လါမးရှး(၂၀)သီ,၂၀၂၅နံၣ်
တၫ်ကပတုာ်ကွံၣ်တၫ်ဒုး၀ဲယူၣ်ကရ့ဂံၫ်ဘါသဟီၣ် ဂ့ၫ်ခီၣ်ထံးတၫ်သူၣ်ထီၣ်တဖၣ်အဂ့ၫ် ပူၣ်တ့ၣ်ဒီးထရၢးတၢၣ်ပီၣ်တဲ သကိး၀ဲ၀ံၤ ယံာ်စှၤနၣ်ရံၣ်အတီၫ်ပူၤ ရၢးရှၢၣ်ဒီးယူၣ်ကရ့တဖၣ် ခးလိာ်သးကဒဲကဒဲလၢကလံၤကျါန့ၣ်လီၤ.
ရၢးရှၢၣ်ပညိၣ်ခးလီၤတၫ်အပူၤ တၫ်ဆါဟံၣ်တဖၣ်ပာ်ဃုာ်၀ဲအဂ့ၫ် ယူၣ်ကရ့ကီၫ်ခိၣ် စလါစကံၣ်တဲ၀ဲလီၤ.တၫ်တၢၣ်ပီၣ် တဲသကိးဒီးဒီၣ်နၢၣ်ထရၢးအပူၤ ယူၣ်ကရ့တၫ်ဒုးကကတၢၫ်ကွံာ်အဂီၫ် တၫ်ပတုာ်တၫ်ခးလၢ တၫ်ပာ်ဖျါထီၣ်တဖၣ် ပူၣ်တ့ၫ်ဂ့ၫ်လိာ်၀ဲန့ၣ်လီၤ.
သိၣ်မှံၤထံကီၫ်တဖၣ် မ့ၫ်ပတုာ်ကွံာ်တၫ်ဆီၣ်ထွဲမၤစၢၤ ယူၣ်ကရ့ သုးဂ့ၫ်၀ီတၫ်မၤစၢၤတဖၣ်မးဒီးကမၤ တၫ်ပတုာ်တၫ်ခးအဂ့ၫ် ပူၣ်တ့ၣ်တဲ၀ဲလီၤ.တၫ်ဂ့ၫ်အံၤ လၢအပူၤကွံာ်စ့ၫ်ကီးယူၣ်ကရ့အသိမှံၤ ယူၤရပၤထံကီၫ်တဖၣ်စ့ၫ်ကီးဂ့ၫ်လိာ်တ့ၫ်၀ဲလီၤ.
ကပတုာ်ကွံာ်တၫ်ဒုး၀ဲဂံၫ်ဘါသဟီၣ် ဂ့ၫ်ခီၣ်ထံးတၫ်သူၣ်ထီၣ်တဖၣ်အဂ့ၫ် အၢၣ်လီၤတူၫ်လိာ်၀ဲ၀ံၤ ယံာ်စှၤနၣ်ရံၣ်အပူၤ ရၢးရှၢၣ်န့ၣ် ပညိၣ်ခး၀ဲဒၣ် ဆူၣ်မံၣ်ဟီၣ်က၀ီၤ တၫ်ဆါဟံၣ်ပာ်ဃုာ် ကမျၢၫ်တၫ်သူၣ်ထီၣ်တဖၣ်လၢ ဒြိအခိၣ်(၄၀)ဘျဲၣ်အဂ့ၫ် ယူၣ်ကရ့ကီၫ်ခိၣ်တဲ၀ဲလီၤ.
ရၢးရှၢၣ်တၫ်ဒီသဒၢကိတိာ်၀ဲၤကျိၤစ့ၫ်ကီး တဲ၀ဲလၢ ခးလီၤတဲာ်န့ၫ်ကွံာ်၀ဲယူၣ်ကရ့အဒြိ(၅၇)ခိၣ်၀ံၤ (၃၅)ခိၣ်တခီ မ့ၫ်ဖဲ ကးစ်ကီၫ်ဆၢအဂ့ၫ် တဲ၀ဲလီၤ.ယူၣ်ကရ့အတၫ်ဒုးအဃိ လၢခရဲးနိၣ်ဒၣ်ဟီၣ်က၀ီၤ တၫ်ဖီရ့ၣ်နီၣ်သိစဲးဖီကဟၣ်တဖျၢၣ် မ့ၣ်အူအီၣ်ကွံာ်တဆံးတက့ၫ်အဂ့ၫ် တဲ၀ဲလီၤ.ရၢးရှၢၣ်မုၫ်နုာ် ကးစ်ဟီၣ်က၀ီၤတၫ်လီၫ်တဖၣ်န့ၣ် ရှရှၢၣ်က့ၤဒုးန့ၫ်ကဒါက့ၤ၀ဲလီၤ.
အမဲရကၤခၢၣ်စးတဖၣ် အပူၤကွံာ် ဖဲလါမးရှး(၁၈)သီအနံၤန့ၣ် ထံလိာ်အသးဒီးယူၣ်ကရ့ပှၤဘၣ်မူဘၣ်ဒါတဖၣ် ဖဲဆီၣ်ဒံၣ်အရ့ဘံယါ၀ံၤ အၢၣ်လီၤတူၫ်လိာ်သကိး၀ဲလၢ ကပတုာ်ကွံာ်ယူၣ်ကရ့တၫ်ဒုးလၢအသီ(၃၀)အတီၫ်ပူၤန့ၣ်လီၤ.
Ref:VOM
