ကီၫ်ကၠီၣ်တဲၣ်ပူၤ ၂၀၀၅နံၣ်တုၤ၂၀၁၁နံၣ်အတီၫ်ပူၤ ပှၤအိၣ်ဖျဲၣ် ခီကီၫ်ပှၤမၤတၫ်ဖိအဖိအကလံၤတဖၣ် ပတံထီၣ် ကၠီၣ်တဲၣ်ထံဖိကီၫ်ဖိသ့လံ

လါယူၤလံ(၁)သီ,၂၀၂၅နံၣ်

လံာ်ပတံထီၣ်တဖၣ်န့ၣ် (၁)နံၣ်အတီၫ်ပူၤ ဟ့ၣ်တၫ်ပျဲလၢတၫ်ကပတံထီၣ်၀ံၤ ၂၀၀၅နံၣ်ဒီး၂၀၁၁အဘၢၣ်စၢၤ ထံကီၫ်အတၫ်ရဲၣ်တၫ်ကျဲၤတဖၣ်အဖီခိၣ် ဖိသၣ်အိၣ်ဖျဲၣ်ထီၣ်လၢကၠီၣ်တဲၣ် လၢတီၣ်ထီၣ်ဃာ်ဖိသၣ်အိၣ်ဖျဲၣ်စရီတဖၣ် န့ၫ်ခွဲးလၢ ကပတံထီၣ်တၫ်ကဲကၠီၣ်တဲၣ်ထံဖိကီၫ်ဖိန့ၣ်လီၤ.ပညိၣ်၀ဲဒ်သိးကမၤဒိၣ်ထီၣ်ထီထီၣ်၀ဲ ခီကီၫ်ပှၤမၤတၫ်ဖိအဒူၣ်အထၢ တဖၣ်လၢ မၤဘျူးမၤဖှိၣ်တ့ၫ် ကၠီၣ်တဲၣ်လၢအစိၤတဖၣ်အစိၤန့ၣ်လီၤ.

လံာ်တၫ်ကလုၫ်အံၤ ထံလီၫ်ကီၫ်ပူၤကိတိာ်(၂)ဂၤတဂၤ Teerarat Samretwanichဆဲးလီၤစုမုၫ်ကျၢၫ်၀ံၤ ဖဲမဟါနံၤ လါယူၤ(၃၀)သီအနံၤန့ၣ် တၫ်ပာ်ဖျါ၀ဲလၢ(Royal Gazette)အပူၤန့ၣ်လီၤ.

ပှၤပတံထီၣ်တၫ်တဖၣ်န့ၣ် အိၣ်ဖျဲၣ်ထီၣ်လၢကၠီၣ်တဲၣ်ပူၤအဂ့ၫ် ကဘၣ်ပာ်ဖျါထီၣ်ဖိသၣ်အိၣ်ဖျဲၣ်စရီ(မ့တမ့ၫ်) တၫ်မၤနီၣ်လၢဖိးသဲစးတဖၣ်န့ၣ်လီၤ.ဒ်န့ၣ်အသိး အ၀ဲသ့ၣ်အမိၫ်အပၫ်တဖၣ် အိၣ်ဆိးလၢကၠီၣ်တဲၣ်ပူၤ ယံာ်အစှၤကတၢၫ်(၁၅)နံၣ် ဆူအဖီခိၣ်အဂ့ၫ် ကဘၣ်ပာ်ဖျါ၀ဲလီၤ.

ပှၤပတံထီၣ်တၫ်တဖၣ်န့ၣ် ပဘၣ်ပာ်ဖျါထီၣ်၀ဲ တၫ်တဲကၠီၣ်တဲၣ်ကျိာ်(မ့တမ့ၫ်)တၫ်လီၫ်လၢအ၀ဲသ့ၣ်အိၣ်အပူၤ တၫ်ကတိၤကျိာ်တခါခါလၢတဲ၀ဲသ့န့ၣ်လီၤ.

သးနံၣ်(၇)နံၣ်အဖီလာ်ဖိသၣ်ဒီးပှၤလၢတဲတၫ်သ့,ပှၤလၢတနၫ်ဟူတၫ်ဂ့ၤဂ့ၤတဖၣ်တခီ တၫ်ပျဲပူၤအီၤလၢတၫ်ပာ်ပနီၣ်တဖၣ်န့ၣ်လီၤ.

ပှၤပတံထီၣ်တၫ်တဖၣ်န့ၣ် တဘၣ်အိၣ်ဒီးတၫ်မၤနီၣ်မၤဃါလၢကဲထီၣ်တ့ၫ် ပှၤထံဂုၤကီၫ်ဂၤဖိတဖၣ်ဘၣ်အဂ့ၫ် ပှၤဘၣ် မူဘၣ်ဒါတဖၣ် တဲ၀ဲလီၤ.ဒ်န့ၣ်အသိး တဘၣ်မ့ၫ်ပှၤလၢမၤကမၣ်ဃာ်ကွီၫ်မ့ၣ်တၫ်မၤကမၣ်ဒီး တၫ်မၤပျံၤမၤဖုးတ့ၫ် ထံကီၫ်တၫ်ဘံၣ်တၫ်ဘၢဘၣ်.

ပှၤဘၣ်မူဘၣ်ဒါတဖၣ်န့ၣ် ဖဲတၫ်ပတံထီၣ်ကၠီၣ်ကဲကၠီၣ်တဲၣ်ထံဖိကီၫ်ဖိအကတီၫ် တၫ်ဂ့ၫ်တၫ်ကျိၤကမၣ်အဖီခိၣ် ဟ့ၣ်ဘၣ်၀ဲတၫ်ပျဲ(မ့တမ့ၫ်)ပှၤလၢကဲထီၣ်ထံဖိကီၫ်ဖိတဖၣ် မ့ၫ်မၤဘၣ်ဒိထံကီၫ်အတၫ်ဘၣ်ဘျူးန့ၣ် ဒ်တၫ်ဘျၢအသိး ပှၤဘၣ် မူဘၣ်ဒါတဖၣ် ပတုာ်ကွံာ်အီၤလၢတၫ်ကဲကၠီၣ်တဲၣ်ထံဖိကီၫ်ဖိသ့အဂ့ၫ် တဲ၀ဲလီၤ.

လံာ်ပတံထီၣ်တၫ်တဖၣ်န့ၣ် လၢ(၁)နံၣ်အတီၫ်ပူၤ တၫ်ကဘၣ်တီၣ်ဖျါထီၣ်၀ဲဘၣ်ဆၣ် မ့ၫ်လိၣ်ဘၣ်တၫ်ဆၢကတီၫ်န့ၣ် ပဒိၣ်ကပာ်ကနီၣ်အါထီၣ်န့ၫ်၀ဲတၫ်ဆၢကတီၫ်သ့အဂ့ၫ် ပာ်ဖျါ၀ဲန့ၣ်လီၤ.

Ref : Thethaiger