လါမ့ၤ(၂၉)သီ, ၂၀၂၅နံၣ်
ယူၣ်ကရ့တၢ်ဒုးတၢ်ခးလိၥ်သးကပတုၥ်အဂီၢ်ရၢးၡါဒီးယူၣ်ကရ့အတၢ်တၢၣ်ပီၣ်တဲသကိးတၢ်န့ၣ်မၤကဒီး၀ဲဖဲ(Geneva)အဂ့ၢ် ဘၣ်ထွဲဒီးယူၣ်ကရ့ အမဲရကၤခၢၣ်စးလီၤဆီကံးကံၣ်လီးတဲ၀ဲန့ၣ်လီၤ.
တၢ်ပတုၥ်တၢ်ခးအဂီၢ် ယူၣ်ကရ့တကပၤ အတၢ်လိၣ်ဘၣ်အဂ့ၢ်တဖၣ် အမဲရကၤမၤန့ၢ်ဃၥ်၀ဲ၀ံၤ ရၢးၡါတကပၤစ့ၢ်ကီး ကဘၣ်မၤန့ၢ်၀ဲဒ်အံၤအဂီၢ်လိၣ်၀ဲ၀ံၤ မ့ၢ်မၤန့ၢ်၀ဲန့ၣ် ရၢးၡါဒီးယူၣ်ကရ့အဘၢၣ်စၢၤ တၢ်ထံၣ်လိၥ်တဲသကိးတၢ်ကဒဲကဒဲ တၢ်မၤကဒီးကန့ၢ်အဂ့ၢ်တဲ၀ဲန့ၣ်လီၤ.
အမဲရကၤတခီ ခံကပၤတၢ်ထံၣ်လိၥ်တဲသကိးတၢ်န့ၣ် အဲၣ်ဒိးမၤ၀ဲဖဲဘၣ်တံၣ်ကၣ်သနာ်က့ ရၢးရှါတကပၤ တဘၣ်သူၣ်ဘၣ်သး၀ဲအဂ့ၢ်တဲ၀ဲန့ၣ်လီၤ.ဖဲတၢ်ဆၢကတီၢ်အံၤအပူၤယူၣ်ကရ့ထံဂုၤကီၢ်ဂၤကိတိၥ်ဆၣ်ဂ့ၤလဲးရီးန့ၣ် ထံၣ်လိၥ်တဲသကိးတၢ်ဒီးတူၣ်ရကံၣ်ထံဂုၤကီၢ်ဂၤကိတိၥ် ဖဲမီၣ်စကိၥ် န့ၣ်လီၤ.
ရၢးရှါဒီးယူၣ်ကရ့တဖၣ်အဘၢၣ်စၢၤတၢ်တၢၣ်ပီၣ်တဲသကိးတၢ်လၢခံတဘျီ တၢ်ကတူၢ်လိၥ်မၤအဂီၢ် တၢ်ကဃ့ထီၣ်၀ဲတူၣ်ရကံၣ်အဂ့ၢ်ရၢးရှါထံဂုၤကီၢ်ဂၤကိတိၥ်တဲ၀ဲန့ၣ်လီၤ.တူၣ်ရကံၣ်တခီခံကပၤလိၥ်တၢ်တၢၣ်ပီၣ်တဲသကိးတၢ်တဖၣ် ကတူၢ်လိၥ်မၤ၀ဲအဂီၢ် အိၣ်ကတီၤပၥ်သးအဂ့ၢ် အပူၤကွံၥ်တဲတ့ၢ်ဃၥ်၀ဲစ့ၢ်ကီးန့ၣ်လီၤ.
ဖဲအပူၤကွံၥ်လါမ့ၤ(၁၆)သီစ့ၢ်ကီးရၢးရှါဒီးယူၣ်ကရ့ခၢၣ်စးကရူၢ်တဖၣ်အဘၢၣ်စၢၤတၢ်ထံၣ်လိၥ်တဲသကိးတၢ်လၢမဲၥ်သကိးမဲၥ်န့ၣ် တူၢ်လိၥ်မၤ၀ဲအဆိကတၢၢ်တဘျီ န့ၣ်လီၤ.ဘၣ်ဆၣ်ထံကီၢ်ခံဘ့ၣ်အဘၢၣ်စၢၤ တၢ်ခီလဲန့ၢ်ဒၣ်ထဲ ပှၤလၢတၢ်ဖီၣ်န့ၢ်အီၤလၢတၢ်ဒုးပူၤတဖၣ်န့ၣ်လီၤ.မ့မ့ၢ်တၢ်ပတုၥ်တၢ်ခးလိၥ်သး တၢ်အၢၣ်လီၤန့ၣ်တၢ်မၤတန့ၢ်နီတမံၤဒံးဘၣ်.
ဖဲတၢ်ဆၢကတီၢ်အံၤအပူၤရၢးရှါန့ၣ်လၢတၢ်ကမၤထီၣ်၀ဲတၢ်ဘၢၣ်စၢၤဟီၣ်က၀ီၤတဖၣ်ဖဲထံဆၢကီၢ်ဆၢဒီတကျိၤအဂီၢ်ထီၣ်ဒုး၀ဲဒၣ် ယူၣ်ကရ့ မုၢ်ထီၣ်ကလံၤစိးတကပၤ ဆူၣ်မံၣ်လီၢ်က၀ီၤ ဒိၣ်ဒိၣ်မုၢ်မုၢ် အဂ့ၢ် ယူၣ်ကရ့ ပှၤဘၣ်မူဘၣ်ဒါတဖၣ်တဲ၀ဲန့ၣ်လီၤ.
Ref:NHK
