လါအ့ဖြ့ၣ်(၁)သီ,၂၀၂၅နံၣ်
လါမးရှး(၃၁)သီအနံၤ, ဂီၤ(၈)နၣ်ရံၣ်အဆၢကတီၢ်န့ၣ် သုးကီၣ်ကးအသုးကဘီယူၤ လဲၤတ့ၢ်လီၤမ့ၣ်ပိၢ် ဆူမကွ့ကီၢ်ခီ, စလ့ကီၢ်ဆၣ်, တၢ်ဟ့ၣ်လီမ့ၣ်အူအလီၢ်အဂ့ၢ် လီၢ်က၀ီၤဖိတဖၣ်စံး၀ဲန့ၣ်လီၤ.
“ပနၢ်ဟူဘၣ်လၢ တညီၣ်တၢ်ဟ့ၣ်လီမ့ၣ်အူအလီၢ်လီၤ. မၠိးလးသ၀ီလၢအဟ့ၣ်လီမ့ၣ်အူဆူ ကပစန့ၣ်လီၤ. ကမျၢၢ်တၢ်ဒီသဒၢသုးတဖၣ် ပၢၤဃၥ်၀ဲကျဲအံၤ၀ံၤ ဒီၣ်တဲၥ်ဃၥ်မ့ၣ်အူတဖၣ်အဃိ ဟဲတ့ၢ်လီၤအဂ့ၢ်” လီၢ်က၀ီၤဖိတဂၤ စံး၀ဲန့ၣ်လီၤ.
ဖဲလါမးရှး(၃၁)သီအနံၤ, ဂီၤ(၅)နၣ်ရံၣ်ဘျဲၣ်အဆၢကတီၢ်လံၤလံၤန့ၣ် တၢ်ဘၣ်သဂၢၢ်ခးလိၥ်သးတဖၣ် အိၣ်ထီၣ်၀ဲလၢ တညီၣ်ဟီၣ်က၀ီၤပူၤ၀ံၤ သုးကီၣ်ကးတပၤ ခးစၢၤတၢ်လၢကျိဖးဒိၣ်အိၣ်၀ဲ၀ံၤ ဂီၤ(၈)နၣ်ရံၣ်အဆၢကတီၢ်န့ၣ် ဟဲတ့ၢ်လီၤမ့ၣ်ပိၢ်လၢ ကဘီယူၤန့ၣ်လီၤ.
သုးကီၣ်ကးအသုး ဟဲတ့ၢ်လီၤမ့ၣ်ပိၢ်ဆူ တညီၣ်ဟီၣ်က၀ီၤအဂ့ၢ် လီၢ်က၀ီၤဖိတဖၣ် တဲပၥ်ဂၢၢ်ပၥ်ကျၢၤဃၥ်၀ဲဘၣ်ဆၣ် ခီဖျိလၢတၢ်တၢ်ဆဲးကျိးတၢ်ကီတၢ်ခဲအဃိ တၢ်ဂ့ၢ်တၢ်ကျိၤခဲလၢၥ်တခီ တၢ်တသ့ၣ်ညါဘၣ်ဒံးဘၣ်အဂ့ၢ် စံး၀ဲန့ၣ်လီၤ.
လါမးရှးလံၤလံၤန့ၣ် သုးကီၣ်ကးအသုး ဟဲထီၣ်သဖှိသုးကျိၤဆူ မကွ့ကီၢ်ခီ, စလ့ကီၢ်ဆၣ်, ဆ့ၣ်ဖၠူၣ်ကၠိဟီၣ်က၀ီၤအဃိ PDF ကးတံၥ်ဃၥ်၀ဲ စလ့-တညီၣ်ကျဲမုၢ်လၢ သုးတလ့ၤဟးထီၣ်အဂီၢ်န့ၣ်လီၤ.
Ref: DVB
