လါယူၤလံ(၁)သီ, ၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၃), ကီၢ်ရ့ၣ်ချၢၣ်လွံၢ်ထူၣ်, လၢၢ်ဒိၣ်ကီၢ်ဆၣ်အပူၤ ဖဲလါယူၤ(၂၈)သီအနံၤန့ၣ် သုးကီၣ်ကးအသုးလဲၤတ့ၢ်လီၤမ့ၣ်ပိၢ်အဃိ ဖိသၣ်(၃)ဂၤပၣ်ဃုၥ် လီၢ်က၀ီၤဖိ(၅)ဂၤဘၣ်ဒိ၀ဲအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲန့ၣ်လီၤ.
ခ့ၣ်အဲၣ်ယူၣ်-ကီၢ်ဆၣ်လၢၢ်ဒိၣ် အပူၤ ဖဲ ၂၀၂၅နံၣ်, လါယူၤ (၂၈) သီ, မုၢ်ထူၣ် (၁း၂၂) မံးနံးဆၢကတီၢ်န့ၣ် သုးကီၣ်ကး အကဘီယူၤဒုးသု သ့ၣ်တဖၣ် ခးလီၤတၢ်ဖဲ ဟ့သၤဝဲသဝီအဃိ သဝီဖိလၢ (၅) ဂၤဘၣ်ဒိဒီး အမံၤသ့ၣ်တဖၣ် မ့ၢ်ဝဲဒၣ် (၁)စီၤခၠၣ်တိ (၂၂) နံၣ် (၂) နီၢ်ဒီရွှ့ၣ် (၃၆) နံၣ် (၃) နီၢ်လးအဲၣ်ဖီ (၂) နံၣ် (၄) ဝၤဆိၤအူ(၁၂)နံၣ်(၅)စီၤဒံၤထူ(၂)အသိး ကမျၢၣ်အဟံၣ်(၉)ဖျၢၣ်စ့ၢ်ကီးဟးဂီၤကွံၥ်ဝဲန့ၣ်လီၤ.
ဒ်န့ၣ်အသိး ဖဲအပူၤကွံၥ် လါယူၤ(၁၄)သီအနံၤစ့ၢ်ကီး သုးကီၣ်ကးအသုး ခးလီၤကျိဖးဒိၣ်တဖၣ် ဆူကီၢ်ရ့ၣ်ချၢၣ်လွံၣ်ထူၣ်, မူကီၢ်ဆၣ်ပူၤအဃိ လီၢ်က၀ီၤကမျၢၢ်(၃)ဂၤ ဘၣ်ဒိဘၣ်ထံး၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
