၣ်ကးနီဟးထီၣ်ကွံာ် ပှၤစံၣ်သုးတဖၣ်ဒီးသုးကီၣ်ကးအသုးဖိတနီၤ ဆီလီၤဃာ်အသး၀ံၤသုးကီၣ်ကးန့ၣ် လၢလ့မၠဲးနၣ်တကးဘၣ် လၢအ့ၣ်ကပူၤကီၫ်ဆၣ်ဒီးကွ့ကီးတကပၤစ့ၫ်ကီး မၤပှဲၤသုးဂံၫ်ဘါအိၣ်၀ဲလီၤ.
အပူၤကွံာ် လါယူၤလံ(၁၁)သီအနံၤ,ဒနူးဖၠူၣ်ကီၫ်ဆၣ်,ခလရ-၁၀၈ သုးကလၢၤပူၤ သုးဖိသီလၢတၫ်ကရၢကရိပာ်ကီၤဃာ်တဖၣ်ဒီးသုးကီၣ်ကးသုးဖိတဖၣ် တၫ်ဆှၢအီၤဆူကွ့ကီးတကပၤလၢသိလ့ၣ်(၈)ခိၣ်အဂ့ၫ် တၫ်သ့ၣ်ဘါဘၣ်လၢ ပှၤလီၫ်က၀ီၤဖိတဖၣ်အိၣ်န့ၣ်လီၤ.
သုးကီၣ်ကးန့ၣ် အိၣ်လၢငသဲခၠီကျိဖးဒိၣ်သုးတကပၤ၀ံၤ ခးစိဃီၤကျိဖးဒိၣ်ဆူ လ့မၠဲးနၣ်ကီၫ်ဆၣ်,စဲးစဲးယိၣ်ဒီးခၠ့လဲၣ်သ ၀ီတဖၣ်အပူၤ တလီၫ်လီၫ်အဂ့ၫ် ပှၤလီၫ်က၀ီၤဖိတဖၣ်တဲ၀ဲလီၤ.
ref: AT
