လါအ့ဖြ့ၣ်(၇)သီ,၂၀၂၅နံၣ်
သုးကီၣ်ကးအသုး ဘိးဘၣ်ရၤလီၤဃၥ်၀ဲလၢ ကမၤတၢ်ပတုၥ်တၢ်ခးဘၣ်ဆၣ် အိၣ်လၢဖၣ်အၣ်ဒီးလဲၤမၤပှဲၤအါထီၣ်သုးအဂံၢ်အဘါ ဆူ၀့ၢ်ကီးတရံးအဂ့ၢ် တၢ်သ့ၣ်ညါဘၣ်လၢ ပှၤလၢအဘူးဒီးတၢ်ပၢၢ်ဆၢသုးပၥ်ဖှိၣ်တဖၣ်အအိၣ်န့ၣ်လီၤ.
“ကတီၢ်ခဲအံၤ၂သီအတီၢ်ပူၤသုးကီၣ်ကးအသုးအိၣ်လၢဖၣ်အၣ်ဒီးလဲၤမၤပှဲၤအါထီၣ်သုးအဂံၢ်အဘါဆူ၀့ၢ်ကီးတရံးန့ၣ်လီၤ. အဂံၢ်အဘါ(၁၉၀)ဂၤဃၣ်ဃၣ် လဲၤတုၤဆူကီးတရံးလံ”အဂ့ၢ် ပှၤလၢသ့ၣ်ညါသုးဂ့ၢ်၀ီလၢ တအဲၣ်ဒိးပၥ်ဖျါအမံၤတဂၤ စံး၀ဲန့ၣ်လီၤ.
မဟါအနံၤဂီၤ(၁၀း၁၄)နၣ်ရံၣ်အဆၢကတီၢ်န့ၣ် သုးကီၣ်ကးအသုးသိလ့ၣ်(၂)ခိၣ်အိၣ်လၢဖၣ်အၣ်ဒီး လဲၤထီၣ်ဆူ ၀့ၢ်ကီးတရံးလၢ၀့ၢ်ကၠိၣ်ဒိ(၅)တဲၣ်တဆီ၀ံၤ သုးကီၣ်ကးအပှၤသုးဖိတဖၣ်စ့ၢ်ကီး လဲၤဒိးဃုၣ်၀ဲအဂ့ၢ် စံး၀ဲန့ၣ်လီၤ.
တကးဘၣ် မုၢ်ထူၣ်(၁၂း၂၃)နၣ်ရံၣ်အဆၢကတီၢ်စ့ၢ်ကီး သုးကီၣ်ကးအသုးသိလ့ၣ်(၂)ခိၣ်အိၣ်လၢ သၣ်မညးဒီးလဲၤဆူ ကၠဲတိၤအသိး သိလ့ၣ်တခိၣ်စုၥ်စုၥ်န့ၣ်သုးကီၣ်ကးအသုးဖိလဲၤဒိးဃုၣ်၀ဲ(၂၀)ဂၤအဂ့ၢ် လၢ(၅၄၅)န့ၣ် သိလ့ၣ်တခိၣ်ခဲလၢၥ်ပၥ်ဖှိၣ်သိလ့ၣ်(၃)ခိၣ် အသုးအဂံၢ်အဘါ(၆၀)ဂၤဃၣ်ဃၣ် ပၣ်ဃုၥ်၀ဲအဂ့ၢ် စံး၀ဲန့ၣ်လီၤ.
ကီၢ်ပယီၤအပူၤ ထံဖိကီၢ်ဖိကမျၢၢ်တဖၣ်ဘၣ်ကွၢ်ဆၢၣ်မဲၥ်ဒီးဟီၣ်ခိၣ်ဟူး၀းတၢ်တတဲၥ်တနါအဆၢကတီၢ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကီၣ်ကးအခိၣ် မ့အီၣ်လဲၣ်တဲ၀ဲလၢ ကမၤတၢ်ပတုၥ်တၢ်ခးတစိၢ်တလီၢ် ဘၣ်ဆၣ် ဖဲလါအ့ဖြ့ၣ်(၄)သီအနံၤ, ၇နၣ်ရံၣ်အဆၢကတီၢ်န့ၣ် သုးကီၣ်ကးအသုး(၉၇)လၢအိၣ်၀့ၢ်ကီးတရံးတဖၣ် ခးလီၤကျိဖးဒိၣ်တဖၣ်ဆူ ယၣ်ကိးတပၤအဃိ လီၢ်က၀ီၤကမျၢၢ်တၢ်ဘၣ်ဒိဘၣ်ထံးတဖၣ်အိၣ်ထီၣ်၀ဲန့ၣ်လီၤ.
သုးကီၣ်ကးအသုးလၢအိၣ်ဖၣ်အၣ်တဖၣ်လၢ မၤပှဲၤသုးအဂံၢ်အဘါတဖၣ် လဲၤတုၤ၀ဲဆူ ၀့ၢ်ကီတရံးလံအဂ့ၢ် စံး၀ဲန့ၣ်လီၤ.
Ref: Salween Press
