လါယူၤလံ(၁)သီ, ၂၀၂၅နံၣ်
စကဲဟီၣ်ခိၣ်ဟူး၀းတ့ၢ်၀ဲ၀ံၤအလီၢ်ခံ ပယီၤမီၤစိရိၤအသုး မၤကလံၤကျါတၢ်ဒုးခးလီၤတၢ်(၆၇၃)ဘျီ၀ံၤ ဖဲလၢတၢ်ဒုးခးလီၤတၢ်တဖၣ်အပူၤ ကမျၢၢ်(၅၃၁)ဂၤဘၣ်သံတ့ၢ်၀ဲအဂ့ၢ် ဒီကလုၥ်ဃူးဖိပဒိၣ်, ပှၤဂ့ၢ်၀ီခွဲးယၥ်ကိတိၥ်၀ဲၤကျိၤ ထုးထီၣ်ပၥ်ဖျါဃၥ်၀ဲန့ၣ်လီၤ.
မီၤစိရိၤသုးကီၣ်ကးအသုးန့ၣ်ဖဲလါမးရှး(၂၈)သီတုၤလါယူၤ(၂၇)သီအတီၢ်ပူၤထဲဒၣ်၀့ၢ်တကူၣ်ကီၢ်ခီဒီးန့ၣ်ပၠံၣ်တီၣ်အပူၤတလဲၤဒုးခးလီၤတၢ်ဘၣ်ဆၣ် မ့မ့ၢ်လၢကီၢ်စဲၣ်ဒီးကီၢ်ခီလၢအိၣ်တ့ၢ်တဖၣ်အပူၤ မၤ၀ဲတၢ်ဒုးခးလီၤတၢ် (၆၇၃)ဘျီအဃိ ကမျၢၢ်(၅၃၁)ဂၤသံ၀ဲဒီး (၁၁၈၆)ဂၤသံ၀ဲအဂ့ၢ် ပၥ်ဖျါဃၥ်၀ဲန့ၣ်လီၤ.
ကမျၢၢ်လၢသံ(၅၃၁)ဂၤအကျါ ပှၤလၢသးနံၣ်အိၣ်(၁၈)နံၣ်ဆူအဖီလၥ် ဖိသၣ်(၇၈)ဂၤပၣ်ဃုၥ်၀ံၤ (၁၈)နံၣ်ဆူအဖီခိၣ် ပၣ်ဃုၥ်၀ဲ(၁၈၂)ဂၤဒီး ပှၤ(၂၇၁)ဂၤတခီ တၢ်တသ့ၣ်ညါဘၣ် အသးအနံၣ်တဖၣ်ဒံးဘၣ်အဂ့ၢ် စံး၀ဲန့ၣ်လီၤ.
တကးဘၣ် ဖဲလၢပှၤဘၣ်ဒိ(၁၁၈၆)ဂၤအကျါ(၁၈)နံၣ်ဆူအဖီလၥ်(၂၂၁)ဂၤပၣ်ဃုၥ်၀ံၤပှၤလၢသးနံၣ်အိၣ်(၁၈)ဆူအဖီခိၣ် ပၣ်ဃုၥ်၀ဲ(၂၈၅)ဂၤဒီး မ့မ့ၢ်ပှၤ(၆၈၀)ဂၤတခီ တၢ်တသ့ၣ်ညါဘၣ်အသးအနံၣ်တဖၣ်ဒံးဘၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
တၢ်မ့ၢ်ကွၢ်က့ၤသုးကီၣ်ကးအသုးမၤကလံၤကျါတၢ်ဒုးခးလီၤတၢ် တၢ်အိၣ်သးတဖၣ်တခီစကဲကီၢ်ခီအပူၤမၤကလံၤကျါတၢ်ဒုး(၁၅၀)ဘျီ,ပှၤသံ(၁၆၀)ဂၤဒီးဘၣ်ဒိ(၃၅၀)ဂၤ,ခၠီကီၢ်စဲၣ်ပူၤမၤကလံၤကျါတၢ်ဒုး(၃၂)ဘျီ,ပှၤဘၣ်သံ(၂၀)ဂၤဒီးဘၣ်ဒိ(၃၄)ဂၤ,မကွ့ကီၢ်ခီပူၤမၤကလံၤကျါတၢ်ဒုး(၈၇)ဘျီ၀ံၤပှၤဘၣ်သံ(၄၉)ဂၤဒီးပှၤဘၣ်ဒိ(၁၀၄)ဂၤ,ကခၠ့ၣ်ကီၢ်စဲၣ်ပူၤမၤကလံၤကျါတၢ်ဒုး(၂၅)ဘျီပှၤဘၣ်သံ(၆၁)ဂၤဒီးဘၣ်ဒိ(၉၉)ဂၤ,မါတလ့ကီၢ်ခီအပူၤမၤကလံၤကျါတၢ်ဒုး(၁၈၄)ဘျီပှၤဘၣ်သံ(၁၁၄)ဂၤဒီးဘၣ်ဒိ(၂၅၅)ဂၤ,ယိၤဒိၣ်ကီၢ်စဲၣ်ပူၤမၤကလံၤကျါတၢ်ဒုး (၃၃)ဘျီ,ပှၤဘၣ်သံ(၁၃)ဂၤဒီးဘၣ်ဒိ(၃၅)ဂၤ, ရၢၢ်ခၢၣ်ကီၢ်စဲၣ်ပူၤ မၤကလံၤကျါတၢ်ဒုး (၂၉)ဘျီ ပှၤဘၣ်သံ(၂၉)ဂၤဒီး ဘၣ်ဒိ၀ဲ(၈၃)ဂၤအဂ့ၢ် တၢ်သ့ၣ်ညါဘၣ်န့ၣ်လီၤ.
တကးဘၣ် ကီၢ်ကရ့ၣ်နံၣ်အပူၤ မၤကလံၤကျါတၢ်ဒုး(၉)ဘျီ ပှၤဘၣ်သံ(၁၈)ဂၤဒီးဘၣ်ဒိ (၅၅)ဂၤ, ပကိကီၢ်ခီအပူၤ မၤကလံၤကျါတၢ်ဒုး(၃၉)ဘျီ, ပှၤဘၣ်သံ(၃၀)ဂၤဒီးဘၣ်ဒိ၀ဲ(၅၅)ဂၤ, ကညီကီၢ်စဲၣ်ပူၤ မၤကလံၤကျါတၣ်ဒုး(၄၀)ဘျီ ပှၤဘၣ်သံ(၂၂)ဂၤဒီးဘၣ်ဒိ(၉၉)ဂၤ, အ့ၣ်ယၣ်၀တံၣ်ကီၢ်ခီပူၤ မၤကလံၤကျါတၢ်ဒုး (၁၅)ဘျီ, ပှၤဘၣ်သံ(၉)ဂၤဒီးဘၣ်ဒိ(၁၂)ဂၤဒီး မ့မ့ၢ်လၢတလၢၤကီၢ်စဲၣ်ပူၤတခီ မၤကလံၤကျါတၢ်ဒုး (၁၂)ဘျီ, ပှၤသံ(၂)ဂၤဒီးဘၣ်ဒိ(၄)ဂၤအဂ့ၢ် ပၥ်ဖျါဃၥ်၀ဲန့ၣ်လီၤ.
ကမျၢၢ်လၢကွၢ်ဆၢၣ်မဲၥ်ဘၣ်စကဲဟီၣ်ခိၣ်ဟူး၀းတဖၣ်အဂီၢ် တၢ်ပၢၢ်ဆၢကရၢတဖၣ် မၤ၀ဲတၢ်မၤပူၤဖျဲးဒီးတၢ်က့ၤသူၣ်ထီၣ်ဆီလီၤတၢ်ဖံးတၢ်မၤတဖၣ်အဆၢကတီၢ် သုးကီၣ်ကးအသုးန့ၣ် မၤကလံၤကျါတၢ်ဒုးခးလီၤတၢ်တဖၣ်, ခးကျိဖးဒိၣ်တဖၣ်ပၣ်ဃုၥ်နုၥ်သုးကျိၤတဖၣ် မၤတ့ၢ်၀ဲလၢ ကီၢ်ပယီၤဒီတဘ့ၣ်အပူၤန့ၣ်လီၤ.
