လါအ့ဖြ့ၣ်(၄)သီ,၂၀၂၅နံၣ်
သုးကီၣ်ကးအသုးကလၢၤလၢဆီလီၤအသးဖဲလၢၫ်ဒိၣ်ကီၫ်ဆၣ် သပၠ့ၣ်ညိးသုးကလၢၤန့ၣ် KNLAသုးဒီးတၫ်ပၢၫ်ဆၢ သိမှံၤသုးပာ်ဖှိၣ်တဖၣ် ဖဲလါမးရှး(၇)သီနံၤဒီး(၈)သီနံၤတတဖၣ်အပူၤ ထီၣ်ဒုးမၤန့ၫ်၀ဲန့ၣ်လီၤ.
ဖဲလါမးရှး(၈)သီအနံၤန့ၣ် မကွ့ကလံၤသုးကလၢၤ,တီအူကလံၤသုးကလၢၤခးစၢၤတၫ်တကးဘၣ် ခလရ(၇၃)သုးရ့ၣ် လၢဆီလီၤအသးဖဲစယးကၠံဒီးဘိၣ်မတံ၀့ၫ် သုးကီၣ်ကးအသုးတဖၣ် ခးစၢၤ၀ဲ ၁၂၂မမ ဟီၣ်၀့ၣ်စၣ်ကၠိဖးဒိၣ်,၁၂၀မမ,၈၁ မမ ကျိဖးဒိၣ်တဖၣ်အဃိ သပၠ့ၣ်ညိး ကၠီးကၠံပီးသ၀ီ,ရွှ့ၣ်ပၠံၣ်သၣ်သ၀ီဒီးမါကၠံတီသ၀ီဖိတဖၣ် ဘၣ်သံ(၃)ဂၤ,ဘၣ်ဒိ(၃) ဂၤဒီးကမျၢၫ်အိၣ်ဟံၣ်ဃီတဖၣ်စ့ၫ်ကီး ကျိဖးဒိၣ်ဒီးကဘီယူၤတ့ၫ်လီၤမ့ၣ်ပိၫ်တဖၣ်အဃိ မ့ၣ်အူအီၣ်ဟးဂုၤဟးဂီၤအိၣ် အါမးန့ၣ်လီၤ.
သုးကီၣ်ကးအသပၠ့ၣ်ညိၣ် ရတလ (၇၃)သုးကလၢၤလၢ သုးပာ်ဖှိၣ်တဖၣ်ထီၣ်ဒုးန့ၫ်ဃီၤ၀ဲအံၤ အိၣ်ဖဲKNUသုးက့နီၫ်ဂံၫ် (၂)ဒီးသုးက့နီၫ်ဂံၫ်(၃) KNLAသုးရ့ၣ်(၈)အဆၢန့ၣ်လီၤ.
Ref: Salween Press
