လါယူၤ(၂၅)သီ,၂၀၂၅နံၣ်
ကၠီၣ်တဲၣ်ဒီးကၣ်ဘီဒံယါထံဖိကီၫ်ဖိတဖၣ် ပာ်ဃုာ်ဒီးသိလ့ၣ်တီၣ်ပနံာ် လၢအ၀ဲသ့ၣ်ကက့ၤဃီၤဆူတၫ်အိၣ်ဆိးအလီၫ် တၫ်ကဟ့ၣ်တၫ်ပျဲအဂီၫ် Burapha Task Forceန့ၣ် ဖဲမဟါနံၤ ဟါခီ(၅)နၣ်ရံၣ်အကတီၫ်န့ၣ် အိးထီၣ်က့ၤကီၫ်ဆၢတြဲၤ တစိၤတလီၫ်အဂ့ၫ် Khaosod Englishပာ်ဖျါ၀ဲလီၤ.
Burapha Task Forceတၫ်ဘိးဘၣ်ရၤလီၤအပူၤ Ban Klong Luekထီဘိကီၫ်ဆၢတၫ်သမံသမိးတြဲၤဒီး Ban Khao Din ထီဘိကီၫ်ဆၢတၫ်သမံသမိးတြဲၤတဖၣ်န့ၣ် ဟါ(၅)နၣ်ရံၣ်တုၤဟါခီ(၈)နၣ်ရံၣ် ထဲတနံၤညါအံၤတသီဧိၤလီၤ တၫ်လဲၤထီၣ်က့ၤလီၤခွဲးယာ်အိၣ်အဂ့ၫ် ပာ်ဖျါ၀ဲလီၤ.
ဒ်န့ၣ်အသိး Ban Ta Phrayaတၫ်ကူၣ်လဲၫ်မၤကၤကီၫ်ဆၢတြဲၤဒီး Ban Nong Pruကီၫ်ဆၢတြဲၤတဖၣ်န့ၣ် တၫ်ခီဂာ်သ့၀ဲ ဖဲဟါ(၅)နၣ်ရံၣ်တုၤ ဟါ(၆)နၣ်ရံၣ်အဂ့ၫ် တဲ၀ဲလီၤ.
လၢကၣ်ဘီဒံယါတကပၤ သိလ့ၣ်တီၣ်ပနံာ်လၢအိၣ်ကတာ်ထီဃာ်အသးတဖၣ် လၢကၠီၣ်တဲၣ်-ကၣ်ဘီဒံယါ တၫ်ရ့လိာ် တိၤ ထီဘိကီၫ်ဆၢတၫ်သမံသမိးတြဲၤ(Ban Nong Ian – Stueng Bot)န့ၣ် သိလ့ၣ်တီၣ်ပနံာ် အခိၣ်(၃၀),လၢ Khao Din တၫ်သမံသမိးတြဲၤန့ၣ် သိလ့ၣ်ထရၢး အခိၣ်(၃၀) ပာ်ပနီၣ်န့ၫ်ဃာ်၀ဲ၀ံၤ ဟါ(၅)နၣ်ရံၣ်တုၤ(၈)နၣ်ရံၣ် ထဲဒၣ်တသီဧိၤ တၫ်ခီဂာ်၀ဲအခွဲးအိၣ်န့ၣ်လီၤ.
ကၠီၣ်တဲၣ်-ကၣ်ဘီဒံယါကီၫ်ဆၢတၫ်ကဘံၣ်သဘုၣ်အဃိ လၢကီၫ်ဆၢ ခံကပၤလၢာ် အိၣ်ကတီၤဃာ် သုးမုၫ်သံၣ်ဘိ၀ံၤ ကၣ်ဘီဒံယါတကပၤ ထုးကွံာ်အသုးဖိလံဘၣ်ဆၣ် ကၠီၣ်တဲၣ်ကိတိာ်ခိၣ်ကျၢၫ် ပ့ၣ်တီၣ်တၣ်ဒီးကၣ်ဘီဒံယါကိတိာ်ခိၣ် ကျၢၫ်လီၫ်လံၤ ဟိၣ်ဆၣ်တဖၣ် တၢၣ်ပီၣ်တဲသကိးကီၫ်ဆၢတၫ်ဂ့ၫ် တၫ်ကလုၫ်Fileဟးထီၣ်၀ံၤအလီၫ်ခံ ထံကီၫ်ခံဘ့ၣ် တၫ်ဖ့ၣ်ဆၢက့ၤဆူၣ်ထီၣ်ကဒါက့ၤန့ၣ်လီၤ.
ref: the irrawaddy
