လါအ့ဖြ့ၣ်(၃)သီ,၂၀၂၅နံၣ်
ကရ့ၣ်နံၣ်ကီၫ်စဲၣ်အပူၤ သိလ့ၣ်တီၣ်ပနံာ်လၢကူၣ်လဲၫ်မၤကၤတၫ်တဖၣ်အဖီခိၣ် တၫ်စိာ်တၫ်စုက၀ဲၤတဖၣ်,တၫ်သုတကူ သိး သုးဆ့ကူဆ့ကၤတဂ့ၤအဂီၫ် ကရ့ၣ်နံၣ်တၫ်ဘၢၣ်စၢၤပဒိၣ်ပၢပြးကီၣ်ကး IECထုးထီၣ်ဘိးဘၣ်ရၤလီၤ၀ဲ ဖဲလါမးရှး(၃၁)သီအနံၤန့ၣ်လီၤ.
လၢမီခံဟီၣ်က၀ီၤ သိလ့ၣ်တီၣ်ပနံာ်တဖၣ်အဖီခိၣ် တၫ်ကူသိးသုးတၫ်ကူတၫ်ကၤ,တၫ်စိာ်တၫ်စုက၀ဲၤတဖၣ် တၫ်သုတ မၤတဂ့ၤဒီးတၫ်ကလဲၤဘၣ်ဒၣ်ကျဲလၢ တၫ်ပာ်ပနီၣ်န့ၫ်ဃာ်၀ဲတဖၣ်အပူၤအဂီၫ် ဟ့ၣ်ဒုးသ့ၣ်ညါဃာ်၀ဲလီၤ.
IECအနဲရွဲၣ်သဃဲၤ(၂) အူပညါတခီ”ကျိဒီးသုးဆ့ကူက့ကၤတဖၣ်န့ၣ် မ့ၫ်တၫ်လၢအိၣ်ဒီးသုးလ့ၣ်လၤကပီၤလီၤ.တၫ်အံၤ တၫ်မ့ၫ်သူအီၤလၢ ပတီၫ်မုာ်မုာ်ကျိၤ၀ဲၤကွာ်တၫ်ဖံးတၫ်မၤအပူၤဒု လၢၑမျၢၫ်အဂီၫ် တၫ်ကွၫ်၀ဲတမ့ၫ်ကဂ့ၤဘၣ်အသိး ဘၣ်ဒိ ဘၣ်ထံးစ့ၫ်ကီး တၫ်ပၢၫ်ဆၢအလၤကပီၤလီၤအဂ့ၫ်”တဲ၀ဲလီၤ.
တၫ်လဲၤထီၣ်က့ၤလီၤခွဲးလၢမီခံန့ၣ် စးထီၣ်ကးတံာ်ကွံာ်၀ဲဖဲလါမးရှး(၅)သီအနံၤ၀ံၤ လၢစှၤသီအတီၫ်ပူၤ တၫ်က့ၤအိးထီၣ် န့ၫ်၀ဲဒီးဒုးအိၣ်ထီၣ်န့ၫ်၀ဲကျဲလၢပူၤဖျဲးထီၣ်တၫ်လီၤဘၣ်ယိၣ်တဖၣ်အဂ့ၫ် အူပညါတဲ၀ဲလီၤ.
ပှၤလဲၤထီၣ်က့ၤလီၤတဂၤတဲ၀ဲလၢ”ယတၫ်ထံၣ်ဒု ဆိကမိၣ်လၢဂ့ၤလီၤ.လၢတၫ်လီၫ်ကိးတီၤဒဲးအပူၤ တၫ်တလိၣ်ဘၣ် တၫ်စုက၀ဲၤတဖၣ်ဘၣ်အဂ့ၫ်”န့ၣ်လီၤ.
လၢသိလ့ၣ်တီၣ်ပနံာ်တဖၣ်အဖီခိၣ် တၫ်ကူသုးကူသုးကၤ,တၫ်သုတစိာ်တၫ်စုက၀ဲၤတဂ့ၤအဂီၫ် ဒီးဒ်တၫ်ပာ်ပနီၣ်န့ၫ်ကျဲ အသိးမ့ၫ်တလဲၤထီၣ်က့ၤလီၤ၀ဲဘၣ်န့ၣ် ကဟံးန့ၫ်ဂ့ၫ်၀ီတုၤလီၤတီၤလီၤအဂ့ၫ် တၫ်ဘိးဘၣ်ရၤလီၤအပူၤ ပာ်ဃုာ်၀ဲလီၤ.
ဖဲလါမးရှး(၇)သီအနံၤ မီခံဟီၣ်က၀ီၤတၫ်လီၫ်တတီၤအပူၤ သုးကီၣ်ကးဒုးတ့ၫ်လီၤမ့ၣ်ပိၫ်လၢကလံၤကျါအဃိ ကမျၢၫ်ဘၣ်သံ(၂)ဂၤ၀ံၤဘၣ်ဒိဘၣ်ထံး၀ဲ(၁၀)ဂၤဃၣ်ဃၣ်န့ၣ်လီၤ.
Ref: DVB
