လါယူၤ(၂၀)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၂), တီအူကီၢ်ရ့ၣ်ဟီၣ်က၀ီၤအပူၤ သုးကီၣ်ကးအသုးခိးကျဲအံၤ တၢ်ပၢၢ်ဆၢသုးပၥ်ဖှိၣ်တဖၣ် ဒုးအီၤအဃိ သုးကီၣ်ကးအပှၤသုးဖိသံဒီးတၢ်ဘၣ်ဒိဘၣ်ထံးတဖၣ်အိၣ်ထီၣ်၀ဲအဂ့ၢ်န့ၣ် People Defence Force Thandaungပှၤဘၣ်မူဘၣ်ဒါစံး၀ဲန့ၣ်လီၤ.
လါယူၤ(၁၇)သီအနံၤ, ဂီၤအဆၢကတီၢ်န့ၣ် တၢ်ဒုးကဲထီၣ်တ့ၢ်၀ဲဖဲ တီအူကီၢ်ဆၣ်, ကါနံၣ်ဒီးကိၣ်မ့အဲၣ်သ၀ီအကပၤ၀ံၤ တၢ်ဒုးယံၤ၀ဲ(၁)နၣ်ရံၣ်တခီဘျဲၣ်ညါန့ၣ်လီၤ.
“သုးက့(၂), သုးရ့ၣ်(၅)ဟီၣ်က၀ီၤအပူၤလီၤ. အဘူးဒီး တီအူ-လ့းသိၣ်ကျဲအကပၤန့ၣ်လီၤ. ကျဲမုၢ်အဖီခိၣ်န့ၣ် ခီဖျိလၢဘၣ်တၢ်ဒုးအ၀ဲသ့ၣ်ခဲအံၤခဲအံၤအဃိ ခဲအံၤန့ၣ်အသူ၀ဲကျဲတဘိအံၤန့ၣ်လီၤ. အခဲန့ၣ် တၢ်ဒုးကဲထီၣ်လၢ သုးကီၣ်ကးအသုးလၢအခိးကျဲ” အဂ့ၢ် PDF ဒီၣ်ဖးခိၣ်ပှၤဘၣ်မူဘၣ်ဒါ စံး၀ဲန့ၣ်လီၤ.
ဖဲလၢတၢ်ဘၣ်သဂၢၢ်အပူၤ သုးကီၣ်ကးအပှၤသုးဖိဘၣ်သံ၀ဲ(၂)ဂၤဒီး ဘၣ်ဒိ၀ဲ(၃)ဂၤအဂ့ၢ် PDF ဒီၣ်ဖးခိၣ်ပၥ်ဖျါဃၥ်၀ဲတၢ်ကစီၣ်န့ၣ်လီၤ.
သုးကီၣ်ကးအသုးအံၤန့ၣ် တီအူကီၢ်ရ့ၣ်, သုးက့(၂), သုးရ့ၣ်(၅)အစုတီၤဖီလၥ် People Defence Force Thandaungသုး, သုးရ့ၣ်(၅)အစုတီၤဖီလၥ်သုးပၥ်ဖှိၣ်တဖၣ် ဒုးအီၤ၀ံၤ သိၣ်ဒူတၢ်ဘၣ်ဒိဘၣ်ထံးတအိၣ်ဘၣ်ဒီး ဂုၤက့ၤခံဂ့ၤဂ့ၤဘၣ်ဘၣ်လီၤအဂ့ၢ် ဒုးသ့ၣ်ညါဃၥ်၀ဲန့ၣ်လီၤ.
တၢ်ဒုးအပူၤ တၢ်မၤန့ၢ် သုးကီၣ်ကးအသုးခိးကျဲ အသုးတၢ်ပီးတၢ်လီတနီၤအဂ့ၢ် ထုးထီၣ်ပၥ်ဖျါဃၥ်၀ဲန့ၣ်လီၤ.
“သုးဂ့ၢ်၀ီတခီ ခံခီယၢ်ပၤလၢၥ်န့ၣ် မၤဒုးယၤရဲၣ်ကျဲၤ”အဂ့ၢ် PDF ဒီၣ်ဖးခိၣ် ပှၤဘၣ်မူဘၣ်ဒါ ရှဲပၠး၀ဲသုးဂ့ၢ်၀ီတၢ်အိၣ်သးန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, တီအူကီၢ်ရ့ၣ်, ဒီၣ်ဖးခိၣ်ကီၢ်ဆၣ်အပူၤ သုးက့(၂)အဖီလၥ်တၢ်ပၢၢ်ဆၢသုးပၥ်ဖှိၣ်တဖၣ်အံၤ ဖဲလါယူၤ(၇)သီအနံၤစ့ၢ်ကီးန့ၣ် ဒုး၀ဲသုးကီၣ်ကးအသိလ့ၣ်ကျိၤ ဖဲတီအူ-လ့းသိၣ် (၇)မံၤလၤသုးကီၣ်ကးသုးကလၢၤအကပၤအဃိ သုးကီၣ်ကးတပၤ သုးလီၢ်လၤတဖၣ်ပၣ်ဃုၥ် တၢ်သံတၢ်ပှၢ်တဖၣ်အိၣ်ထီၣ်၀ဲ PDF ဒီၣ်ဖးခိၣ် ဒုးသ့ၣ်ညါဃၥ်၀ဲန့ၣ်လီၤ.
Ref: people spring
