လါမးရှး(၁၁)သီ, ၂၀၂၅နံၣ်
ဖံးလံးပ့ပဒိၣ်ဘိးဘၣ်ရၤလီၤ၀ဲလၢ ခီဖျိ ဟီၣ်ခိၣ်ဒီဘ့ၣ်ကွီၢ်ဘျီၣ်၀ဲၤဒၢး(ICC)တၢ်ဖီၣ်န့ၢ်အခွဲးအဖီခိၣ် ဖံးလံးပ့ကီၢ်ခိၣ်လီၢ်လံရိၣ်ဒရံၣ်ကိၣ်ဒူၣ်တၢ်တ့ ဘၣ်တၢ်ဖီၣ်အီၤလၢမနံၣ်လၣ်ကဘီယူၤသန့အဂ့ၢ်န့ၣ်လီၤ.
ကီၢ်ခိၣ်လီၢ်လံၤဘၣ်တၢ်ဖီၣ်အီၤအဂ့ၢ်န့ၣ် CNNတၢ်ကစီၣ်သန့ပၥ်ဖျါဃၥ်၀ဲ၀ံၤ ခီဖျိ ICC လိၥ်ဘၢလိၥ်ကွီၢ်ဃၥ်အီၤလၢ တၢ်မၤကမၣ်ကလုၥ်စဲၤသွဲၣ်ကွီၢ်မ့ၣ်အဃိ ပၢၤကီၢ်တဖၣ်ဖီၣ်အီၤဖဲ မနံၣ်လၣ်ကဘီယူၤသန့ ဖဲလါမးရှး(၁၁)သီအနံၤအံၤန့ၣ်လီၤ.
ကီၢ်ခိၣ်လီၢ်လံၤဒူၣ်တၢ်တ့ အိၣ်ဟဲက့ၤတုၤ၀ဲဒၣ်လၢဟီၣ်ခီ၀ံၤအလီၢ်ခံ ဘၣ်တၢ်ဖီၣ်အီၤဒီး ဖဲလၢအကဲတ့ၢ်ကီၢ်ခိၣ်အဆၢကတီၢ် တၢ်ဒုးလီၤပှီၢ်ကသံၣ်မူၤဘှီးဂ့ၢ်၀ီတဖၣ်အပူၤ မၤသံ၀ဲပှၤ(၆)ကထိဘျဲၣ်တၢ်ဂ့ၢ်အဖီခိၣ် ICCသမံးသမိး၀ဲအဂ့ၢ် ပၥ်ဖျါဃၥ်၀ဲလၢ အလံၥ်ဘိးဘၣ်ရၤလီၤအပူၤန့ၣ်လီၤ.
တနံၤအံၤန့ၣ် ကီၢ်ခိၣ်လီၢ်လံၤဒူၣ်တၢ်တ့အိၣ်ဟဲက့ၤ၀ဲဒၣ်လၢဟီၣ်ခီဒီးဟဲက့ၤတုၤ၀ဲဒၣ်ဆူ ဖံးလံးပ့၀ံၤအလီၢ်ခံ ဘၣ်တၢ်ဖီၣ်အီၤဖဲ ၀့ၢ်ခိၣ်မနံၣ်လၣ်ကဘီသန့ၤန့ၣ်လီၤ.
အ့ၣ်တၢ်ပိၣ် အမနံၣ်လၣ်၀ဲၤဒၢး ဒိးန့ၢ်ဘၣ်တၢ်ဖီၣ်န့ၢ်အခွဲးလံၥ်လၢ ICCအအိၣ်အဂ့ၢ် ကီၢ်ခိၣ်၀ဲၤဒၢးအလံၥ်ဘိးဘၣ်ရၤလီၤအဖီခိၣ် တၢ်သ့ၣ်ညါဘၣ်န့ၣ်လီၤ.
“ဒူၣ်တၢ်တ့ဟဲတုၤအဆၢကတီၢ်, ပဒိၣ်စံၣ်ညီၣ်ကွီၢ်ခိၣ်ကျၢၢ်၀ဲၤဒၢး တီၣ်ထီၣ်ဃၥ်၀ဲ လံၥ်ဒုးသ့ၣ်ညါလၢ ဘၣ်ထွဲဒီး ကီၢ်ခိၣ်လီၢ်လံၤလၢ အမၤကမၣ်ကလုၥ်စဲၤသွဲၣ်ကွီၢ်မ့ၣ်အဖီခိၣ် တၢ်ကဖီၣ်အီၤလၢ(ICC)တၢ်ဖီၣ်န့ၢ်အခွဲး အဂ့ၢ်” အလံၥ်ဘိးဘၣ်ရၤလီၤအပူၤ ပၥ်ဖျါဃၥ်၀ဲ န့ၣ်လီၤ.
အ့ရှၢမုၢ်ထီၣ်ကလံၤထံးထံကီၢ်အပူၤ ကဒုးလီၤပှီၢ်ကွံၥ် ပှၤလၢအသူကသံၣ်မူၤဘှီးတဖၣ်ဒီး ပှၤလၢအရၤလီၤကသံၣ်မူၤဘှီးတဖၣ်အဂီၢ် ကီၢ်ခိၣ်လီၢ်လံၤဒူၣ်တၢ်တ့အၢၣ်လီၤဃၥ်၀ဲဒီး ဖဲလၢတၢ်ဒုးလီၤပှီၢ် အၢအၢသီသီတဖၣ်အပူၤ ပှၤအကထိတဖၣ် ဘၣ်သံ၀ဲအဂ့ၢ် CNNတၢ်ကစီၣ်သန့ ပၥ်ဖျါဃၥ်၀ဲအဖီခိၣ်တၢ်သ့ၣ်ညါဘၣ်န့ၣ်လီၤ.
Ref:CNN
