လါမးရှး(၂၀)သီ,၂၀၂၅နံၣ်
လါမးရှး(၁၉)သီအနံၤ, ဂီၤ(၁၁)နၣ်ရံၣ်အဆၢကတီၢ် တၢ်ဒုးကဲထီၣ်သးလၢ သုးကီၣ်ကးတၢ်ဘံၣ်တၢ်ဘၢသုးဒီးလီၢ်က၀ီၤပှၤဖီၣ်စုကရၢတဖၣ်အဘၢၣ်စၢၤ ဖဲ၀့ၢ်တကူၣ်-မါတလ့သိလ့ၣ်ကျဲမုၢ်ဖးဒိၣ် နွါထိကၠံကီၢ်ဆၣ်တၢ်ပၢဟီၣ်က၀ီၤအပူၤအဂ့ၢ် တၢ်သ့ၣ်ညါဘၣ်လၢ ပၠ့ၣ်စံၣ်ကျဲမုၢ်ဖးဒိၣ်ပၢၤကီၢ်သုးတဖၣ်အိၣ်န့ၣ်လီၤ.
တၢ်ဒုးကဲထီၣ်သးအဆၢကတီၢ် တၢ်လ့ၤလိၤဟးထီၣ်လၢကျဲမုၢ်အဖီခိၣ်တဖၣ် တၢ်ဘၣ်ပတုၥ်ဃၥ်ဘၣ်ဆၣ် ကတီၢ်ခဲအံၤတခီ တၢ်က့ၤလ့ၤလိၤ၀ဲဒ် ညီနုၥ်အသိးအဂ့ၢ် စံး၀ဲန့ၣ်လီၤ.
“တၢ်ဒုးကဲထီၣ်န့ၣ် မ့ၢ်လီၤ. ခဲအံၤတခီ လ့ၤလိၤဟးထီၣ်ဒ်ညီနုၥ်အသိးလီၤ. တမ့ၢ်ဒိၣ်ဒိၣ်မုၢ်မုၢ်ဘၣ်. တၢ်ဟးဂုၤဟးဂီၤတအိၣ်နီတမံၤဘၣ်အဂ့ၢ်” ပၠ့ၣ်စံၣ်ပၢၤကီၢ်သုးဖိတဂၤစံး၀ဲန့ၣ်လီၤ.
ကျဲမုၢ်ဖးဒိၣ် မံၤလၤ(၃၁၉)န့ၣ် အိၣ်လၢနွါထိကၠံကီၢ်ဆၣ်တၢ်ပၢအပူၤ၀ံၤ နွါထိကၠံလီၢ်က၀ီၤ pdfကရၢတဖၣ် နုၥ်လီၤဒုး၀ဲ ပၠ့ၣ်စံၣ်ပၢၤကီၢ်သုးကလၢၤအကပၤအဃိ တၢ်ဘၣ်ပတုၥ်ကွံၥ်၀ဲ တၢ်လ့ၤလိၤဟးထီၣ်တဖၣ်အဂ့ၢ် လီၢ်က၀ီၤဖိတဂၤ စံး၀ဲန့ၣ်လီၤ.
“တၢ်ဒုးကဲထီၣ်လၢ ကျဲမုၢ်ဖးဒိၣ်အဖီခိၣ်အဃိ သိလ့တဖၣ် တၢ်ဘၣ်ပတုၥ်ဃၥ်အီၤလၢကျဲကပၤန့ၣ်လီၤ. တၢ်နၢ်ဟူဘၣ်၀ဲကျိအကလုၢ်တဖၣ်အဂ့ၢ်” ပှၤလ့ၤလိၤဟးထီၣ်ဖိတဂၤ စံး၀ဲန့ၣ်လီၤ. တၢ်ဒုးကဲထီၣ်၀ံၤအလီၢ်ခံ သုးကီၣ်ကးတပၤ မၤ၀ဲတၢ်ရှဲပျီဟီၣ်က၀ီၤရဲၣ်ကျဲၤတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်မ့ၢ်ပှ့ၤသိလ့ၣ်ဒိးလံၥ်ပျဲက့ၤတဖၣ်န့ၣ် ဖဲမံၤလၤ ၃၂၅ဒီး၃၅၂အဘၢၣ်စၢၤ တၢ်တပျဲသိလ့ၣ်ပတုၥ်တၢ်ဂ့ၢ်တဖၣ် ပၣ်ဃုၥ်၀ဲအဂ့ၢ်န့ၣ်လီၤ. တၢ်လီၢ်တဖၣ်အပူၤ လီၢ်က၀ီၤပှၤဖီၣ်စုက၀ဲၤကရၢ နုၥ်လီၤဒုး၀ဲလၢ ခဲအံၤခဲအံၤအဂ့ၢ်န့ၣ်လီၤ.
ဖဲလါမးရှး(၁၄)သီ, ဟါအဆၢကတီၢ်စ့ၢ်ကီး လီၢ်က၀ီၤပှၤဖီၣ်စုက၀ဲၤကရၢတဖၣ်နုၥ်လီၤဒုး၀ဲ ဆ့ၣ်စလိတၢ်သမံသမိးတြဲၤသုးကလၢၤလၢအိၣ်ဖဲ ၀့ၢ်တကူၣ်-မါတလ့ ကျဲမုၢ်ဖးဒိၣ် မံၤလၤ(၁၀၁)အကပၤအဂ့ၢ် တၢ်သ့ၣ်ညါဘၣ်န့ၣ်လီၤ.
Ref: VOM
