လါမ့ၤ(၃၀)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၆), ကီၢ်ရ့ၣ်ဒူပျၥ်ယၥ်, ကီးတရံးကီၢ်ဆၣ်, သုးကီၣ်ကးကနဲလ့သုးကလၢၤအံၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်KNLA, (K.N.D.O) ဒီးသုးပၥ်ဖှိၣ်တဖၣ်ထီၣ်ဒုးမၤန့ၢ်၀ဲဖဲလါမ့ၤ(၂၈)သီဟါလီၤခီ(၆)နၣ်ရံၣ်အဆၢကတီၢ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲန့ၣ်လီၤ.
လါမ့ၤ(၂၀)သီအနံၤန့ၣ် စးထီၣ်ထီၣ်ဒုး၀ဲမီၥ်ခံသုးကလၢၤ၀ံၤအလီၢ်ခံ လါမ့ၤ(၂၁)သီအနံၤန့ၣ် ထီၣ်ဒုးကဒီး၀ဲ ကနဲလ့သုးကလၢၤ, သ့ၣ်ဘီဘိသုးကလၢၤဒီးဘျဲၣ်ဒိၣ်သုးကလၢၤတဖၣ်၀ံၤ ဖဲလါမ့ၤ(၂၃)သီအနံၤ, ဟါလီၤခီအဆၢကတီၢ်န့ၣ် ဒုးမၤန့ၢ်၀ဲဘျဲၣ်ဒိၣ်သုးကလၢၤန့ၣ်လီၤ.
တၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုးမၤန့ၢ်၀ဲ သုးကီၣ်ကးကနဲလ့သုးကလၢၤဘၣ်ဆၣ် တၢ်ထီၣ်ဒုးမၤန့ၢ်သုးကလၢၤအပူၤ ဒူၣ်ဒါတၢ်သံတၢ်ပှၢ်,တၢ်ဘၣ်ဒိဘၣ်ထံးဒီးတၢ်မၤန့ၢ်စုက၀ဲၤတၢ်အိၣ်သးတဖၣ်တခီတပၥ်ဖျါဃၥ်၀ဲလီၤတံၢ်လီၤဆဲးဒံးဘၣ်.
ဒ်န့ၣ်အသိးဖဲလါမ့ၤ(၂၈)သီအနံၤန့ၣ်KNLA,(K.N.D.O)ဒီးသုးပၥ်ဖှိၣ်တဖၣ်ခိးဒုး၀ဲသုးကီၣ်ကး၀ီၢ်လ့ၤသုးတၢ်တိၥ်ကူၣ်ကျဲၤခိၣ်သ့ၣ်သုးကလၢၤအပှၤသုးဖိလၢကဟဲမၤတၢ်တဖၣ်အဃိတၢ်သံတၢ်ပှၢ်ဒီးတၢ်ဘၣ်ဒိဘၣ်ထံးတဖၣ်အိၣ်ထီၣ်၀ဲအါအသိး ပှၤလၢဃ့ၢ်ပဒ့ၣ်သးဆူ ကၠီၣ်တဲၣ်တပၤစ့ၢ်ကီးအိၣ်၀ဲန့ၣ်လီၤ.
လၢန့ၣ်အမဲၥ်ညါ ဖဲလါမ့ၤ(၂၉)သီအနံၤဒီးတဂီၤအံၤန့ၣ် KNLA,(K.N.D.O)ဒီးသုးပၥ်ဖှိၣ်တဖၣ် ထီၣ်ဒုးမ့ၤန့ၢ်၀ဲ သုးကီၣ်ကး၀ၣ်မံၤထၣ်သုးကလၢၤဒီးဘယ့းနီၣ်သုးကလၢၤတဖၣ်အဂ့ၢ် တၢ်ကစီၣ်တဖၣ် ပၥ်ဖျါဃၥ်၀ဲအဖီခိၣ် တၢ်သ့ၣ်ညါဘၣ်န့ၣ်လီၤ.
