လါမ့ၤ(၉)သီ,၂၀၂၅နံၣ်
“ကသံၣ်သရၣ်ဖးဒိၣ်တဖၣ်တအိၣ်လၢၤဘၣ်.ဃ့ၫ်ကွံာ်လၢာ်လံ.တၫ်အိၣ်ဆူၣ်အိၣ်ချ့တဂ့ၤဒၢး လဲၤဆူတၫ်ဆါဟံၣ်ဒီး တဲ၀ဲလၢကသံၣ်သရၣ်ဖးဒိၣ်တဖၣ်တအိၣ်ဘၣ်၀ံၤ သတမံသမိးန့ၫ်၀ဲပှၤဆါဘၣ်အဂ့ၫ်”ပှၤလၢလဲၤဆူတၫ်ဆါဟံၣ် တဂၤတဲ၀ဲအဖီခိၣ် ပှၤလီၫ်က၀ီၤဖိတဂၤတဲ၀ဲလီၤ.
လီၣ်ကထါသ၀ီဒီးအကပိာ်ကပၤဒူသ၀ီတဖၣ်အပူၤ တၫ်ဒုးဟဲအိၣ်ထီၣ်၀ဲအဃိ တဲးနဲၣ်တၫ်ဆါဟံၣ်အကသံၣ်သရၣ်န့ၣ် ပဒ့ၣ်ဟးဆှဲးကွံာ်အသး၀ံၤ ဟးထီၣ်အခါဖဲလဲၣ်တခီ တၫ်တသ့ၣ်ညါဘၣ်လီၤတံၫ်ဒံးဘၣ်.
ပသံၣ်-မိၣ်ယွၣ်သိလ့ၣ်ကျဲမုၫ်ဖီခိၣ် စီပၠၣ်သ၀ီအမုၫ်ထီၣ် စီၤစုာ်(၃)မံၣ်ထၢၣ် လီၣ်ကထါသ၀ီ တဲးနဲၣ်တၫ်ဆါဟံၣ်အံၤ မ့ၫ်တၫ်ဆါဟံၣ်တဖျၢၣ်လၢ လီၣ်ကထါသ၀ီပာ်ဃုာ် စ့ၣ်တီၣ်,မိကိး,အီးစူး အကပိာ်ကပၤသ၀ီ ပှၤလီၫ်က၀ီၤဖိတဖၣ် ဘၣ်ပာ်ဂံၫ်ပာ်ဘါ၀ဲန့ၣ်လီၤ.
“လီၣ်ကထါ,စ့ၣ်တီၣ်,မိကိး,အီးစူး သ၀ီတဖၣ် ပှၤအိၣ်ဒံးအဖၢမုၫ်န့ၣ်လီၤ.တသုးလီၫ်သုးကျဲဒံးဘၣ်အဂ့ၫ်” ပှၤလၢသ့ၣ် ညါလီၫ်က၀ီၤတၫ်အိၣ်သးတဂၤတဲ၀ဲလီၤ.
လၢစီၤပၠၣ်သ၀ီဒီးအကပိာ်ကပၤအပူၤ ဖဲလါမး(၃)နွံတနွံအပူၤဃၣ်ဃၣ်န့ၣ် ရၢၫ်ခၢၫ်သုးမုၫ်ဒိၣ်(AA)သုးပာ်ဖှိၣ်ဒီးသုးကီၣ် ကးသုးအဘၢၣ်စၢၤ တၫ်ဒုးဆူၣ်တ့ၫ်၀ဲ၀ံၤလီၫ်က၀ီၤဖိလၢကျဲးစၢးပဒ့ၣ်ဟးဆှဲးအသးတဖၣ် သုးကီၣ်ကးသုးတဖၣ် တြီ ၀ဲအိၣ်န့ၣ်လီၤ.
ပါတီကၠံသ၀ီ,သုးကီၣ်ကးသုးကလၢၤ လၢအိၣ်ဖဲပသံၣ်-မိၣ်ယွၣ်သိလ့ၣ်ကျဲမုၫ်ဖီခိၣ် လၢစီၤစုာ်ယံၤဒီးလီၣ်ကထါသ၀ီ (၇)မဲၣ်ဃၣ်ဃၣ်အံၤ ဖဲလါအ့ဖြ့ၣ်(၁၇)သီအနံၤန့ၣ် AAသုးပာ်ဖှိၣ်တဖၣ် ထီၣ်ဒုးမၤန့ၫ်၀ဲ၀ံၤအလီၫ်ခံ တုၤလၢကတီၫ်အံၤ သုးဂ့ၫ်၀ီတၫ်ဖ့ၣ်ဆၢအိၣ်အဃိ တၫ်ကပိာ်ကပၤ ပှၤလီၫ်က၀ီၤဖိတဖၣ်စ့ၫ်ကီး လဲၤဃ့ၫ်အိၣ်ကဒုဆူ ကွ့ကီး,ဟ့သဒးတက ပၤန့ၣ်လီၤ.
လၢတၫ်ဆါဟံၣ် တၫ်ကီတၫ်ခဲအိၣ်ထီၣ်လၢတၫ်ကလဲၤကူစါယါဘျါသးအဃိ တၫ်လဲၤဆူတၫ်လီၫ်အဘူးကတၢၫ် ယံၤ (၁၂)မဲၣ် ဖဲယ့ၣ်ကၠံၣ်ကီၫ်ဆၣ်,သံၣ်တၣ်ကိပၠ့ၣ်တဲးနဲၣ်တၫ်ဆါဟံၣ်န့ၫ်၀ဲဘၣ်ဆၣ် လၢကျဲဒီတဘိ တၫ်ခးလိာ်သးတဖၣ် အိၣ်၀ဲတလီၫ်လီၫ်အဂ့ၫ် တၫ်သ့ၣ်ညါဘၣ်လီၤ.
တၫ်ကခီဂာ်ပသံၣ်ထံကျိ၀ံၤ လဲၤဒိကူစါယါဘျါသးလၢအဲၣ်သပၠ့ၣ်,လ့မၠဲးနၣ်တၫ်ဆါဟံၣ်တဖၣ်အဂီၫ် သုးကီၣ်ကး တကပၤ ကးတံာ်ကွံာ်ချံသန့တဖၣ်အဃိ လီၫ်က၀ီၤကမျၢၫ်တဖၣ်ထံၣ်ဘၣ်တၫ်ကီတၫ်ခဲလီၤ.
Ref: Delta News Agency
