လါယူၤ(၂၅)သီ,၂၀၂၅နံၣ်
AAPPအလါယူၤ(၂၃)သီနံၤ တၫ်ဘိးဘၣ်ပာ်ဖျါအဖီခိၣ် ကီၫ်ပယီၤဒီတဘ့ၣ်အပူၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ (၁၆၀၄)သီအတီၫ်ပူၤ ကမျၢၫ်(၆၈၁၃)ဂၤ ဘၣ်တၫ်မၤအၢမၤသီမၤသံ၀ဲန့ၣ်လီၤ.
ပှၤလၢဘၣ်တၫ်ဖီၣ်ဃာ်၀ဲတခီ ခဲလၢာ်ပာ်ဖှိၣ် အိၣ်ထီၣ်၀ဲ(၂၉၃၁၆)ဂၤလံဒီးပှၤလၢဟဲက့ၤပူၤဖျဲးထီၣ်က့ၤတခီ အိၣ်၀ဲ(၇၁၅၃)ဂၤန့ၣ်လီၤ.
သုးကရူၫ်လၢဟံးန့ၫ်ဆူၣ်တၫ်စိတၫ်ကမီၤအံၤ အတၫ်မၤသံမၤ၀ီအဃိ ၀့ၫ်တကူၣ်ပူၤ ပှၤဘၣ်သံအအါကတၢၫ်န့ၣ်လီၤ. လၢတလၢၤကီၫ်စဲၣ်ပူၤတခီ ဘၣ်သံ(၇၂)ဂၤ၀ံၤ ဘၣ်တၫ်ဖီၣ်(၈၀၀)ဂၤဘျဲၣ်ဒီးဖဲအပူၤကွံာ်စှၤသီန့ၣ် ဟဲက့ၤပူၤဖျဲးထီၣ်(၂၀၀)ဂၤဘျဲၣ်လံအဂ့ၫ် တၫ်သ့ၣ်ညါဘၣ်န့ၣ်လီၤ.
