လါအ့ဖြ့ၣ်(၃)သီ,၂၀၂၅နံၣ်
သုးကီၣ်ကးအခိၣ် မ့အီၣ်လဲၣ်န့ၣ် ကလဲၤထီၣ် BIMSTECတၫ်အိၣ်ဖှိၣ်လၢအနီၫ်ကစၫ်ဒၣ်၀ဲအဂ့ၫ် ကၠီၣ်တဲၣ်ထံဂုၤကီၫ်ဂၤ ကိတိာ်၀ဲၤကျိၤ တဲပာ်ဂၢၫ်ပာ်ကျၢၤ၀ဲလီၤ.
လါအ့ဖြ့ၣ်(၄)သီနံၤလၢကဟဲ လၢကီၫ်ကၠီၣ်တဲၣ် တၫ်ကမၤ၀ဲအလံၤထံးအ့ရှၢၣ်ခိၣ်နၫ်အလီၫ်က၀ီၤပတီၫ်ထီ တၫ်အိၣ်ဖှိၣ် န့ၣ် မ့အီၣ်လဲၣ်ကလဲၤထီၣ်၀ဲအဂ့ၫ် မ့ၫ်ကၠီၣ်တဲၣ်ထံဂုၤကီၫ်ဂၤကိတိာ်၀ဲၤကျိၤအတၫ်ပာ်ဂၢၫ်ပာ်ကျၢၤ၀ဲန့ၣ်လီၤ.
“အ၀ဲကဟဲထီၣ် ပတီၫ်ထီတၫ်အိၣ်ဖှိၣ်အဂ့ၫ်”ကၠီၣ်တဲၣ်ထံဂုၤကီၫ်ဂၤ၀ဲၤကျိၤပှၤတဲတၫ်ပၢ Nikorndej Balankuraန့ၣ် ဖဲလါအ့ဖြ့ၣ်(၂)သီအနံၤန့ၣ် ဘၣ်ထွဲတၫ်မၤ၀ဲ BIMSTECတၫ်ကစီၣ်တၫ်ဂ့ၫ်တၫ်ကျိၤအကတီၫ် တဲလီၤ၀ဲန့ၣ်လီၤ.
“ဘၣ်ဆၣ်သနာ်က့ ဘၣ်ထွဲဒီးအတၫ်ဟးထီၣ်က့ၤလီၤ တၫ်ဆၢကတီၫ်တခီ ပတဒိးန့ၫ်ဘၣ်ဒံးဘၣ်အဂ့ၫ်”အ၀ဲတဲ၀ဲလီၤ.
ကၠီၣ်တဲၣ်ခိၣ်နၫ်အဂၤတဂၤလၢတအဲၣ်ဒိးပာ်ဖျါအမံၤတဂၤတဲ၀ဲလၢ သုးကီၣ်ကးအခိၣ်မ့အီၣ်လဲၣ် ကလဲၤထီၣ်ပတီၫ်ထီ တၫ်အိၣ်ဖှိၣ်လၢအနီၫ်ကစၫ်ဒၣ်၀ဲအဂ့ၫ် တဲဘၣ်၀ဲ Reutersန့ၣ်လီၤ.
တၫ်လဲၤထီၣ်က့ၤလီၤအံၤ ၂၀၂၁နံၣ် သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ မ့ၫ်သုးကီၣ်ကးအခိၣ် မ့အီၣ်လဲၣ် အတၫ်လဲၤဆူမုၫ်ထီၣ်ကလံၤထံးအ့ရှၢၣ်ထံကီၫ်တဖၣ်အိၣ်န့ၣ်လီၤ.
ကီၫ်ပယီၤပူၤ ဟီၣ်ခၣ်ဟူးလၢအသဟီၣ်ဆူၣ်အိၣ် (၇.၇)၀ံၤအလီၫ်ခံ လၢအနံၣ်(၁၀၀)ဘျဲၣ်အတီၫ်ပူၤ မ့ၫ်ဟီၣ်ခိၣ်ဟူး လၢမၤဘၣ်ဒိတၫ်အၢအၢသီသီအဃိ ပှၤဘၣ်သံအိၣ်ထီၣ်တုၤ ၂,၈၈၆ဂၤန့ၣ်လီၤ.
လၢကိးအပၤဒဲးပတီၫ်ထီတၫ်သ့တၫ်ဘၣ်ဒီးတၫ်ပာ်ဖှိၣ်မၤသကိးမုာ်ကျိၤ၀ဲၤကွာ်အဂီၫ် BIMSTECတၫ်အိၣ်ဖှိၣ်န့ၣ် တၫ်မၤ၀ဲဖဲလါအ့ဖြ့ၣ်(၂)သီနံၤတုၤ(၄)သီအနံၤ၀ံၤ ကၠီၣ်တဲၣ်,ပယီၤ,အ့ဒံယါဘ့ကလါဒ့းရှ်,နံၣ်ပီ, သံၣ်ရံးလ့ၣ်ကၣ် ဒီးဘူၣ်တၣ်ထံကီၫ်တဖၣ် ပာ်ဃုာ်၀ဲလီၤ.
Source : Reuters
