လါမ့ၤ(၉)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ်, ကီးတရံးကီၫ်ဆၣ်,၀့ၫ်ကြူၫ်တု,နွါခၠၣ်ကိသ၀ီကပၤ တၫ်ပာ်သဂၢၫ်ခးလိာ်လိာ်သးဒီး သုးကီၣ်ကးအသုး လၢဟဲထီၣ်သုးကျိၤတဖၣ်၀ံၤ သုးကီၣ်ကးသုးသံ(၃၀)ဂၤဃၣ်ဃၣ်အဂ့ၫ် တလၢၤတၫ်ထူၣ်ဖျဲးသုးမုၫ်ဒိၣ် (MLA) ထုး ထီၣ်ဘိးဘၣ်ရၤလီၤ၀ဲ ဖဲလါမ့ၤ(၈)သီအနံၤန့ၣ်လီၤ.
ဖဲအ့ဖြ့ၣ်(၃၀)သီနံၤန့ၣ် သုးကီၣ်ကးအသုးကျိၤလၢ ဟဲထီၣ်ဖဲနွါခၠၣ်ကိသ၀ီကပၤဒီးတၫ်ပၢၫ်ဆၢသုးပာ်ဖှိၣ်တဖၣ် အဘၢၣ်စၢၤ တၫ်ဒုးကဲထီၣ်၀ံၤ သုးကီၣ်ကးအသုး သုးရ့ၣ်ခိၣ်(၂)ပာ်ဃုာ် ဘၣ်သံ၀ဲ(၃၀)ဂၤဃၣ်ဃၣ်အဂ့ၫ် ဘိးဘၣ် ရၤလီၤဃာ်၀ဲလီၤ.
တၫ်ဒုးတဘျီအံၤ တနီသရံၣ်ကီၫ်ခီ ပီၣ်လဲၣ်နံၤသုး၀ဲၤလီၫ်ခိၣ်သ့ၣ် သုးကီၣ်ကးအစုတီၤဖီလာ်သုးတဖၣ်,သုးတြိၤ(၂၂), သုးတြိၤ(၄၄)အစုတီၤဖီလာ်သုးတဖၣ်ဒီးကညီဒီကလုာ်တၫ်ထူၣ်ဖျဲးသုးမုၫ်ဒိၣ်(KNLA)တီခိၣ်ရိၣ်မဲသုးပာ်ဖှိၣ်တဖၣ်န့ၣ် စးထီၣ်ဖဲဂီၤ(၇)နၣ်ရံၣ်, တၫ်ဒုးကဲထီၣ်တ့ၫ် ယံာ်(၁၀)နၣ်ရံၣ်၀ံၤအလီၫ်ခံ သုးကီၣ်ကးအသုးကျိၤဟးဂီၤဒီးဂုၤက့ၤအခံ န့ၣ်လီၤ.
တၫ်ဒုးအပူၤ တလၢၤကီၫ်တၫ်ထူၣ်ဖျဲးသုးမုၫ်ဒိၣ်(MLA),တလၢၤကီၫ်သီပၣ်တံၣ်ထုးဖးအသး(NMSP-AD),ပၠၣ်လွါသုး ကျိၤ, Lion Battalionတဖၣ် ပာ်ဖှိၣ်ဒုး၀ဲ၀ံၤ တုၤလၢကနံၤအံၤ တၫ်ဒုးကဲထီၣ်ဒံး၀ဲအဃိ ပှၤလီၫ်က၀ီၤဖိတဖၣ် ကဒိကနၣ် ဘၣ်သုးဂ့ၫ်၀ီတၫ်ကစီၣ်အဂီၫ်ဒီးကအိၣ်ဆိးလၢ တၫ်လီၫ်လၢတၫ်ဒီသဒၢ သုးကီၣ်ကးအကျိဖးဒိၣ်,ကဘီယူၤတၫ်လီၤ ဘၣ်ယိၣ်တဖၣ်အလီၫ်အဂီၫ် MLAဟ့ၣ်ပလီၫ်ဃာ်၀ဲလီၤ.
Ref: Burma VJ
