လါမးရှး(၃၁)သီ,၂၀၂၅နံၣ်
ကီၫ်ပယီၤပူၤ ပှၤလၢဘၣ်ဒိဘၣ်ထံးလၢဟီၣ်ခိၣ်ဟူးအဃိတဖၣ် တၫ်ကမၤစၢၤအဂီၫ် ထဲၣ်၀ၣ်တၫ်မၤပူၤဖျဲးကရၢ လၢအိၣ် ကတီၤအသးအံၤ သုးကီၣ်ကးတပျဲနုာ်၀ဲလၢကီၫ်ပူၤဘၣ်အဃိ တၫ်အိၣ်သးအိၣ်ထီၣ်လၢမၤတၫ်မၤပူၤဖျဲး တၫ်ဖံးတၫ်မၤ တဖၣ် မၤ၀ဲတန့ၫ်လၢၤဘၣ်အဂ့ၫ် ထဲၣ်၀ၣ်ဂ့ၫ်ခီၣ်ထံးတၫ်ကစီၣ် တဲပာ်ဂၢၫ်ပာ်ကျၢၤ၀ဲ New Day Myanmarန့ၣ်လီၤ.
လါမးရှး(၂၈)သီနံၤ ကီၫ်ပယီၤပူၤ စးထီၣ်လၢဟီၣ်ခိၣ်ဟူးကဲထီၣ်အကတီၫ် ထဲၣ်၀ၣ်တၫ်မၤပူၤဖျဲးကရၢန့ၣ် အိၣ်ကတီၤ ဃာ်အသးန့ၣ်လီၤ.ဘၣ်ဆၣ်သုးကီၣ်ကးလၢဘၣ်ပျံၤတရူးအံၤ တပျဲနုာ်အ၀ဲသ့ၣ်လၢကီၫ်ပူၤဘၣ်.
ကီၫ်ပယီၤဒီးကီၫ်ကၠီၣ်တဲၣ်ထံကီၫ်ခံဘ့ၣ်လၢာ်အံၤ ထဲၣ်၀ၣ်တၫ်မၤပူၤဖျဲးကရၢကဟဲနုာ်လီၤန့ၣ် တတူၫ်လိာ်၀ဲဘၣ်အဂ့ၫ် ပှၤလၢဘူးဒီးထဲၣ်၀ၣ်တၫ်မၤပူၤဖျဲးကရၢတဖၣ်တဲ၀ဲလီၤ.
ထဲၣ်၀ၣ်ပဒိၣ်တကပၤ ကပျၫ်လီၤပှၤမၤပူၤဖျဲးတၫ်ဖိအဂီၫ် တဲဘၣ်ကၠီၣ်တဲၣ်ဒီးပယီၤပဒိၣ်တဖၣ်ဘၣ်ဆၣ် ကၠီၣ်တဲၣ်ဒီးပယီၤပဒိၣ်ခံဖုလၢာ် တပျဲနုာ်၀ဲလၢကီၫ်ပူၤဘၣ်.
ထဲၣ်၀ဲၣ်တၫ်မၤပူၤဖျဲးကရၢတခီ တုၤလၢကတီၫ်အံၤ ကဒိးန့ၫ်ခွဲးလၢကမၤပူၤဖျဲးထီၣ်ဘၣ်တၫ်အဂီၫ် ဘၣ်အိၣ်ခိး၀ဲအဖၢမုၫ်နၣ်လီၤ.
သုးကီၣ်ကးလၢဘၣ်ယိၣ်တရူးအံၤ အထံရူၫ်ကီၫ်သဲးတၫ်ဘၣ်ဘျူးတဖၣ်အဃိ ဘၣ်ထွဲဒီးထဲၣ်၀ၣ်ပတီၫ်ထီ တၫ်မၤပူၤဖျဲးကရၢန့ၣ် တပျဲနုာ်၀ဲလၢကီၫ်ပူၤဘၣ်.
ထဲၣ်၀ၣ် ဟီၣ်ခိၣ်ဟူး တၫ်မၤပူၤဖျဲးကရၢန့ၣ် ဒ်သိးယပၣ်တၫ်မၤပူၤဖျဲးကရၢအသိး လၢဟီၣ်ခိၣ်ဟူးတၫ်မၤပူၤဖျဲးထီၣ်အပူၤ မ့ၫ်ကရၢလၢအိၣ်ဒီးအတီၤပတီၫ်တဖုန့ၣ်လီၤ.
Ref: New Day Myanmar
