သိလ့ၣ်လၢတၫ်ကတီၣ်ဆှၢဆူ အမဲရကၤတဖၣ် တၫ်ကထၢအခိ ၂၅ မျးကယၤအဂီၫ် ဒီနၢၣ်ထရၢးဘိးဘၣ်ရၤလီၤ၀ဲ

လါမးရှး(၂၈)သီ,၂၀၂၅နံၣ်

သိလ့ၣ်ဒီးသိလ့ၣ်တၫ်ဖိတၫ်လံၤလၢ တၫ်တီၣ်သွီနုာ်တဆူ အမဲရကၤတဖၣ် တၫ်ကထၢအခိ ၂၅မျးကယၤအဂ့ၫ် ကီၫ်ခိၣ် ဒီနၢၣ်ထရၢးဘိးဘၣ်ရၤလီၤ၀ဲ၀ံၤအလီၫ်ခံ တၫ်ကူၫ်လဲၫ်မၤကၤပနံာ်တၫ်ဒုး ဆူၣ်ထီၣ်၀ဲန့ၣ်လီၤ.

တၫ်ကထၢသိလ့ၣ်ခိသွဲအဂီၫ်န့ၣ် ကစးထီၣ်၀ဲဖဲလါအ့ဖြ့ၣ်(၂)သီနံၤ၀ံၤ သိလ့ၣ်တၫ်ပီတၫ်လီတဖၣ်တခီ လၢလါမ့ၤ (မ့တမ့ၫ်)အလီၫ်ခံမးဒီး ကစးထီၣ်ထၢ၀ဲအဂ့ၫ် တရၢးတဲ၀ဲလီၤ.

တၫ်မၤဒ်သိးအံၤန့ၣ် လၢကီၫ်အမဲရကၤအပူၤ မ့ၫ်တၫ်ဆီၣ်တခူထီၣ် တၫ်ဖံးတၫ်မၤဒီးတၫ်ဘျၢလီၤတဖၣ်၀ံၤ သိလ့ၣ်တၫ်ဖံး တၫ်မၤကဂုၤထီၣ်ပသီထီၣ်၀ဲဒိၣ်ဒိၣ်မုာ်မုာ်အဂ့ၫ် တဲ၀ဲလီၤ.ဘၣ်ဆၣ် အမဲရကၤဒီးသိၣ်မှံၤထံကီၫ်တဖၣ်အဘၢၣ်စၢၤ တၫ် ကူၣ်လဲၫ်မၤကၤပန့ာ်တၫ်ဒုး ဆူၣ်ထီၣ်သ့အဂ့ၫ် ပှၤပဲာ်ထံနီၤဖးတၫ်တဖၣ်တဲ၀ဲလီၤ.

အမဲရကၤန့ၣ် အပူၤကွံာ်နံၣ် တီၣ်ဆှၢနုာ်၀ဲ သိလ့ၣ်အခိၣ်(၈)ကကွဲၫ်၀ံၤ အိၣ်၀ဲတၫ်ကူၣ်လဲၫ်မၤကၤအလုၫ်အပှ့ၤ ဒီၣ်လၣ် (၂၄၀)ဘံၣ်လံၣ်ယၣ်ဒီးအလုၫ်အပှ့ၤတ၀ာ်လၢဒိးန့ၫ်၀ဲန့ၣ် မ့ၫ်ကီၫ်ချၢတၫ်တီၣ်သွီနုာ်လၢကီၫ်ချၢန့ၣ်လီၤ. မဲးကစံးကိၣ်ထံ ကီၫ်န့ၣ် မ့ၫ်ထံကီၫ်အရ့ဒိၣ်တဘ့ၣ်လၢတီၣ်သွီနုာ်သိလ့ၣ်ဆူအမဲရကၤလီၤ.

လၢအ၀ဲအလီၫ်ခံ,ကလံၤထံးခိၣ်ရံယါ,ယပၣ်,ခဲနဒၣ်,ကၠၢမနံၣ်တဖၣ် တီၣ်သွီနုာ်သိလ့ၣ်အါကတၢၫ်န့ၣ်လီၤ.အမဲရကၤ သိလ့ၣ်ခီပနံာ်အါတက့ၫ်န့ၣ် ဖံးတၫ်မၤတၫ်လၢမဲကစံးကိၣ်ဒီးခဲနဒၣ်ထံကီၫ်တဖၣ်၀ံၤ ထံကီၫ်(၃)ဘ့ၣ်အဘၢၣ်စၢၤ ဖံးတၫ် မၤတၫ်လၢ တၫ်ကူၣ်လဲၫ်မၤကၤသဘျ့အဖီလာ်န့ၣ်လီၤ.ထရၢးအတၫ်ထၢခိသွဲန့ၣ် ကီၫ်ခဲနဒၣ်ဒီးမဲးကစံးကိၣ်ထံကီၫ် တ ဖၣ် အတၫ်တီၣ်သွီနုာ်သိလ့ၣ်တၫ်ဖိတၫ်လံၤတဖၣ်တခီ တထၢ၀ဲတၫ်ခိတၫ်သွဲဘၣ်အဂ့ၫ် ဟံၣ်၀ါတဲ၀ဲလီၤ.

တၫ်ဘိးဘၣ်ရၤလီၤလၢတၫ်ထၢတၫ်ခိတၫ်သွဲအံၤ ကက့ၤဆူလီၫ်ခံတၫ်ခွဲးတၫ်ယာ်တအိၣ်ဘၣ်အဂ့ၫ် ထရၢးတဲ၀ဲလီၤ. တၫ်မ့ၫ်ဟဲထုးထီၣ်သိလ့ၣ်လၢအမဲရကၤန့ၣ် တၫ်တထၢတၫ်ခိတၫ်သွဲဘၣ်စ့ၫ်ကီး ဒီနၢၣ်ထရၢးထုးထီၣ်တဲဖျါ၀ဲလီၤ.

Ref: VOM