လါအ့ဖြ့ၣ်(၂)သီ,၂၀၂၅နံၣ်
ဖဲတယံာ်ဒံးဘၣ်ဟီၣ်ခိၣ်ဟူး၀ံၤအလီၫ်ခံ ပှၤလၢတူၫ်ဘၣ်တၫ်မူၤအီၤတဖၣ်အဂီၫ် ဘၣ်ထွဲဆူၣ်ချ့တၫ်နဲၣ်ကျဲတဖၣ် ကၠီၣ်တဲၣ်ကမျၢၫ်ဆူၣ်ချ့၀ဲၤကျိၤ ထုးထီၣ်ဘိးဘၣ်ရၤလီၤ၀ဲအဂ့ၫ် ပဒိၣ်ပှၤတဲတၫ်ပၢ(ခံဂၤတဂၤ)အနူးကူပရၣ်ယိးဆနူးဆၣ် တဲလီၤ၀ဲလီၤ.
ဟီၣ်ခိၣ်ဟူး၀ံၤအလီၫ်ခံ ပှၤအါတက့ၫ်လၢတူၫ်ဘၣ်ခိၣ်မူၤတဖၣ်၀ံၤ တၫ်အံၤန့ၣ် ဘၣ်ဒိ၀ဲနီၫ်ခိပူၤတၫ်တြီဆၢတဖၣ်အဂ့ၫ် အ၀ဲတဲ၀ဲလီၤ.
တၫ်ပနီၣ်တဖၣ်န့ၣ် အါတက့ၫ် မ့ၫ်တၫ်တစိၤတလီၫ်ဘၣ်ဆၣ် ပှၤလၢတၫ်ဘၣ်ယိၣ်ဘၣ်ဘှီအိၣ်တဖၣ်(မ့တမ့ၫ်) ပှၤလၢ အခိၣ်သၣ်ဃံဆါတကပၤတဖၣ်အဂီၫ် လၢအသီတဖၣ်အပူၤ တူၫ်ဘၣ်ကဒီး၀ဲသ့၀ံၤ တၫ်ပိာ်ထွဲလၢတမုာ်တလၤတဖၣ် အိၣ်ထီၣ်၀ဲသ့အဂ့ၫ် အ၀ဲတဲ၀ဲလီၤ.ကမျၢၫ်လၢတူၫ်ဘၣ် တၫ်ပနီၣ်တဖၣ်ဒီးသးတၫ်ဆီၣ်သနံးတဖၣ်န့ၣ် ကကဲထီၣ်တၫ် မၤစၢၤလၢတၫ်ယါဘျါအဂီၫ် ကမျၢၫ်ဆူၣ်ချ့၀ဲၤကျိၤ ထုးထီၣ်ဘိးဘၣ်ရၤလီၤတၫ်ဟ့ၣ်ကူၣ်တဖၣ်န့ၣ်လီၤ.
လၢတၫ်နဲၣ်ကျဲအပူၤ ကဂဲၤလိအသးလၢတၫ်သါထီၣ်သါလီၤယိာ်ယိာ်အဂီၫ်, တၫ်ကဟးဆှဲးတၫ်အီသံးအီဂာ်အဂီၫ်, ထံ မ့တမ့ၫ် တၫ်ကအီဘၣ်ကၠ့လၣ်ဖးထံတဖၣ်,တၫ်ကသူလီၤစှၤလီတဲစိ၀ံၤ ဟ့ၣ်တၫ်အိၣ်ဘှံးလၢမဲာ်ချံအဂီၫ်, တၫ်ကမၤလီၤ စှၤသးတၫ်ဆီၣ်သနံးအဂီၫ် ပှၤလၢဘၣ်ဒိဘၣ်ထံးအတၫ်ကစီၣ်တဖၣ် တၫ်ကကွၫ်စှၤလီၤအဂီၫ်,တၫ်ကဟံးန့ၫ်ဘၣ်တၫ် အိၣ်ဘှံးအိၣ်သါဒီးတၫ်ကဆိးကါဘၣ် ကသံၣ်လၢမၤကိညၣ်ထီၣ်တၫ်ခိၣ်မူၤနၫ်မူၤတဖၣ်ပာ်ဃုာ်၀ဲလီၤ.
ဘၣ်ထွဲဒီးကမျၢၫ်တၫ်အိၣ်ဆူၣ်အိၣ်ချ့န့ၣ် ပဒိၣ်ဘၣ်ယိၣ်ဘၣ်ဘှီတၫ်ဖးဒိၣ်အဂ့ၫ် မံးစထၢၣ်အနုးကူတဲ၀ဲလီၤ.ဟီၣ်ခိၣ်ဟူးတၫ်ဘၣ်ဒိဘၣ်ထံးအဃိ ပှၤလၢဘၣ်ဒိဘၣ်ထံးတၫ်လုၫ်အီၣ်နီၫ်ခိသးသမူတၫ်ဖံးတၫ်မၤတဖၣ် ကဟံးန့ၫ် ဘၣ်ထွဲကသံၣ်ကသီဂ့ၫ်၀ီတၫ်ဟ့ၣ်ကူၣ်တဖၣ်(မ့တမ့ၫ်)ကနုာ်လီၤကွၫ်ဒီးဟံးန့ၫ်တၫ်ဟ့ၣ်ကူၣ်လၢ here2healproject. comအဂီၫ် ဆီၣ်တခူထီၣ်ဃာ်၀ဲလီၤ.
ပှၤလၢတူၫ်ဘၣ်တၫ်ပနီၣ်လၢအါန့ၫ်တနွံဘျဲၣ်တဖၣ်အဂီၫ်စ့ၫ်ကီး ကဘၣ်ဟံးန့ၫ်ကသံၣ်ကသီတၫ်မၤစၢၤတဖၣ်အဂ့ၫ်, တၫ်မၤစၢၤအဂီၫ် ဂ့ၫ်ဂီၫ်အူလီတဲစိ ၁၆၆၉ မ့တမ့ၫ် သးဂ့ၫ်၀ီဆူၣ်ချ့ လီတဲစိ ၁၃၂၃ တၫ်ဆဲးကျိး၀ဲသ့အဂ့ၫ် မံးစထၢၣ် အနုးကူတဲ၀ဲန့ၣ်လီၤ.
Ref: Mizzima
