လါအ့ဖြ့ၣ်(၄)သီ,၂၀၂၅နံၣ်
မါတလ့ဒီးစကဲလၢတူၫ်ဘၣ်ဟီၣ်ခိၣ်ဟူးတၫ်ဘၣ်ဒိဘၣ်ထံးဒိၣ်ဒိၣ်မုာ်မုာ်ပာ်ဃုာ်တၫ်လီၫ်တနီၤအပူၤ လၢကဟဲ(၅) သီအတီၫ်ပူၤ လၢတၫ်ဆၢကတီၫ်တမ့ၫ်အပူၤ တၫ်ကစူၤ၀ဲအဂ့ၫ် သုးကီၣ်ကးအမူခိၣ်ကလံၤသီၣ်ဂီၤတၫ်နဲၣ်လီၤ၀ဲၤကျိၤ ထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.
လါအ့ဖြ့ၣ်(၆)သီနံၤတုၤ(၁၁)နံၤအတီၫ်ပူၤ မါတလ့,စကဲ,န့ၣ်ပၠံၣ်ဒီၣ်,ပကိ,၀့ၫ်တကူၣ်,မကွ့,အ့ၣ်ယၣ်၀တံၣ်ကီၫ်ခီဒီး ကယါ,ခၠီ,ရၢၫ်ခၢၣ်,ယိၤဒိၣ်ကီၫ်စဲၣ်တဖၣ်အပူၤ မူခိၣ်ကစူၤ၀ဲအဂ့ၫ် ထုးထီၣ်ဘိးဘၣ်ရၤလီၤဃာ်၀ဲလီၤ.
ဒ်န့ၣ်အသိး,တနီသရံၣ်ကီၫ်ခီ,ကခၠ့ၣ်ကီၫ်စဲၣ်,ကညီကီၫ်စဲၣ်ဒီ*တလၢၤကီၫ်စဲၣ်တဖၣ်အပူၤ လၢတၫ်လီၫ်ဒုးဒုးအပူၤ မူခိၣ်ကစူၤ၀ဲအဂ့ၫ် ပာ်ဖျါ၀ဲလီၤ.
လၢကတီၫ်အံၤ ဟီၣ်ခိၣ်ဟူးအဃိ တၫ်သူၣ်ထီၣ်တဖၣ် လီၤပှီၫ်ဟးဂီၤ၀ဲအဃိ ကမျၢၫ်အါတက့ၫ် ဘၣ်ဆဲးလီၤဒဲလၢ ကျဲမုၫ်ဖီခိၣ်ဒီးအိၣ်ဆိး၀ဲအါမးနၣ်လီၤ.
“မ့ၫ်လၢတၫ်ကစူၤလီၤကဒီးအဃိ တၫ်အိၣ်ဆိးလီၫ်အဂီၫ် ကကီခဲထီၣ်၀ဲလီၤ.ပှၤကညီတဖၣ် တၫ်ကကဲထီၣ်လၢ အ၀ဲသ့ၣ်မနုၤဒီးလဲၣ်န့ၣ်တသ့ၣ်ညါဘၣ်”အဂ့ၫ် ပိာ်မုၣ်လၢဟ့ၣ်တၫ်မၤစၢၤတဂၤတဲ၀ဲလီၤ.
လၢတၫ်ဆၢကတီၫ်တမ့ၫ်ဘၣ်အပူၤတၫ်စူၤတဖၣ်ဒီးကလံၤအူ,တၫ်စူၤပူၤတီၤပူၤတီၤတဖၣ်,လီဖျးတၫ်ဒီးမူခိၣ်စူၤထံအဖျၢၣ်တဖၣ်လီၤတဲာ်ကဲထီၣ်သ့အဂ့ၫ် ထုးထီၣ်ဘိးဘၣ်ရၤလီၤ၀ဲလီၤ.
လၢကတီၫ်အံၤ ဟီၣ်ခိၣ်ဟူးမၤဘၣ်ဒိဘၣ်ထံးတၫ်ဒိၣ်ဒိၣ်မုာ်မုာ်အဃိ ဖဲကမျၢၫ်တဖၣ်ဘၣ်ယိၣ်ဘၣ်ဘှီတၫ်အကတီၫ် ပှၤတ၀ၢပှာ်ဘျးစဲပူၤ တၫ်ကစီၣ်တၫ်ဂ့ၫ်တၫ်ကျိၤတဖၣ် တလၢအခၢးအဃိ တၫ်ကဘၣ်ပလီၫ်သးအဂ့ၫ် ပှၤလၢမၤပူၤဖျဲး ထီၣ်သးသမူတဖၣ် ဟ့ၣ်ပလီၫ်ဃာ်၀ဲလီၤ.
Ref: Hlaing Info
