လါအ့ဖြ့ၣ်(၂)သီ,၂၀၂၅နံၣ်
အ့ရှၢတၢ်ဂုၤထီၣ်ပသီထီၣ်စ့တၢး(ADB)ဘိးဘၣ်ပၥ်ဖျါဃၥ်၀ဲလၢ ကမၤစၢၤ အမဲရကၤစ့ဒီလၣ်(၃)ကကွဲၢ်လၢ ဂ့ၢ်ဂီၤအူဒီးပှၤဟီၣ်ခိၣ်ဖိတၢ်ဒိသူၣ်ဒိသးတၢ်မၤစၢၤတဖၣ်ဆူ ကီၢ်ပယီၤထံဖိကီၢ်ဖိကမျၢၢ်လၢ ဘၣ်ကွၢ်ဆၢၣ်မဲၥ်ဘၣ်ဒီးဟီၣ်ခိၣ်ဟူး၀းတၢ်ကီတၢ်ခဲတဖၣ်အဂီၢ်န့ၣ်လီၤ.
စ့ဆီၣ်ထွဲမၤစၢၤတဖၣ်န့ၣ် ကဟ့ၣ်လီၤ၀ဲဆူ ဟီၣ်ခိၣ်ဒီဘ့ၣ်တၢ်အီၣ်တၢ်အီတၢ်ရဲၣ်တၢ်ကျဲၤ(WFP)တဆီ၀ံၤ ဒ်သိးကပှ့ၤ ထံအီတဖၣ်, ကသံၣ်ကသီ, တၢ်အိၣ်ဆိးအလီၢ်ဒီးတၢ်ဖိတၢ်လံၤလၢအရ့ဒိၣ်တဖၣ်ကန့ၢ်အဂီၢ် ကဟ့ၣ်လီၤလၢစ့စိၥ်စုအသိးလီၤအဂ့ၢ် လံၥ်ပၥ်ဖျါအပူၤ ပၥ်ဖျါဃၥ်၀ဲန့ၣ်လီၤ.
တၢ်ဘၣ်ယိၣ်အိၣ်လၢ ကမျၢၢ်ထံဖိကီၢ်ဖိလၢအဘၣ်ကွၢ်ဆၢၣ်မဲၥ်ဘၣ်ဟီၣ်ခိၣ်ဟူး၀ဲတၢ်ကီတၢ်ခဲအဂီၢ်၀ံၤ ကဆီၣ်ထွဲမၤစၢၤ၀ဲတဘျီဃီအဂီၢ် ကတဲၥ်ကတီၤ၀ဲအဂ့ၢ် ADBအအ့ရှၢမုၢ်ထီၣ်ကလံၤထံးလီၢ်က၀ီၤ ပှၤနဲၣ်တၢ်ခိၣ်ကျၢၢ် Winfried Wicklein တဲ၀ဲန့ၣ်လီၤ.
ကဆီၣ်ထွဲမၤစၢၤတၢ်ကန့ၢ်ကဒီးလၢ အ့ရှၢတၢ်ဂုၤထီၣ်ပသီထီၣ်စ့ပၥ်ကီၤ တၢ်ဆီၣ်ထွဲမၤစၢၤအသနၢၣ်အဖီလၥ်အဂီၢ် ဆိကမိၣ်၀ဲအဂ့ၢ် Winfried Wicklein စံး၀ဲန့ၣ်လီၤ.
လါမးရှး(၂၈)သီအနံၤ မုၢ်ထူၣ်အဆၢကတီၢ် ခီဖျိဟီၣ်ခိၣ်ဟူး၀းအဃိ တၢ်သံတၢ်ပှၢ်ဒီးတၢ်ဘၣ်ဒိဘၣ်ထံးတဖၣ်အိၣ်ထီၣ်၀ဲဒၣ်အဖီခိၣ် တၢ်မၤစရီလၢတၢ်ထၢဖှိၣ်ဃၥ်အီၤလၢ တုၤလါအ့ဖြ့ၣ်(၁)သီ ဟါ(၈)နၣ်ရံၣ်အဆၢကတီၢ် ပှၤခဲလၢၥ်ပၥ်ဖှိၣ်(၂၇၁၉)ဘၣ်သံ၀ဲ၀ံၤ (၄၅၂၁)ဂၤ ဘၣ်ဒိ၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
Ref: Myanmar Now
