လါမးရှး(၁၃)သီ,၂၀၂၅နံၣ်
ကီၫ်ပယီၤ ၀့ၫ်ရၤမတံအပူၤ ခီဖျိလၢ(၇)သီလံာ်ပျဲက့ဒီးတၫ်လဲၤဟးအိၣ်ဆိး လၢ၀့ၫ်မဲဆီးအကျါ ပှၤCDM (၁၈)ဂၤ ဖဲလါမးရှး(၁၁)သီအနံၤန့ၣ် သုးကီၣ်ကးဒီးပၢၤကီၫ်တဖၣ် ဖီၣ်၀ဲအဂ့ၫ် တၫ်သ့ၣ်ညါဘၣ်လၢ ပှၤလၢဘၣ်တၫ်ဖီၣ်ဒီး ဟဲက့ၤပူၤဖျဲးထီၣ်တဂၤအအိၣ်န့ၣ်လီၤ.
လၢ၀့ၫ်ရၤမတံ-မဲဆီး ဖဲတိၤနီၫ်ဂံၫ်(၁),မၤ၀ဲတၫ်လဲၤဟး(၇)သီအဂီၫ်လံာ်ပျဲက့၀ံၤ (၇)သီတဘျီလဲၤမၤအါထီၣ်၀ဲ အသးသမူလၢ၀့ၫ်ရၤမတံအကတီၫ် ဘၣ်တၫ်သမံသမိး Smart Card တကးဘၣ်,တၫ်ဂ့ၫ်တၫ်ကျိၤလၢ မၤ၀ဲCDM ဖျါထီၣ်၀ဲအဃိ ဘၣ်တၫ်ဖီၣ်၀ဲအဂ့ၫ် တဲ၀ဲလီၤ.
ပိာ်မုၣ်သးနံၣ်အိၣ်(၅၀)နံၣ်တဂၤလၢဟဲက့ၤပူၤဖျဲးထီၣ်တဲ၀ဲလၢ”အ Smart Cardဘၣ်တၫ်သမံသမိး၀ံၤအလီၫ်ခံ ဘၣ်တၫ်ဖီၣ်၀ဲလီၤ.အSmart Card တၫ်သမံသမိး၀ဲဒီး အနီၫ်ကစၫ်တၫ်ဂ့ၫ်တၫ်ကျိၤတဖၣ်ဖျါထီၣ်၀ဲခဲလၢာ်လီၤ. တၫ်မၢဆၢထၢၣ်ဃးလၢတၫ်ကပၤလီၤ.ပၢၤကီၫ်တဲ၀ဲလၢမၤဃာ်CDMအဃိ ဃ့လီတဲစိလီၤ.တၫ်ဘူၣ်ဂ့ၤလၢ လီတဲစိ တအိၣ်လၢသါစုပူၤဘၣ်.တဲအီၤလၢ သူလီတဲစိတဘၣ်ဘၣ်အဆၢကတီၫ် ပၢၤကီၫ်တဲဆၢ၀ဲလၢ ကဲကၠိသရၣ်မုၣ်၀ံၤ သူလီတဲစိတဘၣ်န့ၣ် အခီပညီတအိၣ်ဘၣ်အဂ့ၫ်”န့ၣ်လီၤ.
သးနံၣ်အိၣ်(၅၀)နံၣ်ဘျဲၣ်လံဒီးဃ့၀ံသးစူၤပၢၤကီၫ်တဖၣ်အဃိ အလီၫ်ခံ ဘၣ်တၫ်ပျၫ်ကွံာ်၀ဲအဂ့ၫ် တဲ၀ဲလီၤ.
ပှၤလၢထံၣ်ဘၣ်၀ဲလၢအမဲာ်တဂၤတဲ၀ဲလၢ”ပှၤလၢဘၣ်တၫ်ဖီၣ်အိၣ်ကိးမုၫ်နံၤဃၣ်ဃၣ်လီၤ.အိၣ်လၢ၀့ၫ်ရၤမတံဒီးကလဲၤဟးဆူ၀့ၫ်မဲဆီးတကပၤအဂီၫ်န့ၣ် ဘၣ်မၤSmart Cardလီၤ.ခီဖျိလၢSmart Card၀ဲအံၤဒီးမၤတၫ်ခီဂာ်တိၤ လံာ်ပျဲက့၀ံၤ မးတၫ်လဲၤဆူကၠီၣ်တဲၣ်,၀့ၫ်မဲဆီးသ့န့ၣ်လီၤ.လၢတၫ်မၤSmart Cardလံၤလံၤန့ၣ် ခိၣ်ဂီၤနီၫ်ဂံၫ်ပာ်ဃုာ်၀ဲလီၤ.အ၀ဲသ့ၣ် မ့ၫ် သမံသမိး Smart Cardတဘျီဃီန့ၣ် ပှၤနီၫ်ကစၫ်တၫ်ဂ့ၫ်တၫ်ကျိၤဖျါထီၣ်၀ဲခဲလၢာ်အဂ့ၫ်”တဲ၀ဲလီၤ.
ဖဲလါမးရှး(၈)သီနံၤစ့ၫ်ကီး သိလ့ၣ်လၢ မၤ၀ဲလံာ်ပျဲက့ဖဲရၤမတံဒီးလဲၤပှ့ၤသိလၢ၀့ၫ်မဲဆီးတကပၤစ့ၫ်ကီး ဘၣ်တၫ် ဖီၣ်သမံသမိး၀ဲအိၣ်အဂ့ၫ် တၫ်သ့ၣ်ညါဘၣ်လၢ ပှၤနီသိလ့ၣ်ဖိလၢ လ့ၤထီၣ်လ့ၤလိၤဖဲရၤမတံ-မဲဆီးတဖၣ် အအိၣ် န့ၣ်လီၤ.
Ref: DVB
