လါမးရှး(၂၈)သီ,၂၀၂၅နံၣ်
ရိၣ်ဟ့ၣ်ကၠၣ်တၫ်ဃံးတၫ်စ့ၤဒီးကီၫ်ပယီၤပူၤ ဘၣ်ထွဲဒီးကလုာ်ဒူၣ်ဆံးတဖၣ်တၫ်ဆီၣ်ဘံၣ်ဆီၣ်ဘၢအီၤတၫ်အိၣ်သးတဖၣ် ထံဂုၤကီၫ်ဂၤပတီၫ်ထီတၫ်အိၣ်ဖှိၣ်တတီၤ တၫ်ကမၤ၀ဲအဂီၫ် ဘီမုၫ်စၢဖှိၣ်ကရၢတၫ်အိၣ်ဖှိၣ် ဆၢတဲာ်လီၤ၀ဲအဂ့ၫ် ဖဲလါမး ရှး(၂၆)သီအနံၤန့ၣ် Dhaka Tribune တၫ်ကစီၣ် ပာ်ဖျါ၀ဲလီၤ.
မလ့ရှါဒီးဖ့ၣ်လၣ်ထံကီၫ်တဖၣ် ပာ်ဖှိၣ်ဃ့ထီၣ်၀ဲ၀ံၤ ဘၣ်တၫ်ပာ်ဂၢၫ်ပာ်ကျၢၤခီဖျိလၢ ပှၤဆီၣ်ထွဲတၫ်ဖး ၁၄၁ခါဒီးတၫ် ဘၢၣ်စၢၤတၫ်ဖး(၁၀)ခါအဖီခိၣ်န့ၣ်လီၤ.
စဲးပထ့ဘၢၣ်လါလၢကဟဲ လၢကီၫ်အမဲရကၤ,၀့ၫ်နယူယီး ဘီမုၫ်စၢဖှိၣ်ကရၢတၫ်အိၣ်ဖှိၣ်အပူၤ ဘၣ်ထွဲဒီးရိၣ်ဟ့ၣ်ကၠၣ် တၫ်ဃံးတၫ်စ့ၤ တၫ်ကမၤ၀ဲတၫ်အိၣ်ဖှိၣ်တတီၤအဂီၫ် ကီၫ်ဘ့ကလါဒံးရှ်အိၣ်ကတီၤသးအကတီၫ် တၫ်တူၫ်လိာ်တၫ်ဆၢ တဲာ်အံၤန့ၣ် လၢခါဆူညါတၫ်ဘှါဆှဲရိၣ်ဟ့ၣ်ကၠၣ်တၫ်ဂ့ၫ်ကီအပူၤ မ့ၫ်တၫ်ဂ့ၫ်လၢအရ့ဒိၣ်၀ဲတခါလီၤအဂ့ၫ် ပာ်ဖျါ၀ဲလီၤ.
ဘ့ကလါဒ့းရှ်ပှၤဟ့ၣ်ကူၣ်တၫ် မိၣ်ဟၣ်မဲးယူၣ်နိးန့ၣ် ဖဲတယံာ်ဒံးဘၣ်လဲၤဆူ Cox’s Bazar ရိၣ်ဟ့ၣ်ကၠၣ်ဘၣ်ကီဘၣ်ခဲ ဒဲက၀ီၤဒီးဘီမုၫ်စၢဖှိၣ်ကရၢ နဲၣ်ရွဲၣ်ခိၣ်ကျၢၫ် အၣ်တိၣ်နံၣ်ယိၣ်ကူၣ်တၫ်ရဲး အကတီၫ် (၇၉)၀ီတ၀ီတၫ်အိၣ်ဖှိၣ် လၢတၫ်က မၤ၀ဲအပူၤ ရိၣ်ဟ့ၣ်ကၠၣ်ပတီၫ်ထီတၫ်အိၣ်ဖှိၣ်တၫ်ကမၤ၀ဲအဂီၫ် မ့ၫ်ပှၤအဆိကတၢၫ်လၢဃ့ထီၣ်၀ဲန့ၣ်လီၤ.
ထံကီၫ်လၢမၤစၢၤတၫ်တဖၣ်ဒီးလီၫ်က၀ီၤပူၤ ထံကီၫ်လၢအဂံၫ်ဘါဆူၣ်တဖၣ်ပာ်ဃုာ် ပှၤလၢဘၣ်ထွဲခဲလၢာ် တၫ်ကပာ် ဖှိၣ်၀ဲ၀ံၤ မ့ၫ်တၫ်ဃုကျဲလၢ ရိၣ်ဟ့ၣ်ကၠၣ်ကက့ၤဘၣ်ဆူတၫ်အိၣ်ဆိးလီၫ်ကျဲလၢသုးသ့ၣ်လၤကပီၤအိၣ်အပူၤအဂီၫ်အဂ့ၫ် တဲ၀ဲလီၤ.
Ref:rfa
