လါမးရှး(၂၁)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,လ့မၠဲးနၣ်,ယ့ၣ်ကၠ့ၣ်ဒီးသၣ်ပီကီၫ်ဆၣ်တဖၣ်အပူၤ သုးကီၣ်ကးအသုးဒီးAAသုးပာ်ဖှိၣ်တဖၣ် အ ဘၢၣ်စၢၤ တၫ်ဒုးကဲထီၣ်၀ံၤ သုးကီၣ်ကးတကပၤ တ့ၫ်လီၤမ့ၣ်ပိၫ်လၢကလံၤကျါအိၣ်၀ဲအဂ့ၫ် လီၫ်က၀ီၤဖိလၢသ့ၣ်ညါ တၫ်ဒုးတၫ်အိၣ်သးတဖၣ် တဲ၀ဲဖဲလါမးရှး(၂၀)သီအနံၤန့ၣ်လီၤ.
ဖဲလါမးရှး(၁၈)သီနံၤ လၢလ့မၠဲးနၣ်ကီၫ်ဆၣ်,ခၠ့လဲၣ်သ၀ီတၫ်ဒုးန့ၣ် သုးကီၣ်ကးတ့ၫ်လီၤမ့ၣ်ပိၫ်တဖၣ်၀ံၤ တုၤလၢအသီ (၂၀)အနံၤ တၫ်ဒုးဆူၣ်ထီၣ်ကဒီး၀ဲလီၤ.
“မ့ၫ်လီၤ,လဲၤတ့ၫ်လီၤမ့ၣ်ပိၫ်လၢလ့မၠဲးနၣ်ကီၫ်ဆၣ်ပူၤလီၤ.မ့မ့ၫ်လၢ ယ့ၣ်ကၠံၣ်ကီၣ်ဆၣ်တခီ အိၣ်ဒၣ်လူၤဆှၣ်တရံးတၫ်လၢ ကဘီယူၤလီၤ.လၢအမတ-၃၄၄ဒီးခၠ့လဲၣ်ယဲာ်အကပၤ တၫ်ဒုးဆူၣ်၀ဲလီၤ.”
တၫ်ဒုးဆူၣ်ထီၣ်၀ံၤအလီၫ်ခံ,ပသံၣ်-မိၣ်ယွၣ်ကျဲဒီးကွး-ငသဲခၠီကျဲတဖၣ်အပူၤ သိလ့ၣ်တၫ်ဟးထီၣ်ဟးလီၤန့ၣ် ဖဲ(၁၈)သီ အနံၤန့ၣ် သုးကီၣ်ကးမၤဃံးထီၣ်၀ဲအဂ့ၫ် တဲ၀ဲလီၤ.
လၢသၣ်ပီကီၫ်ဆၣ်အပူၤစ့ၫ်ကီး တုၤဖဲလါမးရှး(၁၉)သီနံၤ တၫ်ဒုးကဲထီၣ်ဒီး သုးကီၣ်ကးအသုးလၢအိၣ်ဖဲကမိခၠ့ၣ်ကစၢၫ် ဒီးသၣ်ပီလ့သ၀ီတဖၣ် ဂုၤက့ၤအခံဖဲသဲဖၠူၣ်သ၀ီ လၢစီၤစုာ်ယံၤဒီး၀့ၫ်သၣ်ပီ ထဲ(၁၅)မဲၣ်ဃၣ်ဃၣ်ဒီးဆီလီၤဃာ်သုးအ ဂ့ၫ် လီၫ်က၀ီၤဖိတဂၤတဲ၀ဲလီၤ.
“တၫ်ဒုးကဲထီၣ်လၢသၣ်ပီကီၫ်ဆၣ်ပူၤန့ၣ် တမ့ၫ်လၢတၫ်ဘၣ်သဂၢၫ်ခးလိာ်သးဒီး တၫ်ဒုးကဲထီၣ်ဆူၣ်ဆူၣ်ဘၣ်.ဖဲမ ဟါနံၤန့ၣ် တၫ်နၣ်ဟူဘၣ်ကျိဖးဒိၣ်အကလုၫ်အဖၢမုၫ်လီၤ.အိၣ်ခးစိ၀ဲလၢသဲဖၠူၣ်တကပၤလီၤ.”
သၣ်ပီကီၫ်ဆၣ်တၫ်ဒုးအဃိ သဲဖၠူၣ်,သံးဖၠူၣ်,ကၠါခီ,သၣ်ပီလ့သ၀ီတဖၣ်ပာ်ဃုာ် သ၀ီအဖျၢၣ်(၁၀),လီၫ်က၀ီၤကမျၢၫ် (၃)ကထိဃၣ်ဃၣ် ဘၣ်ဃ့ၫ်ပူၤဖျဲးသးအဂ့ၫ် တဲ၀ဲလီၤတၫ်ဒုးအဃိ ခံကပၤတၫ်ဘၣ်ဒိဘၣ်ထံးတၫ်တသ့ၣ်ညါဒံးဘၣ်.
၂၀၂၄နံၣ်,စးထီၣ်ဖဲလါဒံၣ်စ့ဘၢၣ်အပူၤန့ၣ် အ့ၣ်ယၣ်၀တံၣ်ကီၫ်ခီ,ပသံၣ်,ယ့ၣ်ကၠံၣ်,ဒီးသၣ်ပီကီၫ်ဆၣ်တဖၣ်လၢ အိၣ်ဘျးစဲဘူးလိာ်သးဒီးရၢၫ်ခၢၣ်ရိမးအံၤအပူၤ သုးကီၣ်ကးအသုးကလၢၤတၫ်လီၫ်တဖၣ် တၫ်ဒုးကဲထီၣ်၀ံၤ လၢကတီၫ်အံၤ တၫ်ဒုးကဲထီၣ်တုၤလၢလ့မၠဲးနၣ်ကီၫ်ဆၣ်ပူၤအဂ့ၫ် လီၫ်က၀ီၤဖိတဖၣ်တဲ၀ဲလီၤ.
Ref: RFA
