လါအ့ဖြ့ၣ်(၂)သီ,၂၀၂၅နံၣ်
ဘၣ်ထွဲဒီးတၫ်ကဲထီၣ်သး တၫ်အိၣ်သးလၢကီၫ်ပယီၤပူၤန့ၣ် တၫ်ကဟ့ၣ်ပှၤတ၀ၢတၫ်မၤစၢၤလၢ ပှၤတူၫ်ဘၣ်ဟီၣ်ခိၣ်ဟူး တၫ်ဘၣ်ဒိဘၣ်ထံးတဖၣ်အဂီၫ် လၢတၫ်တြီတအိၣ်ဘၣ်အပူၤ တၫ်ကဟ့ၣ်ဘၣ်တၫ်ပျဲအဂီၫ် ဘၣ်ထွဲကီၫ်ပယီၤဘီမုၫ်စၢဖှိၣ်ကရၢ၀ဲၤဒၢး ထုးထီၣ်ဘိးဘၣ်ရၤလီၤဃ့ထီၣ်၀ဲ ဖဲလါမးရှး(၃၁)သီအနံၤန့ၣ်လီၤ.
ပှၤတ၀ၢတၫ်မၤစၢၤသိလ့ၣ်တဖၣ်,ကသံၣ်ကသီပှၤမၤတၫ်ဖိတဖၣ်အတၫ်လဲၤထီၣ်က့ၤလီၤ တၫ်သုတတြီ၀ဲတဂ့ၤအဂီၫ် ဘီမုၫ်စၢဖှိၣ်ကရၢ၀ဲၤကျိၤတၫ်တၢၣ်ပီၣ်တဲသကိးပှၤဘၣ်မူဘၣ်ဒါဒီးဟီၣ်ခိၣ်ဖိတၫ်မၤစၢၤတၫ်တၢၣ်ပီၣ်တဲသကိး(ပတြီာ်)မံးစထၢၣ် မၣ်ကိၣ်လူၣ်ကၠံၣ်ကီၣ်စံၣ် ဃ့ထီၣ်၀ဲန့ၣ်လီၤ.
လၢကတီၫ်အံၤ တၫ်မၤစၢၤအဂီၫ် တၫ်ကီတၫ်ခဲအိၣ်၀ဲဘၣ်ဆၣ် ဂဲၤလိာ်၀ဲလၢ ကလဲၤတုၤဆူပှၤလၢလိၣ်ဘၣ်တၫ်မၤစၢၤ အိၣ်တဖၣ်အဂ့ၫ်တဲ၀ဲလီၤ.ဟီၣ်ခိၣ်ဟူးတၫ်ဘၣ်ဒိဘၣ်ထံးန့ၣ် မၤအၢထီၣ်သီထီၣ်ကဒီးကီၫ်ပယီၤတၫ်အိၣ်သးလၢအၢသီ ဃာ်အံၤအဂ့ၫ် မံးစထၢၣ် မၣ်ကိၣ်လူၣ်ကၠံၣ်ကီၣ်စံၣ် တဲ၀ဲလီၤ.
“တၫ်ပိာ်ထွဲထီၣ်အခံလၢလီၤသးအုးအံၤ မၤနးထီၣ် အပူၤကွံာ်တၫ်ဃံးတၫ်စ့ၤတၫ်အိၣ်သးတဖၣ်၀ံၤ တၫ်သဘံၣ်သဘုၣ် တဖၣ်,တၫ်ဘၣ်သုးလီၫ်သုးကျဲတဖၣ်ဒီးအပူၤကွံာ်န့ဆၢၣ်တၫ်တၢၣ်တနါတဖၣ်အဃိ မၤလီၤစှၤကွံာ် ပှၤတ၀ၢအတၫ်တူၫ် ခီၣ်ပာ်သးတဖၣ်အဂ့ၫ်” မံးစထၢၣ် မၣ်ကိၣ်လူၣ်ကၠံၣ်ကီၣ်စံၣ် တဲ၀ဲလီၤ.
ဘီမုၫ်စၢဖှိၣ်ကရၢဒီးသိၣ်မှံၤတၫ်ကရၢကရိတဖၣ်န့ၣ် လၢတၫ်မၤပူၤဖျဲးထီၣ်သးသမူအဂီၫ် ပာ်ဖှိၣ်ဟ့ၣ်မၤစၢၤဃာ်၀ဲ စ့ဒီလၣ်(၁၅)ကကွၫ်၀ံၤ ပာ်ဖှိၣ်ဃာ်၀ဲဂ့ၫ်ဂီၫ်အူတၫ်ဖိတၫ်လံၤတဖၣ်အဂ့ၫ်ဒီးပှၤကီၫ်ပယီၤဖိတဖၣ် လိၣ်ဘၣ်ထံဂုၤကီၫ်ဂၤ အတၫ်ဆီၣ်ထွဲမၤစၢၤလၢတဘျီဃီတဖၣ်အဂ့ၫ် မံးစထၢၣ် မၣ်ကိၣ်လူၣ်ကၠံၣ်ကီၣ်စံၣ် တဲ၀ဲန့ၣ်လီၤ.
Ref: New Day Myanmar
