လါမးရှး(၁၄)သီ,၂၀၂၅နံၣ်
ကီၫ်ပယီၤပှၤနီၫ်ဂံၫ်သၢပူတပူန့ၣ် လၢကတီၫ်အံၤ ကွၫ်ဆၢၣ်မဲာ်ဘၣ် တၫ်အီၣ်တၫ်အီတလၢတပှဲၤတကးဘၣ် တၫ်သဘံၣ် သဘုၣ်လၢကဲထီၣ်အသးတပယူာ်တဖၣ်အဃိ ကမျၢၫ်(၁၉.၉)ကကွဲၫ် ဂ့ၫ်ဂီၫ်အူပှၤတ၀ၢတၫ်မၤစၢၤတဖၣ်အဂ့ၫ် ဖဲလါမးရှး(၁၃)သီအနံၤန့ၣ် ဘီမုၫ်စၢဖှိၣ်ကရၢတဲလီၤ၀ဲလီၤ.
သုးကီၣ်ကးန့ၣ် ဘၣ်ပျၫ်ကွံာ်ဟီၣ်က၀ီၤတဖၣ်ဒီးလၢတၫ်ခီၣ်ဆၢက့ၤ တၫ်ပၢၫ်ဆၢကရၢတဖၣ်အဂီၫ် တၫ်ဟ့ၣ်တၫ်ဆီၣ်ထွဲမၤစၢၤတဖၣ် ကးတံာ်ကွံာ်၀ဲအဂ့ၫ် ဘီမုၫ်စၢဖှိၣ်ကရၢ ပှၤကူၣ်သ့တဖၣ် အတၫ်ဘိးဘၣ်ရၤလီၤအပူၤပာ်ဖျါ၀ဲလီၤ.
တကးဘၣ် ပှၤ၀တၢတၫ်မၤစၢၤတဖၣ် တၫ်ကလဲၤဟ့ၣ်အဂီၫ် တြီဃာ်၀ဲဒီး ပှၤတ၀ၢပှၤမၤတၫ်ဖိတဖၣ်စ့ၫ်ကီး ဘၣ်တၫ် ပညိၣ်ဃီၤ၀ဲအဂ့ၫ်ဒီးတၫ်အိၣ်သးဒ်သိးအံၤအဃိ တၫ်အီၣ်တၫ်အီတၫ်ဃံးတၫ်စ့ၤ ဘၣ်အၢထီၣ်နးထီၣ်၀ဲအဂ့ၫ် တဲ၀ဲလီၤ.
လၢကီၫ်ပယီၤဒီတဘ့ၣ် ကီၫ်ဆၣ် (၉၆)မျးကယၤန့ၣ် သုးကီၣ်ကးဒီးတၫ်ပၢၫ်ဆၢသုးတဖၣ်အဘၢၣ်စၢၤတၫ်ဒုးတဖၣ်အဃိ မုာ်ကျိၤ၀ဲၤကွာ်ဒီးတၫ်သူၣ်တၫ်ဖျးတဖၣ်ဘၣ်ဒိဘၣ်ထံး၀ဲအဂ့ၫ်တဲ၀ဲလီၤ.
၂၀၂၅နံၣ်အပူၤ ဟုသး,သိ,အံသၣ်ဒီးပဲပာ်ဃုာ် တၫ်အီၣ်တၫ်အီလၢ ပှၤပာ်ဂံၫ်ပာ်ဘါအီၣ်တဖၣ်အပှ့ၤကလံၤကဒိၣ်ထီၣ် (၃၀)မျးကယၤအဂ့ၫ်စ့ၫ်ကီးတဲ၀ဲလီၤ.
သုးကီၣ်ကးတၫ်တြီဃာ်တဖၣ်တကးဘၣ်,မူခိၣ်ကလံၤသီၣ်ဂီၤတၫ်အိၣ်သးတဖၣ်အဃိ တၫ်ဃံးတၫ်စ့ၤတဖၣ် အၢထီၣ်နးထီၣ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
လီၤဆီဒၣ်တၫ် ပှၤလီၫ်အိၣ်ကမှံဒဲက၀ီၤပူၤ ပိာ်မုၣ်ဒီးဖိသၣ်လၢဘၣ်သုးလီၫ်သုးကျဲတဖၣ် ကွၫ်ဆၢၣ်မဲာ်ဘၣ် တၫ်အီၣ် တလၢတပှဲၤအနးကတၢၫ်တကးဘၣ်,တၫ်ဆူးတၫ်ဆါလၢတၫ်တြီဆၢ၀ဲန့ၫ်တဖၣ်အကျါ ဖိသၣ်တၫ်သံတၫ်ပှၫ်ဘၣ်အါ ထီၣ်၀ဲဒီးကွၫ်ဆၢၣ်မဲာ်ဘၣ်၀ဲအဂ့ၫ် ပာ်ဖျါ၀ဲလီၤ.
