လါမးရှး(၁၇)သီ,၂၀၂၅နံၣ်
တၫ်ကမၤကတၢၫ်ကွံာ်တၫ်သဘံၣ်သဘုၣ်လၢကဲထီၣ်အသးလၢရၢၫ်ခၢၣ်ကီၫ်စဲၣ်ဒီးပှၤရိၣ်ဟ့ၣ်ကၠၣ်ဖိတဖၣ် က့ၤဆူတၫ်အိၣ်တၫ်ဆိးကသ့အဂီၫ် လိၣ်လၢတၫ်ကဟ့ၣ်အါထီၣ်ဘၣ် ရၢၫ်ခၢၣ်ကီၫ်စဲၣ် ပှၤတ၀ၢတၫ်မၤစၢၤအဂီၫ် ဘီမုၫ်စၢဖှိၣ်ကရၢ နဲၣ်ရွဲၣ်ခိၣ်ကျၢၫ် အၣ်တိၣ်နံၣ်ယိၣ်ကူၣ်တၫ်ရဲး ဖဲလဲၤတုၤဆူ ကီၫ်ဘ့ကလါဒ့းအကတီၫ် ထုးထီၣ်တဲဖျါ၀ဲလီၤ.
ရၢၫ်ခၢၣ်ကီၫ်စဲၣ်လၢတၫ်သဘံၣ်သဘုၣ်ကဲထီၣ်အံၤ ပှၤတ၀ၢတၫ်မၤစၢၤတဖၣ် တၫ်ကဟ့ၣ်၀ဲခီဖျိလၢဘ့ကလါဒ့းရှ်တဆီ အဂီၫ် ဘၣ်ထွဲဒီးကျဲတၫ်ဂ့ၫ်န့ၣ် တၢၣ်ပီၣ်တဲသကိး၀ဲ၀ံၤ ကဒုးအိၣ်ထီၣ်တၫ်အံၤအမိၫ်လံၤမိၫ်ပှၫ်အဂီၫ် ကလိၣ်တၫ်ဟ့ၣ် တၫ်ပျဲဒီးတၫ်ပာ်ဖှိၣ်မၤသကိးတၫ်အဂ့ၫ် ဘ့ကလါဒ့းရှ် ထံဂုၤကီၫ်ဂၤ ပှၤဟ့ၣ်ကူၣ်တၫ် တူၣ်ဟံးဟူၣ်စ့ၣ် တဲလီၤ၀ဲလၢ ဒၣ်ကၣ် ဖဲတၫ်မၤတၫ်ဃ့ၫ်လီၤဘှါလီၤတၫ်ကစီၣ်တၫ်ရဲၣ်တၫ်ကျဲၤအကတီၫ်န့ၣ်လီၤ.
တၫ်အံၤအဂီၫ် အဆိကတၢၫ်တၫ်ကဘၣ်ပတုာ်ကွံာ်တၫ်မၤအၢမၤသီမၤသံမၤ၀ီတဖၣ်၀ံၤ ခီဖျိလၢတၫ်ထံၣ်လိာ်တၢၣ်ပီၣ်တဲ သကိးတၫ်တဆီ လိၣ်လၢတၫ်ကဃုအစၢလၢဒံၣ်မိၣ်ကရ့ၣ်စံၣ်အကျဲအဂီၫ်ဒီးပှၤဘၣ်ကီဘၣ်ခဲဖိတဖၣ် ကက့ၤဘၣ်ဆူ တၫ်အိၣ်ဆိးလီၫ်ကျဲလၢဘၣ်ဘျီးဘၣ်ဒါပူၤအဂီၫ်စ့ၫ်ကီး ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ်တဲ၀ဲလီၤ.
“တကတီၫ်ဃီ တၫ်ဒုးအိၣ်ထီၣ်န့ၫ်အီၤပှၤတ၀ၢလၢကြၢး၀ဲဘၣ်၀ဲကန့ၫ်အဂီၫ် လိၣ်လၢတၫ်ကဘၣ်ဟ့ၣ်အါထီၣ် ပှၤတ၀ၢ တၫ်မၤစၢၤဆူရၢၫ်ခၢၫ်ကီၫ်စဲၣ်အဂ့ၫ်န့ၣ်လီၤ.တၫ်န့ၣ်အဃိ ဘ့ကလါဒ့းရှ်ကဟ့ၣ်ပှၤတ၀ၢတၫ်မၤစၢၤအဂီၫ် တၢၣ်ပီၣ်တဲသကိးဃာ်၀ဲအဂ့ၫ်”ကူၣ်တၣ်ရဲးတဲ၀ဲလီၤ.
လၢကတီၫ်အံၤ သုးကီၣ်ကးဒီးAAအဘၢၣ်စၢၤ တၫ်ဒုးတဖၣ်န့ၣ် ကဲထီၣ်တၫ်ကီတၫ်ခဲဖးဒိၣ်လၢ ပှၤရိၣ်ဟ့ၣ်ကၠၣ်ဖိတဖၣ် ကက့ၤဆူတၫ်အိၣ်တၫ်ဆိးအဂီၫ်၀ံၤ တၫ်ဃံးတၫ်စ့ၤအံၤ ကြၢးလၢပှၤကိးဂၤပာ်ဖှိၣ်ဘှါဆှဲသကိး၀ဲအဂ့ၫ် ဖဲပှၤဟံးတၫ်က စီၣ်တဖၣ်သံကွၫ်အီၤအကတီၫ် အ၀ဲစံးဆၢကဒါက့ၤ၀ဲလီၤ.
“တမ့ၫ်ထဲဘ့ကလါဒ့းဘၣ်အမဲာ်ညါ ထံကီၫ်လၢအိၣ်ဘူးခဲလၢာ် ကီၫ်ပယီၤပူၤ တၫ်မၤအၢမၤသီတဖၣ်ကပတုာ်ကွံာ် ဒီးတၫ်ဘှါဆှဲလၢတၫ်တူၫ်လိာ်အီၤသ့တဖၣ်ကအိၣ်ထီၣ်အဂီၫ် ကြၢးဟ့ၣ်တၫ်ဆီၣ်သနံး”အဂ့ၫ် ကူၣ်တၣ်ရဲးတဲ၀ဲလီၤ.
တၫ်ကးတံာ်ဟံးန့ၫ်ဂ့ၫ်၀ီတဖၣ် မ့ၫ်တၫ်ရဲၣ်တၫ်ကျဲၤလၢကဲထီၣ်အသးသ့ဘၣ်ဆၣ် တၫ်ကပာ်လီၤတၫ်ကးတံာ်ဟံးန့ၫ်ဂ့ၫ်၀ီ တဖၣ်အဂီၫ် တၫ်ကဒိးန့ၫ် ဘီမုၫ်စၢဖှိၣ်ကရၢတၫ်ဘံၣ်တၫ်ဘၢကီၣ်ကးအတၫ်ပာ်ဂၢၫ်ပာ်ကျၢၤအဂီၫ် ကီခဲ၀ဲသ့အဂ့ၫ် ဘီမုၫ်စၢဖှိၣ်ကရၢနဲၣ်ရွဲၣ် ကူၣ်တၣ်ရဲး ထုးထီၣ်တဲဖျါဃာ်၀ဲလီၤ.
Ref: VOM
