လါမးရှး(၁၃)သီ,၂၀၂၅နံၣ်
ပယီၤသုးတကပၤကပတုာ်ကွံာ် တၫ်ဃုအ့ၣ်လိၣ်တဖၣ်လၢအဆိအချ့ဒီးတၫ်သူဂံၫ်ဘါအါအါဂီၫ်ဂီၫ်၀ံၤဒုးတၫ်တဖၣ်အဂီၫ်ဒီး တၫ်ဟ့ၣ်ပှၤတ၀ၢတၫ်မၤစၢၤလၢတအိၣ်ဒီးတၫ်မၤတံာ်တၫ်တဖၣ် ကဟ့ၣ်ခွဲးလၢအဆိအချ့အဂီၫ် ယူၤရပၤစၢဖှိၣ်ကရၢ(EU)ဃ့ထီၣ်၀ဲလီၤ.
ဖဲလါမးရှး(၁၁)သီနံၤ လၢကီၫ်စွံၣ်စလၣ်,၀့ၫ်ကၠံၣ်နံၣ်ဘၣ်အပူၤ တၫ်မၤ၀ဲ(UNHCR)အ (၉၂)ဘျီတဘျီ တၫ်အိၣ်ဖှိၣ်၀ံၤ အဆၢကတီၫ် တၫ်ဘိးဘၣ်ရၤလီၤအပူၤ ဆီၣ်တခူထီၣ်၀ဲဒ်သိးအံၤန့ၣ်လီၤ.
ကီၫ်ပယီၤပူၤ ကရၢလၢဘၣ်ထွဲခဲလၢာ် ကဒီသဒၢန့ၫ်တၫ်လၢထံဖိကီၫ်ဖိကမျၢၫ်တဖၣ်အဂီၫ်ပာ်ဃုာ် တၫ်ကလူၤပိာ်ဒိကနၣ် မၤထွဲဘၣ် ထံဂုၤကီၫ်ဂၤတၫ်ဘျၢတဖၣ်ဒီးထံဂုၤကီၫ်ဂၤ ပှၤဂ့ၫ်၀ီခွဲးယာ်တၫ်ဘျၢတဖၣ်အဂီၫ်စ့ၫ်ကီးယူၤရပၤစၢဖှိၣ်ကရၢ ဆီၣ်တခူထီၣ်၀ဲအဂ့ၫ်,ဒ်ဘီမုၫ်စၢဖှိၣ်ကရၢ တၫ်ဘံၣ်တၫ်ဘၢကီၣ်ကး ပာ်လီၤဃာ် Resolution 2669အသိး,အ့ရှၢၣ်မုၫ် ထီၣ်ကလံၤထံးထံကီၫ်ကရၢတဖၣ်ဒီးဘီမုၫ်စၢဖှိၣ်ကရၢတဖၣ်အတၫ်ဂုၤကျဲးစၢၤဘှါဆှဲလၢတၫ်မုာ်တၫ်ခုၣ်အပူၤတဖၣ်န့ၣ် ဟ့ၣ်ဂံၫ်ဟ့ၣ်ဘါ၀ဲအဂ့ၫ်စ့ၫ်ကီး ပာ်ဖျါဃာ်၀ဲလီၤ.
ဒ်န့ၣ်အသိး, UNHCRတကပၤ ကပာ်ဖှိၣ်မၤသကိးဘၣ်တၫ်ဒီးထံကီၫ်လၢတူၫ်လိာ် ကီၫ်ပယီၤပှၤဘၣ်ကီဘၣ်ခဲဖိတဖၣ်, အၣ်စံၣ်ယၣ်ဒီးလီၫ်က၀ီၤကရၢတဖၣ်၀ံၤ တၫ်ခီကီၫ်ဆၢဟ့ၣ်တၫ်မၤစၢၤကန့ၫ်အဂီၫ် ဆီၣ်တခူထီၣ်၀ဲလီၤ.ကီၫ်ပယီၤပူၤ တၫ်မၤကမၣ်ပှၤဂ့ၫ်၀ီခွဲးယာ်ဒီးထံဂုၤကီၫ်ဂၤတၫ်ဘျၢတဖၣ် သုးတကဲထီၣ်လၢၤတဂ့ၤအဂီၫ် ထံဂုၤကီၫ်ဂၤတဖၣ် ကမၤဆူၣ်ထီၣ်၀ဲအဂီၫ် ဆီၣ်တခူထီၣ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
UNHCRဒီးဘီမုၫ်စၢဖှိၣ်ကရၢ တၫ်ကရၢကရိအဂၤတဖၣ်ခဲလၢာ် ကဟ့ၣ်ကူၣ် ကီၫ်ပယီၤခၢၣ်စးလၢဘၣ်ထွဲတဖၣ် ကျိၤကျဲလၢကကဲထီၣ်တၫ်ဘၣ်ဘျူးတဖၣ်အဂီၫ်စ့ၫ်ကီး ယူၤရပၤကီၫ်စၢဖှိၣ် ဆီၣ်တခူထီၣ်၀ဲလီၤ.
Ref: RFA
