လါမ့ၤ(၂၁)သီ,၂၀၂၅နံၣ်
ကခၠ့ၣ်တၢ်ထူၣ်ဖျဲးသုးမုၣ်ဒိၣ်(KIA) ထီၣ်ဒုးဘါမီၤ၀့ၢ်တၢ်ဒုးအပူၤ သုးကီၣ်ကးအဘီယူၤသၢခိၣ်လၢ ကဟဲမၤစၢၤတၢ်တၢ်အကျါ ခံခိၣ်န့ၣ် KIAခးလီၤတဲၥ်ကွံၥ်၀ဲအဂ့ၢ် KIAတၢ်ကစီၣ်တၢ်ဘိးဘၣ်ရၤလီၤမူဒါခိၣ် သုးခိၣ်ဒိၣ်စိနီၢ်ဘူၣ် စံး၀ဲန့ၣ်လီၤ.
မဟါလါမ့ၤ(၂၀)သီအနံၤ, ၁နၣ်ရံၣ်ဃၣ်ဃၣ်အဆၢကတီၢ် သုးကီၣ်ကးကဘီယူၤသၢခိၣ်လၢ ကဟဲမၤစၢၤတၢ်ဆူ ဘါမီ၀့ၢ်သုးကီၣ်ကးနီၣ်ဂံၢ်(၂၁)သုးတၢ်နဲၣ်လီၤ၀ဲၤလီၢ်ခိၣ်သ့ၣ်အံၤ KIAခးလီၤ၀ဲအဆၢကတီၢ် ခး၀ဲဘၣ်ခံခိၣ်န့ၣ်လီၤ.
“လါမ့ၤ(၂၀)သီ, မုၢ်ထူၣ်(၁)နၣ်ရံၣ်ဃၣ်ဃၣ်အဆၢကတီၢ် ကဘီယူၤသၢခိၣ် အယူၤလီၤလၢဘါမီၤစကစသုး၀ဲၤလီၢ်ခိၣ်သ့ၣ်အကပၤန့ၣ်လီၤ. ဖဲသၢခိၣ်အကျါ ၂ခိၣ်တခီ ပခးအီၤဘၣ်၀ဲလီၤ. ခံခိၣ်အကျါ တခီန့ၣ်ဘၣ်လဲၤစံၣ်လီၤ၀ဲဖဲ ရွ့ၣ်ကူၣ်န့ၣ်လီၤ. လီၢ်ခံတခိၣ်တခီ ကတုၤဆူရွ့ၣ်ကူၣ်အဂီၢ် အိၣ်(၁၅)မံၤလၤဃၣ်ဃၣ်တၢ်လီၢ်အပူၤ လီၤတဲၥ်၀ဲ”အဂ့ၢ် သုးခိၣ်ဒိၣ်စိ နီၢ်ဘူၣ်စံး၀ဲန့ၣ်လီၤ.
သုးကီၣ်ကးကဘီယူၤသၢခိၣ်အကျါ တခိၣ်န့ၣ်က့ၤစံၣ်လီၤ၀ဲဒၣ်ဖဲ မၠ့းကၠံနါ, နးဘိးကဘီယူၤသန့အဂ့ၢ် သုးခိၣ်ဒိၣ်စိနီၢ်ဘူတဲအါထီၣ်၀ဲန့ၣ်လီၤ.
KIAသုးပၥ်ဖှိၣ်တဖၣ် အတၢ်ထီၣ်ဒုးဘါမီၤ၀့ၢ်တၢ်ဒုးအပူၤ ဒုးမၤန့ၢ်ဃၥ်၀ဲ သုးကီၣ်ကးတၢ်ဘံၣ်တၢ်ဘၢသုးကလၢၤတဖၣ်၀ံၤ ဆဲးထီၣ်ဒုး၀ဲ သုးကီၣ်ကး စကခ ၂၁သုး၀ဲၤလီၢ်ခိၣ်သ့ၣ်ဒီးနီၣ်ဂံၢ်(၄၇)ခီၣ်သုးရ့ၣ်တဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
KIAသုးပၥ်ဖှိၣ်တဖၣ်တဖၣ် မၤတၢ်ထီၣ်ဒုး ဒုးယၤရဲၣ်ကျဲၤတဖၣ်အဆၢကတီၢ် KIAအံၤ ခးလီၤတဲၥ်ကွံၥ်ဃၥ်၀ဲ သုးကီၣ်ကးကဘီယူၤဒုးသုးအိၣ်အသိး အခဲအံၤအခးလီၤတဲၥ်ကွံၥ် တခိၣ်အဃိ သုးကီၣ်ကးကဘီယူၤ(၃)ခိၣ်ဒီး ကဘီယူၤဒုးသုး(၁)ခိၣ် တၢ်ခးလီၤတဲၥ်ကွံၥ်ဃၥ်၀ဲန့ၣ်လီၤ.
Ref: burmavj
