လါယူၤ(၂၃)သီ,၂၀၂၅နံၣ်
ဖဲထံဖိကီၫ်ခိကမျၢၫ် ဘၣ်တၫ်တ့ၫ်လီၤသံအီၤလၢမ့ၣ်ပိၫ်အကတီၫ် ထံၣ်လိၣ်တၢၣ်ပီၣ်တဲသကိးတၫ်ဒီးအမဲရကၤတကဲဘၣ်အဂ့ၫ် အံၣ်ရၣ်ထံဂုၤကီၫ်ဂၤကိတိာ် Abbas Araghchi တဲ၀ဲလီၤ.
ဖဲအပူၤကွံာ် လါယူၤ(၂၁)သီနံၤ, တချူးဟဲထီၣ် တၫ်မၤ၀ဲ အံၣ်စလၣ်မံးတၫ်ပာ်ဖှိၣ်မၤသကိးတၫ်ကရၢကရိ (OIC) တၫ်အိၣ်ဖှိၣ်လၢကီၫ်တူၣ်ရကံၣ်ဒံးဘၣ်အကတီၫ် တဲဘၣ်ပှၤဟံးန့ၫ်တၢ်ကစီၣ်ဖိတဖၣ်ဒ်န့ၣ်လီၤ.
အံၣ်စရ့အတၫ်ဒုးဃီၤကီၫ်အံၣ်ရၣ်လၢကလံၤကျါတဖၣ် ပကတုာ်ကွံာ်လၢအဆိကတၢၫ်အဂီၫ် အ၀ဲဃ့ထီၣ်၀ဲလီၤ. ဖဲလါယူၤ (၂၀)သီအနံၤန့ၣ် အမဲရကၤကီၫ်ခိၣ် Donald J. Trump တဲလီၤစ့ၫ်ကီး၀ဲလၢ ”မ့ၫ်နၢၤခံကပၤလၢာ်န့ၣ် တၫ်ကမၤတၫ်ဃ့ထီၣ်အဂီၫ် ကီခဲ၀ဲအဂ့ၫ်”န့ၣ်လီၤ.
ကီၫ်အံၣ်ရၣ်တၫ်ခၢၣ်သး အံၣ်ဖၣ်ဟၣ်ဟီၣ်က၀ီၤပူၤ ဒုး၀ဲ တၫ်ခးမျိာ်ၣ်အလီၫ်ဒီးတၫ်ခါဒြိအလီၫ်တခါအဂ့ၫ် အံၣ်စရ့သုး တဲလီၤ၀ဲ ဖဲလါယူၤ(၂၀)သီအနံၤန့ၣ်လီၤ.
အံၣ်စရ့ကဘီယူၤဒုးသုးတဖၣ် ဒုး၀ဲ ကီၫ်အံၣ်ရၣ်မုၫ်နုာ်ကလံၤထံး သုးဂ့ၫ်၀ီဂ့ၫ်ခီၣ်ထံးတၫ်သူၣ်ထီၣ်တဖၣ်အဂ့ၫ် အံၣ်စရ့သုးဖိတဖၣ်တဲ၀ဲလီၤ.
အံၣ်ရၣ်ဒြိဒုးဃီၤတၫ်အဃိ အံၣ်စရ့ကလံၤစိးတကပၤ ဟံၣ်ဘၣ်ဟးဂီၤ၀ဲ(၁)ဖျၢၣ်အဂ့ၫ် အံၣ်စရ့မံၣ်ဒံၣ်ယၢၣ်တဖၣ် ပာ်ဖျါ၀ဲန့ၣ်လီၤ.
ref: ayeyarwaddy times
