လါယူၤ(၁၁)သီ,၂၀၂၅နံၣ်
၀့ၫ်တကူၣ်ကီၫ်ခီ,၀့ၫ်မီၣ်ဘံၣ်,သုးကီၣ်ကးကလံၤသုး၀ဲၤလီၫ်ခိၣ်သ့ၣ်န့ၣ် ကမျၢၫ်တၫ်ဒီသဒၢသုးဖိတဖၣ် ဖဲလါယူၤ(၉)သီ နံၤ,ဟါ(၇)နၣ်ရံၣ်ဃၣ်ဃၣ်န့ၣ် လဲၤတ့ၫ်လီၤမ့ၣ်ပိၫ်ဒီးဒြိလၢတူၫ်သံအသးတဖၣ်အဂ့ၫ် တၫ်သ့ၣ်ညါဘၣ်လၢ Civilian Military SRDFအအိၣ်န့ၣ်လီၤ.
တၫ်ဒုးတဘျီအံၤအဃိ သုးကီၣ်ကး သုးခိၣ်ဂီၫ်ဂ့ၫ် မိ၀့ၣ်ကၠီၣ်ဒီးသုးဖိဖၠိကိၣ်ကိၣ်တဖၣ်ဘၣ်သံ၀ံၤဘၣ်ဒိဘၣ်ထံး(၆)ဂၤ အဂ့ၫ်တဲ၀ဲလီၤ.တၫ်ကလဲၤဒုးကလံၤသုး၀ဲၤလီၫ်ခိၣ်သ့ၣ်အံၤအဂီၫ် ဘၣ်အိၣ်ကတီၤလၢအလါ၀ံၤဘၣ်မၤထွဲ၀ဲတဆီတဆီ အဂ့ၫ် တဲ၀ဲလီၤ.
“တၫ်ကိပူၤ ဟ့ၣ်ထီၣ်တၫ်ကစီၣ်အဖီခိၣ် ဖၠိကိၣ်ကိၣ်ဒီးသုးခိၣ်ဒိၣ်ဂီၫ်ဂ့ၫ်မိ၀့ၣ်ကၠီၣ်ဘၣ်သံ၀ဲလီၤ.ဖဲတၫ်ကဲထီၣ်သးအပူၤ ဘၣ်ဃုာ်စ့ၫ်ကီး သုးကီၣ်ကးအဟံၣ်ဖိဃီဖိအသိလ့ၣ်လၢကဟးကသုၣ်၀ံၤဘၣ်ဒိဘၣ်ထံးအဂ့ၫ်” Civilian Military SRDFပှၤဘၣ်မူဘၣ်ဒါတဂၤတဲ၀ဲလီၤ.
သုးခိၣ်ဂီၫ်ဂ့ၫ် မိ၀့ၣ်ကၠီၣ်လၢဘၣ်သံအံၤ မ့ၫ်ပှၤလၢတၫ်သုးအလီၫ်လၢမၠံးကၠံနါ လၢစှၤလါအတီၫ်ပူၤဒံးလီၤဒီးသုးဖိဖၠိကိၣ် ကိၣ်တခီ မ့ၫ်ပှၤအိၣ်ဟဲလၢ ရၢၫ်ခၢၣ် တၫ်မဲာ်ညါ ၇၅၇ သုးကျိၤပူၤ ပှၤသုးဖိတဂၤန့ၣ်လီၤ.
ဖဲတၫ်လဲၤခး၀ဲအနံၤန့ၣ် တၫ်ပညိၣ်ဒုးခး၀ဲကဘီယူၤတဖၣ်ဘၣ်ဆၣ် ပာ်ကဘီယူၤလၢ Hangersအပူၤအဃိ ခး၀ဲတညီ ဘၣ်အဃိ ဘၣ်ပညိၣ်ခးဃီၤ၀ဲ သုးကီၣ်ကးအသုးဖိတဖၣ်အဂ့ၫ်တဲ၀ဲလီၤ.
တၫ်ဒုးတဘျီအံၤန့ၣ် ကမျၢၫ်တၫ်ဒီသဒၢသုး Civilian Military SRDFဒီးရွှ့ၣ်ဘိၣ်ကီၫ်ရ့ၣ် နီၫ်ဂံၫ်(၁၅)သုးရ့ၣ်တဖၣ် ပာ်ဖှိၣ် မၤသကိး၀ဲအဂ့ၫ် တၫ်သ့ၣ်ညါဘၣ်လီၤ.တၫ်အံၤမ့ၫ်တၫ်မၤကၣ်က့ၤတၫ် ဖဲလါမ့ၤ(၁၂)သီအနံၤ, ဒံၣ်ပဲယ့ကီၫ်ဆၣ်, အိတ့ၣ် တွ့သ၀ီ ကလံၤကျါတၫ်ဒုးခးလီၤတၫ်အဃိ ဖိသၣ်လၢဘၣ်သံတဖၣ်အဂီၫ်အဂ့ၫ်တဲ၀ဲန့ၣ်လီၤ.
