လါမးရှး(၁၂)သီ,၂၀၂၅နံၣ်
စ့တၢးတဖၣ်လဲၤတရံးသးတန့ၫ်လၢၤဘၣ်အဃိ ခၠီကီၫ်စဲၣ်ကလံၤထံးတကပၤ ကီၫ်ဆၣ်တဖၣ်အပူၤ စ့စးခိကၤထီၣ်အဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
အပူၤကွံာ် ၂၀၂၄နံၣ်,စးထီၣ်ဖဲလါဒံၣ်စ့ဘၢၣ်အပူၤန့ၣ် လၢခၠီကီၫ်စဲၣ်ကလံၤထံးတကပၤ ကီၫ်ဆၣ်တဖၣ်လၢအမ့ၫ် ပလဲး၀း,မတူၣ်ပံၣ်,မ့တးဒီးကၣ်ပဲးလဲးကီၫ်ဆၣ်တဖၣ်အပူၤ တၫ်ပၢၫ်ဆၢသုးတဖၣ် ပၢဆှၢဃာ်၀ဲ၀ံၤအလီၫ်ခံ ကွၫ်ဆၢၣ်မဲာ် ဘၣ်၀ဲဒ်သိးအံၤန့ၣ်လီၤ.
“စ့စးခိကၤထီၣ် တၫ်ဂ့ၫ်ခိၣ်သ့ၣ်န့ၣ်မ့ၫ် စ့တၢးတဖၣ် လဲၤတရံးသးတအိၣ်လၢၤဘၣ်. တၫ်ကလဲၤထုးထီၣ်စ့လၢ စ့တၢး လၢအိၣ်ဘူးတဖၣ်အဂီၫ် တၫ်လဲၤထီၣ်က့ၤလီၤတၫ်အိၣ်သးတညီဘၣ်အဃိ စ့စးခိဘၣ်ကၤထီၣ်ဒ်သိးအံၤန့ၣ်လီၤ.
ခၠီကီၫ်စဲၣ်ကလံၤထံးတကပၤ ကီၫ်ဆၣ်တဖၣ် လၢတၫ်ကလဲၤထုးထီၣ်စ့အဂီၫ် ဘၣ်လဲၤထုးထီၣ်၀ဲဆူ မကွ့ကီၫ်ခီ,ကီၫ်ဆၣ်တဖၣ်အပူၤ စ့တၢးတဖၣ်အဃိ တၫ်လဲၤထီၣ်က့ၤလီၤတၫ်လၢာ်ဘူၣ်လၢာ်စ့ၤ အိၣ်၀ဲလၢ(၅)ကလီၫ်တုၤ(၈)ကလီၫ် အဘၢၣ်စၢၤအဂ့ၫ်န့ၣ်လီၤ.
“အိၣ်လၢပလဲး၀းကီၫ်ဆၣ်ဒီးကလဲၤဆူ၀့ၫ်ဆီအဂီၫ် လဲၤ,ဟဲက့ၤ တၫ်လဲၤထီၣ်က့ၤလီၤ တၫ်လၢာ်ဘူၣ်လၢာ်စ့ၤအိၣ်၀ဲ (၈)ကလီၫ် တုၤ(၁၀)ကလီၫ်ညါန့ၣ်လီၤ.တၫ်အံၤ တမ့ၫ်လၢတၫ်လဲၤထီၣ်က့ၤလီၤန့ၫ် ကိးမုၫ်နံၤဒဲးဘၣ်.သိလ့ၣ် လဲၤထီၣ် က့ၤလီၤမ့ၫ်အိၣ်မးဒီးလဲၤ၀ဲသ့လီၤ.တၫ်အိၣ်သးဒ်သိးအံၤန့ၣ် တၫ်ကထုးထီၣ် စ့(၅)ကလီၫ်,အကလီၫ်(၁၀)အဂီၫ် တညီဘၣ်.လၢာ်ဒၣ်လၢ တၫ်လဲၤထီၣ်က့ၤလီၤအပှ့ၤလီၤအဂ့ၫ်”ပှၤ၀့ၫ်ပလဲး၀းဖိတဂၤတဲ၀ဲလီၤ.
ခၠီကီၫ်စဲၣ်ကလံၤထံးကီၫ်ဆၣ်တဖၣ်အပူၤ လၢတၫ်ထုးထီၣ်စ့ခီဖျိလၢ Wave payဒီး kpayတဖၣ်န့ၣ် တၫ်ဘၣ်ဟ့ၣ်၀ဲ(၅)မျးကယၤ တုၤ(၁၀)မျးကယၤအဘၢၣ်စၢၤ၀ံၤ ဒ်တၫ်အဲၣ်ဒိးထုးထီၣ်စ့အသိး ထုးထီၣ်န့ၫ်၀ဲတန့ၫ်ဘၣ်ဒီးတၫ်ကထုးထီၣ်စ့အဂီၫ် ဘၣ်တၫ်ပာ်ပနီၣ်န့ၫ်၀ဲမုၫ်နံၤမုၫ်သီတဖၣ်အဂ့ၫ်န့ၣ်လီၤ.
စ့စးခိကၤထီၣ်ဒ်သိးအံၤအဃိ လၢတၫ်ဘှါဆှဲ ပှၤဂ့ၫ်၀ီ,မုာ်ကျိၤ၀ဲၤကွာ်ဒီးတၫ်ဂ့ၫ်လၢအဂၤတဖၣ် တၫ်ကီတၫ်ခဲအိၣ်ထီၣ်၀ဲအဂ့ၫ် လီၫ်က၀ီၤဖိတဂၤတဲ၀ဲလီၤ.
“ပှၤဂ့ၫ်၀ီတၫ်ဂ့ၫ်တဖၣ်အပူၤ တၫ်လၢဘၣ်ဘှါဆှဲဒီးစ့န့ၣ်အိၣ်၀ဲလီၤ.အဒိ,တၫ်ဘၣ်မိၣ်ဘၣ်မးမ့ၫ်ဂ့ၤလီၤ.အပူၤကွံာ် တၤသူတၤသၣ်ဟးထီၣ်လၢကရၢၫ်ပူၤတဖၣ် ပှၤလၢကပှ့ၤအီၣ်၀ဲအိၣ်လီၤ.ဆါဘၣ်စ့ၫ်ကီးလီၤ.အခဲအံၤဒု ပှၤပှ့ၤတၫ်တအိၣ်လၢၤဘၣ်ဒီးတဆါဘၣ်လၢၤဘၣ်.ထံၣ်ဘၣ်တၫ်ကီတၫ်ခဲဒ်သိးအံၤအဂ့ၫ် “၀့ၫ်လဲၣ်လ့ပံၣ် လီၫ်က၀ီၤဖိတဂၤတဲ၀ဲလီၤ.
မ့တးဒီးကၣ်ပဲးလဲးကီၫ်ဆၣ်တဖၣ်အပူၤစ့ၫ်ကီး လၢကတီၫ်အံၤ စ့စးခိ စးထီၣ်ကၤထီၣ်၀ဲဒီးလၢ Wave payဒီး Kpayကျးတဖၣ်န့ၣ် တၫ်ဘၣ်ထုးထီၣ်လၢ တၫ်ပာ်ပနီၣ်အပူၤအဂ့ၫ် တၫ်သ့ၣ်ညါဘၣ်လီၤ.
Ref: Ayeyarwaddy Times
