လါအ့ဖြ့ၣ်(၁)သီ,၂၀၂၄နံၣ်
စှၤသီအတီၢ်ပူၤန့ၣ် ကလံၤမုၢ်ကနုၥ်လီၤအူတၢ်ဒီးမူခိၣ်ကစူၤတၢ်လၢ ကီၢ်ကၠီၣ်တဲၣ်, ကီၢ်ရ့ၣ်(၄၇)ဘ့ၣ်အပူၤအဂ့ၢ် ကၠီၣ်တဲၣ်မူခိၣ်ကလံၤသီၣ်ဂီၤ ပၥ်ဖျါဃၥ်၀ဲဖဲ လါမးရှး(၃၁)သီအနံၤ, ဂီၤအဆၢကတီၢ်န့ၣ်လီၤ.
တရူးဒီးကလံၤထံးတရူးပီၣ်လဲၢ်အပူၤကလံၤအသးဟီၣ်ကစှၤလီၤ၀ဲ၀ံၤကလဲၤသုးအသးဆူကလံၤထံးတပၤဒီးကၠီၣ်တဲၣ်ပီၣ်လဲၣ်န့ၣ်လီၤ.
ကၠီၣ်တဲၣ်ထးခီဟီၣ်က၀ီၤအပူၤတၢ်ကိၢ်မ့ၢ်ဆူၣ်ထီၣ်အဆၢကတီၢ်တၢ်ကိၢ်ကလံၤမုၢ်ကကဲထီၣ်ဒီးတၢ်အိၣ်သးဒ်အံၤကဲထီၣ်လၢလါမးရှး(၃၁)သီတုၤအ့ဖြ့ၣ်(၃)သီအတီၢ်ပူၤ မူခိၣ်ကစူၤဒိၣ်၀ဲ, ကလံၤကအူတၢ်ဆူၣ်, လီကဖျးတၢ်, မူခိၣ်ထံတဖၣ်ကလီၤတဲၥ်၀ဲတဖၣ်ကဲထီၣ်သ့၀ဲအဃိထံဖိကီၢ်ဖိကမျၢၢ်တဖၣ်သုတလဲၤအိၣ်လၢတၢ်လီၢ်ပျီ,သ့ၣ်ထူၣ်ဖးဒိၣ်, တၢ်သူၣ်ထီၣ်လၢတကျၢၤတဖၣ်အဖီၣ်လၥ်တဂ့ၤအဂီၢ်ဒီး ပှၤထူစံၣ်ဖိတဖၣ်စ့ၢ်ကီး အတၢ်မုၢ်တၢ်ဘိတဖၣ် သုတဟးဂီၤအဂီၢ် ကၠီၣ်တဲၣ်မူခိၣ်ကလံၤသီၣ်ဂီၤ ဒုးသ့ၣ်ညါဃၥ်၀ဲန့ၣ်လီၤ.
လါမးရှး(၃၁)သီအနံၤန့ၣ် ကီၢ်ရ့ၣ်တဖၣ်လၢ ကဘၣ်အိၣ်ပလီၢ်တဖၣ်မ့ၢ်၀ဲ ကၠီၣ်တဲၣ်ကလံၤစိးဟီၣ်က၀ီၤလၢအမ့ၢ်-မဲၣ်ဟီၣ်စီၣ်, ကံၢ်မဲ, လါပိ, လါပါ, တးဒီး ကၣ်ဖဲၣ်ဖ့းကီၢ်ရ့ၣ်, ကၠီၣ်တဲၣ်ချၢၣ်သးဟီၣ်က၀ီၤလၢအမ့ၢ် အူးထဲထၣ်နံၣ်, စးဖါပူၣ်ရံၣ်, အယိးဒယး, ကၣ်ကၠးနးပူၣ်ရံၣ်, ရးပူၣ်ရံၣ်, နခိပထိၣ်, စမိးစခိ, စမိးဆိၣ်ခလါ, ဘီကီၥ်ကီၢ်ရ့ၣ်ပၣ်ဃုၥ်, ကၠီၣ်တဲၣ်ကလံၤထံးဟီၣ်က၀ီၤတဖၣ်လၢအမ့ၢ် ဖးခၠးပူၣ်ရံၣ်, ပရးကၠိးခံၣ်ရံၣ်ခါ, ခၠိဖိဒီး စူၣ်ရဲးထၣ်နံၣ်ကီၢ်ရ့ၣ်တဖၣ်န့ၣ်လီၤ.
