လါမးရှး(၁၂)သီ,၂၀၂၅နံၣ်
အ့ၣ်ယၣ်၀တံၣ်ကီၢ်ခီ, ဖၠၣ်ပိၣ်ကီၢ်ဆၣ်အပူၤ သုးကီၣ်ကးအစုတီၤဖီလၥ် ပၢပြးခိၣ်နၢ်တဖၣ် ကိးပှၤက့ၢ်ဂီၤတလၢပှဲၤတဖၣ်ဒ် ကမျၢၢ်တၢ်ဘၣ်ကဲသုးအသိးအဂ့ၢ် တၢ်သ့ၣ်ညါဘၣ်လၢ လီၢ်က၀ီၤဖိတဖၣ်အအိၣ်န့ၣ်လီၤ.
ဖၠၣ်ပိၣ်ကီၢ်ဆၣ်, ကၠဲးဖးမွ့စီသ၀ီပၢပြးခိၣ် ကိး၀ဲပှၤက့ၢ်ဂီၤတလၢပှဲၤ(၃)ဂၤလၢအိၣ်ဖဲသ၀ီပူၤ ဒ်ကမျၢၢ်တၢ်ဘၣ်ကဲသုးအသိး၀ံၤ ဖဲလါမးရှးတၢတနွံအတီၢ်ပူၤန့ၣ် လဲၤဆှၢအီၤဆူ သုးတၢ်သိၣ်လိကၠိအဂ့ၢ် စံး၀ဲန့ၣ်လီၤ.
ပှၤလၢအိၣ်ဘူးဒီး ပှၤလၢဘၣ်တၢ်ကိးအီၤတဂၤ စံး၀ဲလၢ” တၢ်ကိး၀ဲ နီၣ်ဂံၢ်(၁၁)၀ီတ၀ီ သုးတၢ်မၤလိအပူၤ ပၣ်ဃုၥ်၀ဲ ပှၤက့ၢ်ဂီၤတလၢပှဲၤ(၃)ဂၤလီၤ. သ့ၣ်ညါ၀ဲလၢပှၤက့ၢ်ဂီၤတလၢပှဲၤဘၣ်န့ၣ် ဆှၢ၀ဲဆူသုးတၢ်သိၣ်လိကၠိန့ၣ်လီၤ. ဒူသ၀ီပၢပြးကရၢဒီးကီၢ်ဆၣ်ပၢပြးခိၣ်တဖၣ် အတၢ်မၤလီၤ. အဟံၣ်ဖိဃီဖိတဖၣ် တဲအီၤလၢ အက့ၢ်အဂီၤတလၢပှဲၤဘၣ်ဆၣ် အ၀ဲတကနၣ်ဃုၥ်၀ဲဘၣ်အဂ့ၢ်” န့ၣ်လီၤ.
ပှၤက့ၢ်ဂီၤတလၢပှဲၤသၢဂၤလၢ ဘၣ်တၢ်ဆှၢအီၤဆူ သုးတၢ်သိၣ်လိကၠိအကျါ ပၣ်ဃုၥ်၀ဲ သးနံၣ်(၁၇)နံၣ်တဂၤ, (၁၈)နံၣ်တဂၤဒီး(၂၀)နံၣ်တဖၣ်၀ံၤအဟံၣ်ဖိဃီဖိတဖၣ်ပတံထီၣ်လံၥ်ဆူကီၢ်ခီတၢ်ကိးတၢ်မၤကဲသုးကရၢအအိၣ်ဘၣ်ဆၣ် တုၤလၢလါမးရှး(၁၁)သီအနံၤဒၣ်လဲၣ် တဒုးသ့ၣ်ညါက့ၤနီတမံၤဘၣ်န့ၣ်လီၤ.
ပှၤလၢအိၣ်ဘူးဒီး ကီၢ်ခီကမျၢၢ်တၢ်ဘၣ်ကဲသုးကရၢတဂၤ စံး၀ဲလၢ” တၢ်နဲၣ်လီၤတအိၣ်လၢ တၢ်ကပျဲကဲ ပှၤက့ၢ်ဂီၤတလၢပှဲၤတဖၣ် ဒ်တၢ်ဘၣ်ကဲသုးအသိးဘၣ်. တကိးစ့ၢ်ကီးဘၣ်န့ၣ်လီၤ. ပှၤက့ၢ်ဂီၤတလၢပှဲၤတဖၣ်န့ၣ် တၢ်ပျဲပူၤဖျဲးဃၥ်အီၤအဂ့ၢ်” န့ၣ်လီၤ.
ဖၠၣ်ပိၣ်ကီၢ်ဆၣ်အပူၤ ဘၣ်ထွဲဒီး သုးကီၣ်ကးအစုတီဖီလၥ် ပၢပြးခိၣ်တဖၣ် ကိး၀ဲပှၤက့ၢ်ဂီၤတလၢပှဲၤတဖၣ်ဒ် ကမျၢၢ်တၢ်ဘၣ်ကဲသုးအသိးတၢ်ဂ့ၢ်န့ၣ် မ့ၢ်အနီၢ်ကီၢ်ဒီးအကဲပှၤက့ၢ်ဂီၤတလၢပှဲၤတဖၣ်အဂ့ၢ် တၢ်ဂ့ၢ်တၢ်ကျိၤတဖၣ် အဟံၣ်ဖိဃီဖိတဖၣ် ပတံထီၣ်လံၥ်ဆူ ကီၢ်ခီသုးကီၣ်ကးတၢ်ကိးတၢ်မၤကဲသုးကရၢအအိၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
Ref: DVB
