လါမးရှး(၁၃)သီ,၂၀၂၅နံၣ်
ကီၫ်အမဲရကၤန့ၣ် USAIDလၢဆီၣ်ထွဲမၤစၢၤထံဂုၤကီၫ်ဂၤ တၫ်ဆီၣ်ထွဲမၤစၢၤအကျါ တၫ်ရဲၣ်တၫ်ကျဲၤ ၅,၂၀၀ န့ၣ် ပတုာ်ကွံာ်၀ဲ၀ံၤ တၫ်ရဲၣ်တၫ်ကျဲၤကအိၣ်တ့ၫ်ဒၣ်ထဲ ၁,၀၀၀ဃၣ်ဃၣ်လီၤအဂ့ၫ် အမဲရကၤထံဂုၤကီၫ်ဂၤကိတိာ် မၣ်ကိၣ်ရူၣ်ဘံၣ်အိၣ်န့ၣ် ဖဲလါမးရှး(၁၀)သီအနံၤန့ၣ် ကွဲးဖျါ၀ဲလၢ အXပှၤတ၀ၢလံာ်ကဘျံးပၤပူၤန့ၣ်လီၤ.
တၫ်မၤစၢၤခဲလၢာ် အ ၈၂ မျးကယၤန့ၣ် ထုးသံကွံာ်၀ဲ၀ံၤ အိၣ်တ့ၫ်၁၈မျးကယၤတခီ ကတၢၫ်ပီၣ်တဲသကိး၀ဲဒီးဘျီၣ်ဒိၣ်၀ံၤ ကမၤထွဲ၀ဲအဂ့ၫ် မၣ်ကိၣ်ရူၣ်ဘံၣ်အိၣ် ပာ်ဖျါ၀ဲလီၤ.
လီးအ့ၣ်ကၠ့ၣ်လံး ကီၫ်ပယီၤကရၢဟူးဂဲၤ LA2M ပှၤဒုးအိၣ်ထီၣ် ကၠ့ရွှ့ၣ်တခီ”ဘၣ်ထွဲဒီးတၫ်ဆီၣ်ထွဲမၤစၢၤကီၫ်ပယီၤ တၫ်ထုးသံကွံာ်၀ဲအကျါ ပာ်ဃုာ်,တပာ်ဃုာ်တၫ်တသ့ၣ်ညါဘၣ်ဒံးဘၣ်.တၫ်မၤစၢၤလၢကီၫ်ပယီၤလိၣ်ဘၣ်ဒီးတၫ်မၤစၢၤလၢတၫ်ဟ့ၣ်မၤစၢၤ၀ဲတဖၣ် ဒ်အမဲရကၤမုၫ်လၫ်တ့ၫ်၀ဲ တၫ်ဘံၣ်တၣ်ဘၢဒီးတၫ်ဂုၤထီၣ်ပသီထီၣ်တဖၣ် ကဲထီၣ်တၫ်မၤစၢၤထဲလဲၣ်န့ၣ် လံာ်ပာ် ဖျါတဘ့ၣ် ကတီၫ်ထီၣ်၀ဲဆူ အမဲရကၤဘျီၣ်ဒိၣ်အိၣ်န့ၣ်လီၤ.တၫ်အံၤအဂီၫ် လူၤပာ်ဖှိၣ်စုမုၫ်ကျၢၫ်တဖၣ်၀ံၤ ကတီၣ်ဖျါ ထီၣ်၀ဲဆူ ဘျီၣ်ဒိၣ်အိၣ်အဂ့ၫ်”တဲ၀ဲလီၤ.
ပှၤကီၫ်ပယီၤဖိလၢလဲၤတုၤဆူအမဲရကၤတဖၣ် ကီၫ်ပယီၤအဂီၫ်လိၣ်လၢတၫ်ကမၤစၢၤ၀ဲအဂ့ၫ်ဒီးတၫ်ဂ့ၫ်တၫ်ကျိၤ လၢကကဲထီၣ်တၫ်မၤစၢၤတဖၣ်အဂီၫ် လံာ်ပာ်ဖျါတဘ့ၣ် ပှၤဟူးဂဲၤတဖၣ် တယံာ်လၢၤဘၣ်န့ၣ် ကရၤလီၤ၀ဲအိၣ်န့ၣ်လီၤ.
လၢလံာ်အံၤအပူၤ ပှၤကီၫ်ပယီၤဖိလၢ လဲၤတုၤဆူကီၫ်စဲၣ်တဘ့ၣ်စုာ်စုာ် ကဆဲးလီၤဘၣ်စုမုၫ်ကျၢၫ်၀ံၤ ခီဖျိလၢဟ့ၣ်ထီၣ် ကဒါက့ၤ၀ဲဆူ ကီၫ်စဲၣ်လၢဘၣ်ထွဲတဘ့ၣ်စုာ်စုာ်အဖီခိၣ် ကီၫ်ပူၤပှၤလၢလိၣ်ဘၣ်တၫ်မၤစၢၤတဖၣ် ကဒိးန့ၫ်ကဒါက့ၤ တၫ်မၤစၢၤအဂီၫ် ပှၤဟူးဂဲၤတဖၣ် ဂဲၤလိာ်၀ဲန့ၣ်လီၤ.
Ref: DVB
