လါယူၤ(၉)သီ,၂၀၂၅နံၣ်
သုးကီၣ်ကးအစုတီၤဖီလာ် ကီၫ်စၢဖှိၣ်တၫ်ဃုထၢခီၣ်မံးရှၢၣ်န့ၣ် ကမၤတၫ်ဃုထၢလၢကီၫ်ဆၣ်(၂၆၇)ဘ့ၣ်အပူၤအဂီၫ် တယာ်လီၤဃာ်၀ဲအဂ့ၫ် တဲစံးဆၢ၀ဲ သုးကီၣ်ကးအစုတီၤဖီလာ်တၫ်ကစီၣ်သန့တဖၣ် ဖဲလါယူၤ(၇)သီအနံၤန့ၣ်လီၤ.
ပယီၤတၫ်ပၢဆှၢရဲၣ်ကျဲၤတၫ်ကစီၣ်တၫ်ဂ့ၫ်တၫ်ကျိၤကရၢ(MIMU)အ ၂၀၂၁နံၣ်,လါဒံၣ်စဲဘၢၣ် စရီအဖီခိၣ် ကီၫ်ပယီၤပူၤ ကီၫ်ဆၣ်အိၣ်၀ဲ(၃၃၀)ဘ့ၣ်န့ၣ်လီၤ.
သုးကီၣ်ကးန့ၣ် ၂၀၂၅နံၣ်,လါဒံၣ်စဲဘၢၣ်အပူၤ တၫ်ဃုထၢလၢကမၤ၀ဲန့ၣ် ဒ်အပူၤကွံာ်မၤတ့ၫ်၀ဲအသိး ပှၤလၢန့ၫ်တၫ်ဖး အါမၤနၢၤတၫ်သနူ(FPTP)ဒီးခၢၣ်စးသနူ(PR)ခံခါလၢာ်၀ံၤကမၤထွဲ၀ဲအဂ့ၫ် တဲ၀ဲလီၤ.
“တၫ်ဟ့ၣ်တၫ်ဖးအပူၤ တၫ်ကဘၣ်ဟ့ၣ်ခီဖျိလၢ ပယီၤအံၣ်လဲၣ်ထရီနံး စဲးလၢဟ့ၣ်တၫ်ဖး၀ံၤမ့ၫ်မဲၣ်ခရိၣ်ကိၣ်ထရိၣ်လၣ် သနူအဃိ ညီဒီးမ့ၫ်သနူလၢတၫ်ဘံၣ်တၫ်ဘၢပာ်ဃုာ်၀ဲအဂ့ၫ်”သုးကီၣ်ကးအစုတီၤဖီလာ် ကီၫ်စၢဖှိၣ်တၫ်ဃုထၢခီၣ်မံးရှၢၣ် (UEC)န့ၣ် ဖဲလါယူၤ(၇)သီအနံၤ တဲစံးဆၢက့ၤ ကီၫ်ပူၤတၫ်ကစီၣ်သန့တဖၣ်န့ၣ်လီၤ.
သုးကီၣ်ကးန့ၣ် တၫ်ဃုန့ၣ် ကနီၤဖးလီၤ၀ဲလၢအက့အက့ဒီးမၤ၀ဲ၀ံၤ တၫ်ကမၤတၫ်ဃုထၢမုၫ်နံၤမုၫ်သီဒီး ဟီၣ်က၀ီၤ တၫ် လီၫ်တၫ်ကျဲတခီ တတဲစံးဆၢ၀ဲလီၤတံၫ်လီၤဆဲး၀ဲဘၣ်.
သုးကီၣ်ကးအစုတီၤဖီလာ် (UEC)အအိၣ် ဒီကလုာ်ဃူဖိးပဒိၣ်ကရၢခိၣ်ကျၢၫ်(NLD)ဒီးပာ်တံၣ်အဂံၫ်ဆူၣ်တဖုလၢအမ့ၫ် ယိၤကလုာ်ဒူၣ်တဖၣ်ဒံၣ်မိၣ်ကရ့ၣ်စံၣ်ကရၢခိၣ်ကျၢၫ်(SNLD)ပာ်ဃုာ် ထံရူၫ်ကီၫ်သဲးပၣ်တံၣ် အဖု(၈၀)တက့ၤတီၣ်ထီၣ်အမံၤစရီဘၣ်.
အပူၤကွံာ်လါမ့ၤ(၁၀)သီအနံၤ ဒီကလုာ်တၫ်ဃူတၫ်ဖိးတၫ်ကူၣ်လိာ်တၢၣ်ပီၣ်ကီၣ်ကး(NUCC),ဒီကလုာ်ဃူဖိးပဒိၣ် (NUG)ကီၫ်စၢဖှိၣ်ဘျီၣ်ဒိၣ်ခၢၣ်စးကမံတံာ်(CRPH)ဒီးတၫ်ထီဒါတၫ်ဃုထၢအဖိးသဲစးအယီၤအဘျၣ် တၫ်ပာ်ဖှိၣ်မၤသ ကိးကမံတံာ်တဖၣ်စ့ၫ်ကီး ပၣ်တံၣ်လၢက့ၤတီၣ်ထီၣ်စရီလၢသုးကီၣ်ကးအအိၣ်တဖၣ်တကပၤ သုတပာ်ဃုာ်ပာ်ဂီၫ်လၢ တၫ်ဃုထၢအယီၤအဘျၣ်ပူၤတဂ့ၤအဂီၫ် ထုးထီၣ်ဘိးဘၣ်ရၤလီၤတဲဆီၣ်တခူတ့ၫ်ဃာ်၀ဲလီၤ.
လၢကတီၫ်အံၤ သုးကီၣ်ကးအစုတီၤဖီလာ် ကီၫ်စၢဖှိၣ်တၫ်ဃုထၢခီၣ်မံးရှၢၣ်(UEC)အိၣ် တၫ်ကတီၣ်ထီၣ်ပၣ်တံၣ်စရီ အဂီၫ် တယာ်လီၤဃာ်၀ဲ ပၣ်တံၣ်အိၣ်(၇၇)ခါ၀ံၤပၣ်တံၣ်(၅၆)ခါတခီတၫ်ဟ့ၣ်ခွဲးလၢကတီၣ်ထီၣ်စရီလံအဂ့ၫ် (UEC) အစရီတၫ်ပာ်ဖျါတဖၣ်အဖီခိၣ်တၫ်သ့ၣ်ညါဘၣ်လီၤ.
