လါမ့ၤ(၁၂),၂၀၂၅နံၣ်
ကၠီၣ်တဲၣ်-ပယီၤကီၢ်ဆၢ တၢ်ဒုးတဖၣ်အဃိ ပှၤလီၢ်အိၣ်ကမှံဖိလၢလဲၤဃ့ၢ်အိၣ်ကဒုလၢတးကီၢ်ရ့ၣ်အပူၤတဖၣ် ကၠီၣ်တဲၣ်ဘၣ်မူဘၣ်ဒါတဖၣ်ဆီၣ်တခုထီၣ်လၢကက့ၤဆူအိၣ်ဆိးလီၢ်ကျဲခီဖျိလၢ(KNLA)သုးပၥ်ဖှိၣ်ထီၣ်ဒုးန့ၢ်၀ဲသုးကီၣ်ကးသုးကလၢၤလံအဃိအဂ့ၢ် Bangkok Postတၢ်ကစီၣ်ပၥ်ဖျါဃၥ်၀ဲန့ၣ်လီၤ.
ပယီၤသုးမီၤစိရိၤသုးကီၣ်ကးအသုးဒီး ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်အဘၢၣ်စၢၤ တၢ်ဒုးတဖၣ်အပူၤ ပှၤလီၢ်အိၣ်ကမှံဖိ(၃၂၈)ဂၤလဲၤအိၣ်ကဒုဆူကၠီၣ်တဲၣ်တပၤအဃိ တးကီၢ်ရ့ၣ်, မဲၢ်လးတပၤ ကၠီၣ်တဲၣ်သုးခိးကီၢ်ဆၢ, ပၢၤကီၢ်သုးတဖၣ် ပၥ်လီၤအါထီၣ်ဃၥ်၀ဲ သုးအဂံၢ်အဘါအဂ့ၢ် စံး၀ဲန့ၣ်လီၤ.
(KNLA)သုးပၥ်ဖှိၣ်တဖၣ်အံၤ ထီၣ်ဒုးမၤန့ၢ်၀ဲ သုးကီၣ်ကးအသုးကလၢၤလၢအိၣ်စီၣ်စုၣ်ဒီးကၠီၣ်တဲၣ်ကီၢ်ဆၢ(၇)ကံၣ်လိၣ်မံၣ်တၣ်၀ံၤ သုးကီၣ်ကးတပၤစ့ၢ်ကီး ဟဲဒုးလီၤတၢ်ဆူ သုးကလၢၤသၢဖျၢၣ်လၢအိၣ်ဖဲကညီကီၢ်စဲၣ်ပူၤ လၢ Yak-130ကဘီယူၤဒုးသုးတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
လၢတၢ်န့ၣ်အဃိ ကၠီၣ်တဲၣ်ဘၣ်မူဘၣ်ဒါတဖၣ် အိၣ်ခိးကွၢ်၀ဲတၢ်အိၣ်သးတဖၣ်၀ံၤ ကွၢ်ထွဲမၤစၢၤ၀ဲ ပှၤလီၢ်အိၣ်ကမှံဖိတဖၣ်အဂ့ၢ် ပၥ်ဖျါဃၥ်၀ဲလၢ တၢ်ကစီၣ်အပူၤန့ၣ်လီၤ.
ဖဲလါမ့ၤ(၇)သီအနံၤန့ၣ် (KNLA)သုးပၥ်ဖှိၣ်တဖၣ် စးထီၣ်ထီၣ်ဒုး၀ဲ သုးကီၣ်ကး ခီၣ်ချ့သုးရ့ၣ်(ခလရ-၂၄)တခီၣ်ဘံၣ်ကွံသုးကလၢလၢအိၣ်ဖဲ သုးက့(၇)ဟီၣ်က၀ီၤ, တၢ်ကြဲၢ်ကီၢ်ဆၣ်ပူၤ၀ံၤ ထီၣ်ဒုးမၤန့ၢ်၀ဲ ဖဲလါမ့ၤ(၉)သီအနံၤအဂ့ၢ် တၢ်သ့ၣ်ညါဘၣ်န့ၣ်လီၤ.