လါအ့ဖြ့ၣ်(၁)သီအနံၤတခီ ကီၢ်ရ့ၣ်တဖၣ်လၢဘၣ်အိၣ်ပလီၢ်သးတဖၣ်ဒ်အမ့ၢ် ကၠီၣ်တဲၣ်ကလံၤစိးဟီၣ်က၀ီၤ ကံၢ်မဲ, လါပိ, လါပါဒီးတးကီၢ်ရ့ၣ်, ကၠီၣ်တဲၣ်ချၢၣ်သး အူးထဲထၣ်နံၣ်, ကၣ်ကၠးနးပူၣ်ရံၣ်ဒီးရးပူၣ်ရံၣ်ကီၢ်ရ့ၣ်ဒီး ကၠီၣ်တဲၣ်ကလံၤထံးဟီၣ်က၀ီၤ ဖးခၠးပူၣ်ရံၣ်ကီၢ်ရ့ၣ်တဖၣ်န့ၣ်လီၤ.
ထံဖိကီၢ်ဖိကမျၢၢ်တဖၣ်တခီ တၢ်ကဒိကနၣ်ဘၣ် မူခိၣ်ကလံၤသီၣ်ဂီၤတၢ်ဟ့ၣ်ပလီၢ် တုၤလၢလါမးရှး(၃၁)သီ, ဂီၤ(၆)နၣ်ရံၣ်ဒီးတုၤလါအ့ဖြ့ၣ်(၁)သီ, ဂီၤ(၆)နၣ်ရံၣ်၀ံၤ ကၠီၣ်တဲၣ်ကလံၤစိးဟီၣ်က၀ီၤ(၃၀)မျးကယၤအပူၤ ကလံၤကအူတၢ်ဒီးမူခိၣ်ကစူၤဒိၣ်၀ဲအဂ့ၢ် န့ၣ်လီၤ.
၀့ၢ်ဘီကီၥ်ဒီးဟီၣ်က၀ီၤလၢအဘူးလိၥ်သးအပူၤ (၄၀)မျးကယၤန့ၣ် ကလံၤကအူတၢ်ဒီးမူခိၣ်ကစူၤတၢ်၀ံၤ လီၤဆီဒၣ်တၢ် ဖးပူၣ်ရံၣ်, ပကၠိးခံၣ်ရံၣ်ခါ, ခၠိဖိ, စူၣ်ရၣ်ထၣ်နံၣ်, ကရပံၣ်, စဒိကီၢ်ရ့ၣ်တဖၣ်အပူၤ တၢ်ကိၢ်ကဆူၣ်ထီၣ်တုၤ (၂၅တုၤ၃၄)ဒံၣ်ကရံၣ်စ့ၣ်တံၣ်ကရ့းဒီး ကလံၤကအူတၢ်အသဟီၣ်တခီ တနၣ်ရံၣ်န့ၣ် ကအူတၢ်တုၤ(၁၀တုၤ၂၀)ကံၣ်လိၣ်မံထၢၣ်အဂ့ၢ် ကၠီၣ်တဲၣ်မူခိၣ်ကလံၤသီၣ်ဂီၤ ဘိးဘၣ်ပၥ်ဖျါဃၥ်၀ဲန့ၣ်လီၤ.
Source: Khaosod / TNN Earth
