လါအ့ဖြ့ၣ်(၂၈)သီ,၂၀၂၅နံၣ်
စးထီၣ်ဖဲလါမ့ၤ(၁)သီအနံၤန့ၣ် TM6လံၥ်ကွဲးနီၣ်ကွဲဃါအလီၢ် တၢ်ကစးထီၣ်သူ Thailand Digital Arrival Card (TDAC)အံၤ ပှၤဟးကသုၣ်တဖၣ် မ့ၢ်ဟဲတုၤလၢကၠီၣ်တဲၣ်အဆၢကတီၢ် ကဘၣ်လီၢ်ဘၣ်စး၀ဲဒီး တကးဘၣ် ပှၤတူၢ်ကွီၢ်ဖိတဖၣ်လၢ ကဟဲခီကီၢ်ဆၢတဖၣ်စ့ၢ်ကီး တၢ်ဃုထံၣ်က့ၤတၢ်ဂ့ၢ်တၢ်ကျိၤအဆၢကတီၢ် မၤစၢၤ၀ဲသ့အဂ့ၢ်န့ၣ် တၢ်ပၢဆှၢရဲၣ်ကျဲၤပှၤနုၥ်လီၤဟးထီၣ်၀ဲၤကျိၤ ပှၤဘၣ်မူဘၣ်ဒါတဖၣ် စံး၀ဲန့ၣ်လီၤ.
Digital Arrival Cardအံၤ ပှၤလၢဟဲနုၥ်လီၤလၢ ခီကျဲ,ထံကျဲဒီး ကလံၤကျိၤအကျဲတဖၣ် ခဲလၢၥ် ကဘၣ်မၤပှဲၤ၀ဲန့ၣ်လီၤ. ပှၤဟးကသုၣ်ဖိတဖၣ်အံၤ တချူးဟဲဆူကၠီၣ်တဲၣ် (၃)သီအနံၤန့ၣ် တၢ်ကဘၣ်မၤပှဲၤဆိဃၥ်န့ၣ်လီၤ. ပှၤလၢကစးထီၣ်ဟဲလၢ လါမ့ၤ(၁)သီတဖၣ်န့ၣ် စးထီၣ်လၢလါအ့ဖြ့ၣ်(၂၈)သီအနံၤန့ၣ် တၢ်ကဘၣ်တီၣ်ထီၣ်လံၥ်ပတံလၢ TDAC Websiteအပူၤန့ၣ်လီၤ.
TDACသနူအံၤ တၢ်ဘျးစဲဃၥ်ဒီး ကၠီၣ်တဲၣ်ပၢၤကီၢ် အ Biometric Database၀ံၤ တၢ်ပၢဆှၢရဲၣ်ကျဲၤပှၤနုၥ်လီၤဟးထီၣ်အပှၤဘၣ်မူဘၣ်ဒါတဖၣ် ဃုထံၣ်သမံသမိး၀ဲ ပှၤကီၢ်ချၢဖိတဖၣ်ဒီး တၢ်မၤကမၣ်ကွီၢ်မ့ၣ်တဖၣ်သ့န့ၣ်လီၤ. တၢ်ဘျးစဲဃၥ်၀ဲ သနူခံခါအဃိ တၢ်ဂ့ၢ်တၢ်ကျိၤလၢ ပှၤကီၢ်ချၢဖိအသွီနုၥ်လီၤတဖၣ်အံၤ အကစၢ်ဒၣ်၀ဲ ကလဲၤနုၥ်လီၤဆူ ကၠီၣ်တဲၣ်ပၢၤကီၢ်အ Databaseအပူၤ၀ံၤ တၢ်ဂ့ၢ်တၢ်ကျိၤတဖၣ် တလိၣ်လၢပှၤဘၣ်ထၢနုၥ်လီၤလၢခီၣ်ဖၠူထၢၣ်သနူအပူၤ ဒ်သိးလၢအပူၤကွံၥ်လၢၤဘၣ်န့ၣ်လီၤ.
သနူအ၀ဲအံၤန့ၣ် ကတိၤစၢၤမၤစၢၤ၀ဲ ဒ်သိး တၢ်ကဒုးလီၤပှီၢ် ကဲတဖၣ်လၢအသူ၀ဲကၠီၣ်တဲၣ်ဒ် တၢ်ကမၤကမၣ်ကွီၢ်မ့ၣ်တဖၣ်အဂီၢ်အဂ့ၢ် ကၠီၣ်တဲၣ်ပၢၤကီၢ်ကရၢ စံး၀ဲန့ၣ်လီၤ.
Ref : Bangkokpost
