လါအ့ဖြ့ၣ်(၂)သီ,၂၀၂၅နံၣ်
ကရ့ၣ်နံၣ်သုးပၥ်ဖှိၣ်တဖၣ် ထီၣ်ဒုးမၤန့ၢ်သုးကီၣ်ကးကၣ်က့သုးကလၢၤတဖျၢၣ်လၢအမ့ၢ် ၀ၣ်မလၣ်သုးကလၢၤလၢအရ့ဒိၣ်လၢ ဘီလခဲသုးတၢ်တိၥ်ကူၣ်ကျဲၤခိၣ်သ့ၣ်သုးကလၢၤအဂ့ၢ်န့ၣ် တၢ်သ့ၣ်ညါဘၣ်လၢ သုးပၥ်ဖှိၣ်ပှၤဘၣ်မူဘၣ်ဒါတဂၤအအိၣ်န့ၣ်လီၤ.
ကရ့ၣ်နံၣ်တၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုး၀ဲ သုးကီၣ်ကးသုးကလၢၤအံၤ ဖဲလါမးရှး(၂၈)သီအနံၤဒီး သုးကီၣ်ကးတပၤခီၣ်ဆၢဒုးက့ၤတၢ်အဃိ တမၤန့ၢ်၀ဲတဘျီဃီဘၣ်ဆၣ် ဖဲလါမးရှး(၃၁)သီအနံၤ, ဂီၤအဆၢကတီၢ်န့ၣ် သုးကီၣ်ကးအပှၤသုးဖိတဖၣ် ဃ့ၢ်ပဒ့ၣ်ကွံၥ်သးအဃိ တၢ်မၤန့ၢ်ကွံၥ်သုးကလၢၤဃုၣ်ဒီးကျိချံပှၥ်သၣ်တဖၣ်န့ၣ်လီၤ.
“ဘီလခဲ ကၣ်က့သုးတၢ်တိၥ်ကူၣ်ကျဲၤသုးကလၢၤန့ၣ်လီၤ. တၢ်မၤန့ၢ်သုးကလၢၤအံၤအဃိ ကဒုးဘီလခဲအဂီၢ် အိၣ်ဒီးတၢ်ဂံၢ်ဆူၣ်လံအဂ့ၢ်” ကရ့ၣ်နံၣ်တၢ်ပၢၢ်ဆၢသုးပၥ်ဖှိၣ် ပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
ကရ့ၣ်နံၣ်တၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုး၀ဲသုးကီၣ်ကး၀ၣ်မလၣ်သုးကလၢၤအံၤလၢတဘျူးဘျီဘၣ်ဆၣ် သုးကီၣ်ကးတပၤ ခးစၢၤတၢ်လၢကျိဖးဒိၣ်, ဟဲခးစၢၤတၢ်လၢကလံၤကျါဒီး သုးဖိလီၢ်လံၤတဖၣ်အဃိ ထီၣ်ဒုးမၤန့ၢ်၀ဲတန့ၢ်တဘျီဃီဘၣ်န့ၣ်လီၤ.
“လၢအပူၤကွံၥ် တၢ်ဒုးန့ၣ် သုးပၥ်ဖှိၣ်တပၤ လီၤ၀ဲခံဂၤဘၣ်ဆၣ် ဒီးခဲအံၤန့ၣ်ဒုးမၤန့ၢ်၀ဲခဲလၢၥ်လံအဂ့ၢ်” သုးဖိတဂၤလၢ အနုၥ်လီၤဒုးတၢ်လၢတၢ်ဒုးအပူၤစံး၀ဲန့ၣ်လီၤ.
ဖဲအပူၤကွံၥ်နံၣ် တၢ်ထီၣ်ဒုး၀ၣ်မလၣ်သုးကလၢၤတၢ်ဒုးအပူၤန့ၣ် ကရ့ၣ်နံၣ်ကမျၢၢ်တၢ်ထူၣ်ဖျဲးသုးမုၢ်ဒိၣ် KPLA9420 သုးရ့ၣ်ခိၣ် လီၤ၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
Ref: DVB
