လါအ့ဖြ့ၣ်(၈)သီ,၂၀၂၅နံၣ်
ကီၢ်ပယီၤပူၤ ဖဲလါမးရှး(၂၈)သီအနံၤန့ၣ် ဟီၣ်ခိၣ်ဟူး၀းတၢ်တတဲၥ်တနါကဲထီၣ်တ့ၢ်၀ဲအဃိ ဟီၣ်က၀ီၤလၢဘၣ်ကွၢ်ဆၢၣ်မဲၥ်ဘၣ်ဟီၣ်ခိၣ်ဟူး၀းတၢ်တတဲၥ်တနါနးနးကျံးကျံးတဖၣ်အပူၤ တၢ်လီၤဘၣ်ယိၣ်အိၣ်ထီၣ်လၢမိၢ်ဒၢပိၥ်မုၣ်တစှၤန့ၣ်(၁၇၃၈၅၅)ဂၤ၀ံၤအါတက့ၢ်န့ၣ်တဒိးန့ၢ်ဘၣ်မိၢ်ဒၢဆူၣ်ချ့တၢ်ကဟုးကယၥ်ဘၣ်အဂ့ၢ် ဘီမုၢ်စၢဖှိၣ်ကရၢပှၤနီၣ်ဂံၢ်စ့ပၥ်ကီၤကရၢ(UNFPA) ထုးထီၣ်ပၥ်ဖျါဃၥ်၀ဲဖဲ လါအ့ဖြ့ၣ်(၄)သီအနံၤန့ၣ်လီၤ.
ဟီၣ်က၀ီၤလၢ ဘၣ်ဒိဘၣ်ထံးဟီၣ်ခိၣ်ဟူး၀းတၢ်တတဲၥ်တနါတဖၣ်ဒ်အမ့ၢ် စကဲ,မါတလ့ဒီးန့ၣ်ပၠံၣ်တီၣ်အပူၤ ဆူၣ်ချ့တၢ်ဟ့ၣ်ကသံၣ်ဒၢးတဖၣ်ဒီးတၢ်ဆါဟံၣ်တဖၣ်ပၣ်ဃုၥ် တၢ်သူၣ်ထီၣ်တဖၣ် ဘၣ်ဟးဂီၤကွံၥ်နးနးကျံးကျံးန့ၣ်လီၤ.
ဒ်န့ၣ်အသိးဟီၣ်က၀ီၤတဖၣ်အံၤအပူၤဘၣ်ကွၢ်ဆၢၣ်မဲၥ်ဘၣ်ဒီးကသံၣ်ကသီဒီးကသံၣ်တၢ်ဖိတၢ်လံၤတဖၣ်ကၤထီၣ် တကးဘၣ် ထံကဆှီ, တၢ်အီၣ်တၢ်အီ, တၢ်အိးဆိးအဂီၢ်တၢ်ပီးတၢ်လီတဖၣ်ဒီး ကအိၣ်မူအဂီၢ် တၢ်ပီးတၢ်လီလၢလိၣ်ဘၣ်၀ဲတဖၣ်စ့ၢ်ကီး ကၤထီၣ်၀ဲအဂ့ၢ် ပၥ်ဖျါဃၥ်၀ဲလၢ လံၥ်ပၥ်ဖျါအပူၤန့ၣ်လီၤ.
UNFPA ကထုးထီၣ်သူ အဂ့ၢ်ဂီၤအူ စ့ပၥ်ကီၤဒီလၣ်(၅)ကလီၢ်၀ံၤ ရဲၣ်ကျဲၤမၤန့ၢ်၀ဲလၢ ဂ့ၢ်ဂီၤအူတၢ်ဖံးတၢ်မၤတဖၣ်ဒ်အမ့ၢ် ဖိသၣ်တဖၣ်ကအိၣ်ဖျဲးထီၣ်လၢအပူၤဖျဲးဒီးတၢ်လီၤဘၣ်ယိၣ်အပူၤ, ဂံၢ်ခီၣ်ထံးဆူၣ်ချ့တၢ်ကဟုးကယၥ်တဖၣ်ဒီး မိၢ်ဒၢဆူၣ်ချ့တၢ်ကဟုးကယၥ်တဖၣ်ဘၣ်ဆၣ် ကွၢ်ဆၢၣ်မဲၥ်ဘၣ်ဒီး လီမ့အူ, ထံဒီးဂံၢ်ခီၣ်ထံးတၢ်သူၣ်ထီၣ်တဖၣ်တလၢတလီၣ်ဘၣ်အဂ့ၢ်ပၥ်ဖျါဃၥ်၀ဲန့ၣ်လီၤ.
လၢတၢ်ဂ့ၢ်ကီတဖၣ်အဃိ ကတီၢ်ခဲအံၤန့ၣ် ကရဲၣ်ကျဲၤမၤအါထီၣ် UNFPA ဒီး UNအ့ၣ်ကၠ့ၣ်စံၣ်ခဲလၢၥ်ဘၣ်ဆၣ် လိၣ်ဘၣ်၀ဲစ့ပၥ်ကီၤတဖၣ်အဂ့ၢ် ပၥ်ဖျါဃၥ်၀ဲလၢ အလံၥ်ဘိးဘၣ်ရၤလီၤအပူၤန့ၣ်လီၤ.
Ref: The Irrawaddy
