လါယူၤ(၂၄)သီ,၂၀၂၅နံၣ်
ကၠီၣ်တဲၣ်-ပယီၤကီၫ်ဆၢ,တးခ်ကီၫ်ရ့ၣ်,၀့ၫ်မဲဆီးအပူၤ တၫ်ကဘှါဆှဲ၀ဲ ကီၫ်ပယီၤခီကီၫ်ပှၤမၤတၫ်ဖိလၢတဖိးသဲစးတဖၣ် အတၫ်ဂ့ၫ်ကီအဂီၫ် ကၠီၣ်တဲၣ်ဘျီၣ်ဒိၣ်ခၢၣ်စး(၂)ဂၤန့ၣ် ဖဲလါယူၤ(၂၂)သီအနံၤ,ဂီၤခီအကတီၫ်န့ၣ် ထံၣ်လိာ်တၢၣ်ပီၣ်တဲသကိးတၫ်ဒီးပှၤလီၫ်က၀ီၤဖိတဖၣ်န့ၣ်လီၤ.
တၫ်တၢၣ်ပီၣ်တဲသကိးအပူၤ ကၠီၣ်တဲလီၫ်က၀ီၤဖိတဖၣ်န့ၣ် တီၣ်ဖျါထီၣ်တၫ်ဂ့ၫ်တၫ်ကျိၤဆူ ဘျီၣ်ဒိၣ်ခၢၣ်စး(၂)ဂၤန့ၣ် အအိၣ်လၢ၀့ၫ်မဲဆီးပူၤ ပှၤကီၫ်ပယီၤဖိလၢအိၣ်ဆိးတဖိးသဲစးတနီၤ မၤကမၣ်ကွီၫ်မ့ၣ်တၫ်မၤကမၣ်,တၫ်မူၤတၫ်ဘှီး ဒီးတၫ်ကူၣ်လဲၫ်မၤကၤပှၤကူပှၤကညီပာ်ဃုာ် မၤစ့ၫ်ကီး၀ဲတၫ်ဖံးတၫ်မၤတဖၣ်လၢတၫ်ဟ့ၣ်ခွဲးထဲဒၣ် ပှၤကၠီၣ်တဲၣ်ဖိတဖၣ် မၤ၀ဲသ့န့ၣ်လီၤ.
တကးဘၣ်တီၣ်ဖျါထီၣ်စ့ၫ်ကီး၀ဲလၢ ပှၤကီၫ်ပယီၤဖိတဖၣ်န့ၣ် လၢတၫ်မၤ၀ဲတၫ်အိၣ်ဆိးအဂီၫ်လံာ်အုၣ်ကီၤအပူၤ ကၠီၣ်တဲၣ်ပဒိၣ်အတၫ်ဘျၢအဃိ တၫ်ဆၢကတီၫ်ယံာ်,တၫ်မ့ၫ်ဆဲးကျိးမၤဒီးခီပနံာ်လၢမၤန့ၫ်လံာ်အုၣ်သးန့ၣ် နီၫ်တဂၤန့ၣ်ဘၣ် ဟ့ၣ်လၢ၁၃၀၀၀ဘးအဃိ ပှၤမၤတၫ်ဖိတဖၣ် ထံၣ်ဘၣ်တၫ်ကီတၫ်ခဲအဂ့ၫ်န့ၣ်လီၤ.
ဘျီၣ်ဒိၣ်ခၢၣ်စး(၂)ဂၤန့ၣ် ပှၤလီၫ်က၀ီၤဖိအတၫ်ပာ်ဖျါတဖၣ် သ့ၣ်ညါဘၣ်၀ဲ၀ံၤအလီၫ်ခံ တဖိးသဲစးကီၫ်ပယီၤခီကီၫ်ပှၤ တၫ်ဖိဂ့ၫ်၀ီန့ၣ် တၫ်ကဘှါရှဲအီၤဒ်ကၠီၣ်တဲၣ်သဲစးတၫ်ဘျၢအသိးအဂ့ၫ်, ပဒိၣ်ပှၤမၤတၫ်ဖိလၢဟံးန့ၫ်ကဘျံးကဘျၣ် ကျိာ်စ့လၢပယီၤပှၤမၤတၫ်ဖိတဖၣ်အအိၣ်န့ၣ် တၫ်ကဟံးန့ၫ်ဂ့ၫ်၀ီအဂီၫ် လါယူၤလံ(၄)သီအနံၤန့ၣ် ကတီၣ်ဖျါထီၣ်၀ဲဆူ ကၠီၣ်တဲၣ် တၫ်သမံသမိးလီၤဆီ၀ဲၤကျိၤ(DSI)အအိၣ်အဂ့ၫ် ပှၤလီၫ်က၀ီၤဖိတဖၣ်တဲ၀ဲလီၤ.
ဘျီၣ်ဒိၣ်ခၢၣ်စး(၂)ဂၤလၢထံၣ်လိာ်သးဒီပှၤလီၫ်က၀ီၤဖိတဖၣ်န့ၣ် မ့ၫ်ပၣ်တံၣ်ပြၢတၫ်တဖုလၢအမ့ၫ် ပရၣ်ခၠၣ်ခၠိၣ်ပၣ်တံၣ်, မဲဆီးဘျီၣ်ဒိၣ်ခၢၣ်စး ရးတဖိၣ် စွဲစ၀ၣ်ဒီး၀ံးလိၣ် လဲးခနၣ် အထံးစိၣ် ဒီးဘျီၣ်ဒိၣ်ခၢၣ်စး ၀ံးလိၣ်န့ၣ် လၢကၠီၣ်တဲၣ်ပၣ် လံၣ်မၣ်အပူၤ ကၠီၣ်တဲၣ်ပဒိၣ်အတၫ်ဘျၢတဖၣ်အဖီခိၣ် ဘၣ်တၫ်သ့ၣ်ညါအီၤဒ်ပှၤပဲာ်ထံနီၤဖးတၫ် ဖျိဖျိဖျါဖျါတဂၤအ သိးန့ၣ်လီၤ.
ref:myawaddymaesotmediagroup
